உங்களுடைய ஜிமெயில் பாஸ்வேர்டு எப்போது பாதுகாப்பாக இருக்கும்…!

Read Time:2 Minute, 44 Second

உங்களுடைய ஜிமெயில் பாஸ்வேர்டை மிகவும் வலிமையாக்கலாம், எப்போதும் பாதுகாப்பாக இருக்கும் என்ற வகையில் கூகுள் புதிய வசதியை அறிமுகம் செய்துள்ளது.

இணையதளம் மிகவும் ஆபத்தான பகுதியென்றால் மறுக்கமுடியாது. இன்றைய உலகில் இணையப் பயன்பாட்டில் நம்முடைய தனிப்பட்ட தகவல்கள் பாதுகாப்பாக இருக்கிறதா? என்பது ஒரு நம்பிக்கையில்தான் செல்கிறது. அவ்வப்போது, பேஸ்புக் போன்ற சமூக வலைதளங்களில் தனிப்பட்ட தகவல்கள் திருட்டு என தகவல்கள் வெளியாகி அதிர்ச்சியை ஏற்படுத்தும். ஹேக்கர்கள், சைபர் திருடர்கள் உள்ளிட்டோரிடம் இருந்து நம்மை, நமது தகவல்களைக் காத்துக்கொள்வது முக்கியமாக உள்ளது. பெரும்பாலான அனைத்துப் பரிவர்த்தனைகளும் இணையத்திலேயே நடைபெறுகிறது.

இதில் பயனாளர்களுக்கு முழு பாதுகாப்பு ஏற்பாடுகளை உறுதி செய்வது என்பது இணைய நிறுவனங்களின் முக்கிய பொறுப்பாகும்.

இதற்கு தகுந்தவகையில் நடவடிக்கையை எடுத்துள்ள கூகுள் நிறுவனம், உங்களுடைய ஜிமெயில் பாஸ்வேர்டை மிகவும் வலிமையாக்கலாம், எப்போதும் பாதுகாப்பாக இருக்கும் என்ற வகையில் வசதியை அறிமுகம் செய்துள்ளது.

கூகுள் நிறுவனம் க்ரோம் எக்ஸ்டன்ஷனாக ‘பாஸ்வேர்டு செக்கப்’ என்ற வசதியை அறிமுகப்படுத்தி உள்ளது. இதன்மூலம் உங்களுக்குத் தெரியாமல் உங்களின் பாஸ்வேர்டை யாராலும் மாற்ற முடியாது. உங்களுடைய கணக்கு பாதுகாப்பற்றதாக கூகுள் உணர்ந்தால் உங்களின் பாஸ்வேர்டை மாற்றச்சொல்லி கூகுள் தன்னிச்சையாக எச்சரிக்கை செய்தியை அனுப்பும்.

எப்படி இன்ஸ்டால் செய்வது?

* முதலில் Chrome desktop extension-ஐ இன்ஸ்டால் செய்துகொள்ளுங்கள்.

* உடனே பிரவுசர் பாரில் பச்சை நிறத்தில் சரி என்ற குறியிடப்பட்ட Password Checkup தோன்றும்.

* எப்போதாவது தேர்ட்-பார்ட்டி சேவைகளில் பாதுகாப்பற்ற தளங்களுக்குள் நுழைந்தீர்கள் எனில், பாஸ்வேர்டை மாற்றச் சொல்லிக் கேட்கும்.

* பச்சை நிற ஐகான், சிவப்பு நிறத்துக்கு மாறும்.

* இதன்மூலம் உங்களின் பாஸ்வேர்டைப் பாதுகாத்துக் கொள்ளலாம்.