மது உரிமையாளர்களுக்கு ரூ.118 கோடி வரி பாக்கி தள்ளுபடி!

Read Time:10 Minute, 18 Second

பா.ஜனதா தலைமையிலான மராட்டிய அரசு மிகப்பெரிய சில இந்திய ஒயின் உற்பத்தியாளர்களின் ரூ.118.30 கோடி வரி பாக்கியை ரத்துசெய்ய உள்ளது. இது 2006-ம் ஆண்டுக்கு பின்னர் பிறகு சேர்ந்த கலால் வரியின் நிலுவை தொகையாகும். மாநில நிதியமைச்சக மூத்த அதிகாரி பேசுகையில், வரி அசலை தள்ளுபடி செய்ய பரிசீலிக்கப்படும் முன்மொழிவு மாநில வரலாற்றின் வரலாற்றிலேயே முதல்முறையாகும் என்கிறார்.

ஒயின் உற்பத்தியாளர்களின் வரி பாக்கியை ரத்து செய்யும் திட்டம் முன்னெடுக்கப்பட்டால் இந்தியாவின் மிகப்பெரிய ஒயின் உற்பத்தி நிறுவனமான சுலா ஒயின்யார்ட்ஸ் லிட் (ஒயின் ஊபத்தியில் 65 சதவீத பங்கு வகிக்கிறது) அதிகளவில் பயனடையும். மராட்டிய மாநில கலால் வரித்துறையின் ஆவணங்கள் சுலா ஒயின்யார்ட்ஸ் மட்டும் ரூ.115.89 கோடி அளவு வரி பாக்கி செலுத்த வேண்டியிருப்பதாக தெரிவிக்கிறது. மற்ற ஐந்து ஒயின் மது உற்பத்தி நிறுவனங்களும் பயனடையும். குட் டிராப் ஒயின் செல்லர்ஸ் நிறுவனம் ரூ.1.32 கோடியும், செவன் பீக்ஸ் வைனரிஸ் நிறுவனம் ரூ.78.25 லட்சமும், வின்லாண்ட் ஒயின்ஸ் நிறுவனம் ரூ.11.87 லட்சமும், ஏடி ஒயின்ஸ் நிறுவனம் ரூ.9,65 லட்சமும், நோபில் ஒயின்ஸ் ரூ.2.67 லட்சமும் பயன்பெறும்.

ஒயின் உற்பத்தியாளர்களின் வரி பாக்கியை தள்ளுபடி செய்யும் திட்டத்தை தயார் செய்யுமாறு மாநில கலால் துறைக்கு ஏற்கனவே உத்தரவிடப்பட்டுள்ளதாக தங்களுடைய பார்வைக்குக் கிடைத்த ஆவணங்கள் தெரிவிக்கிறது என தி இந்தியன் எக்ஸ்பிரஸ் செய்தி வெளியிட்டுள்ளது. பா.ஜனதா அரசின் இந்நகர்வானது எதிர்க்கட்சிகளின் தாக்குதலுக்கு உள்ளாகலாம் என்று, இந்த தள்ளுபடிக்கு ஆதரவு அளித்த தலைமை செயலர் தினேஷ் குமார் ஜெயின் தலைமையிலான அரசு குழு, மாநில சட்டமன்றத்தின் அனுமதியை கோருமாறு கூறியிருக்கிறது.

இந்திய ஒயின் மது உற்பத்தியாளர்கள் சங்கத்தின் கோரிக்கையை அடுத்து மே 8-ம் தேதி முதல்-மந்திரி தேவேந்திர பட்னாவிஸ் ஜெயின் தலைமையிலான குழுவை நியமித்தார். இதுதொடர்பான அறிக்கையை குழுவானது ஜூலை 4-ம் தேதி சமர்பித்துள்ளது, அரசும் அதனை ஏற்றுக்கொண்டது என ஆவணங்கள் தெரிவிக்கிறது என ஆவணங்கள் காட்டுகிறது. இதற்கிடையே மாநில கலால் துறை இத்தகைய இத்தகைய நடவடிக்கைக்கு எதிர்ப்பு தெரிவித்து மே 17-ம் தேதி அரசை அணுகியதை ஆவணங்கள் காட்டுகிறது. இதற்கிடையே வரி பாக்கி சலுகையை அளிப்பதற்கு சட்டமன்றத்திற்கு அதிகாரம் உள்ளதா? என்ற கேள்வியும் எழுந்துள்ளது. தன்னுடைய அடையாளத்தை காட்ட விரும்பாத சட்டமன்ற உயர் அதிகாரி பேசுகையில், “இது அரசின் உயர்மட்ட அதிகாரப் பிரிவின் பணி. சட்டமன்ற பிரிவுக்கு இதனை செய்வதற்கு அதிகாரம் கிடையாது” என கூறியுள்ளார்.

இந்தியாவின் முன்னணி ஒயின் மது உற்பத்தியாளராக விளங்கும் மராட்டியம், 2001-ம் ஆண்டு முதல் இத்துறைக்கான ஊக்க கொள்கையையும் கொண்டுள்ளது இதன் ஒரு பகுதியாக மராட்டிய மாநிலத்திற்குள் உற்பத்தி செய்யப்படும் ஒயினுக்கு சொந்த பிராண்ட் என்னும் அடிப்படையில் ஜூன் 2004-ல் கலால் வரியை 2004 ஜூனில் செலுத்தியுள்ளது. ஆனால் 2006 மார்ச் 31-ல் வெளியான உத்தரவு இந்த சலுகையானது முதல் விற்பனை முனையில் மட்டும்தான் என்பதை தெளிவுப்படுத்தியுள்ளது.

ஒயின் மது உற்பத்தியாளர்கள் மாநிலத்திற்குள் அல்லது வெளியிலிருந்து, திராட்சை தோட்டம் அல்லது இதர உரிமையாளர்களிடமிருந்து வைனை வாங்கி பிளன்ட் செய்வதற்கு இந்த சலுகையானது பொருந்தாது எனவும் அறிக்கையானது தெளிவுப்படுத்துகிறது. ரூ.450 கோடி மதிப்பிலான ஒயின் மது உற்பத்தி துறையில் சுலா ஒயின்யார்ட்ஸ், பிராடெல்லி ஒயின்ஸ் மற்றும் குரோவர் ஒயின்யார்ட்ஸ் ஆகிய மூன்று நிறுவனங்கள் மட்டும் 90 சதவீத சந்தை பங்கை கொண்டிருக்கிறது. உள்ளூர் உற்பத்தியாளர்கள் மற்றும் வைனரிகளிலிருந்து மொத்தமாக மதுவை வானங்குவது அதிகரித்துள்ளது.

2006 அறிவிக்கையின்படி பிளன்ட் செய்யும் ஒயின் மீது 100 சதவீத வரி பொருந்தும். 2011-ல் செய்யப்பட்ட உள் தணிக்கையில் இந்த வரித்தொகையானது வசூலிக்கப்படவில்லை என்பது தெரியவந்தது. இதனையடுத்து அரசு தரப்பில் வரி பாக்கியை செலுத்தக் கோரப்பட்டது. இவ்விவகாரம் தொடர்பாக பலமுறை நினைவுப்படுத்தியும், இதுநாள் வரை வரி பாக்கி வசூலாகவில்லை என்பதை தகவல்கள் உறுதிப்படுத்துகிறது.

முன்னதாக மாநிலத்தில் காங்கிரஸ்-தேசியவாத காங்கிரஸ் கூட்டணி ஆட்சியின்போதும் ஒயின் மது உற்பத்தியாளர்கள் தள்ளுபடிக்கு முயற்சித்துள்ளனர். ஆனால் ஜூலை 26-ல் பட்னாவிஸ் அரசு முதல் சலுகையை அறிவித்தது. ஜெயின் குழு அறிக்கையின் அடிப்படையில், மராட்டியத்திற்குள் உள்ள பிற வைனரிகள் அல்லது திராட்சை தோட்டங்களிலிருந்து தருவிக்கப்பட்ட மது அல்லது திராட்சை ரகம் கொண்டு பிளன்ட் செய்யப்படும் ஒயின் மதுவுக்குக்கூட வரிச் சலுகை பொருந்தும். இருப்பினும் இதை பின் தேதியிட்டு அமல்படுத்த முடியாது என குழு கூறியிருப்பதால் இதை பொருத்தமாகத்தான் பயன்படுத்த வேண்டும்.

ஆனால் செல்வாக்கு மிக்க பா.ஜனதா அமைச்சர் ஒருவர் முன்னதாக செலுத்த வேண்டிய வரிக்கும் இது பொருந்தும் என வலியுறுத்தி வருவதாக கூறப்படுவதால், ஜெயின் குழு, 2006 மார்ச் 31 அறிவிக்கையில் மாற்றம் செய்து 2006 முதல் சேர்ந்த வரி பாக்கிக்கு முன்னதாக பொருந்தச்செய்யுமாறு பரிந்துரைத்துள்ளது. இது சர்ச்சையாவதை தவிர்க்கும் விதமாக சட்டமன்ற அனுமதியைக் கோர யோசனை தெரிவிக்கப்பட்டுள்ளது.

ஒயின் மது உற்பத்தியாளர் நிறுவன சங்கத் தலைவர் ஹதின் பாட்டீல் பேசுகையில் “வரி பாக்கி வசூலிக்கும்போது, 80 சதவீத நிறுவனங்கள் பாதிக்கப்படும். திராட்சை பயிர் செய்பவர்களால் நடத்தப்படும் சிறிய நிறுவனங்கள் அதிகம் பாதிக்கப்படும். இதன் காரணமாகவே சங்கம் தள்ளுபடி கோரிக்கைய முன்வைத்தது” என்று கூறியுள்ளார். “பெரும்பாலான சிறிய உற்பத்தி நிறுவனங்களுக்கு மார்க்கெட்டிங் செய்ய தேவையான வசதி மற்றும் பிராண்ட் கிடையாது. போட்டியை சமாளிக்க இந்நிறுவனங்கள் பெரிய ஒயின் மது உற்பத்தி நிறுவனங்களுக்கு விற்பனை செய்கின்றன. அவை பிளன்ட் செய்து தங்கள் சொந்த பிராண்டாக விற்கின்றன. 2011-ல் கலால் வரித்துறை விசாரிக்க தொடங்கிய பின்னர்தான் மாநிலத்திலிருந்து தருவிக்கப்பட்டு பிளன்ட் செய்யப்படும் மதுவுக்கு சலுகை பொருந்தது என தெரியவந்தது” எனவும் குறிப்பிட்டுள்ளார்.

மேலும் பேசுகையில், “உற்பத்தி செய்யப்பட்ட ஒயினுக்கு விலை நிர்ணயிக்கும்போது இது கவனத்தில் கொள்ளப்படவில்லை. இந்த வரி வசூலிக்கப்பட்டால் பல சிறிய நிறுவனங்களால் தாக்குப்பிடிக்க முடியாது” என்றும் குறிப்பிட்டுள்ளார். இதற்கிடையே வரி தள்ளுபடிக்கு கலால் ஆணையகம் எதிர்ப்பு தெரிவித்துள்ளதாகவும், ஜெயின் குழுவிடமும் இது தெரிவிக்கப்பட்டுள்ளதாக அரசு வட்டார தகவல் தெரிவிக்கிறது.

சுலா ஒயின்யார்ட்ஸ் துணை தலைவர் (பொது விவகாரங்கள்) சஞ்சீவ் பைந்தன்கர் பேசுகையில், “2006 அறிவிக்கை மாநிலத்திலிருந்து தருவிக்கப்பட்டு பிளன்ட் செய்யப்படும் மது மற்றும் வெளிமாநிலங்கள் அல்லது வெளிநாடுகளிலில் இருந்து தருவிக்கப்படும் மது இடையே வேறுபாடு கண்டிருக்க வேண்டும். இந்த தவறை சரிசெய்ய வேண்டிய அவசியம் உள்ளது. இது திராட்சை விவசாயிகளை பாதிக்கிறது. மேலும் மாநில அரசின் ஒயின் மது ஊக்க கொள்கைக்கு எதிராக அமைகிறது” என்று கூறியுள்ளார். கலால் ஆணையம் எதிர்ப்பை பதிவு செய்து இருந்தாலும், ஜெயின் குழு நிறுவனங்களுக்கு சலுகை வழங்குவதற்கு ஆதரவாக பரிந்துரை செய்துள்ளது. மராட்டியத்தில் ஆண்டுக்கு 1.8 கோடி லிட்டர் ஒயின் உற்பத்தி செய்கிறது. இத்துறையின் மதிப்பு ரூ.450 கோடியாகும். நன்றி: தி இந்தியன் எக்ஸ்பிரஸ்