Human-Elephant Conflict - The Madras Post

மனிதர்கள் – யானை மோதலில் 3 ஆண்டுகளில் 1,713 பேர் உயிரிழப்பு, 373 யானைகள் உயிரிழப்பு

Read Time:6 Minute, 32 Second

மின்சாரம் தாக்குதலால் யானைகள் அதிகமாக உயிரிழப்பிற்கு முக்கிய காரணமாக அமைகிறது, வாழ்விடத்திற்கு தொந்தரவு செய்வது உள்ளிட்ட சூழ்நிலைகள் மோதல்கள் அதிகரிப்புக்கு காரணம் என மத்திய அமைச்சகம் தெரிவித்துள்ளது.

 2015-2018 காலப்பகுதியில் மூன்று ஆண்டுகளில், மனித-யானை மோதல்களில் 1,713 மனிதர்களும், 373 யானைகளும் உயிரிழந்துள்ளன. இயற்கைக்கு மாறாக மின்சாரம் தாக்குதல், வேட்டையாடல் உள்ளிட்டவை யானைகள் அதிகமாக உயிரிழப்பதற்கு காரணமாக உள்ளது. விலங்குகளின் வாழ்விடங்களுக்கு நேரிடும் தொந்தரவு, நகர்மையமாதல் உள்ளிட்ட பல்வேறு காரணிகள் அசாதாரணமான மனித மற்றும் விலங்குகள் பாதிப்பு ஆபத்துக்கள் காரணமாக இருக்கலாம் என்று வல்லுனர்கள் கூறுகின்றனர்.

மத்திய சுற்றுச்சூழல் மற்றும் வனத்துறை மற்றும் சுற்றுச்சூழல் மாற்றம் அமைச்சகத்தின் அமைச்சர் டாக்டர் மகேஷ் ஷர்மா பாராளுமன்றத்தில் அளித்துள்ள பதிலில், பல்வேறு மாநிலங்களில் வீடுகள், பயிர்கள் சேதம் அடைந்துள்ளன.  யானைகள் தாக்குதலால் அதிகப்படியாக மேற்கு வங்கத்தில் (307) உயிரிழப்பு எண்ணிக்கை மிகவும் அதிகமாக உள்ளது, இதற்கு அடுத்தப்படியாக ஒடிசாவில் (305) உள்ளது. 2018-ம் ஆண்டு மட்டும் 16 மாநிலங்களில் காட்டு யானைகள் தாக்குதலால் 227 பேர் கொல்லப்பட்டுள்ளனர், இதில் அசாம் மாநிலத்தில் அதிக எண்ணிக்கையாக 86 பேர் கொல்லப்பட்டுள்ளனர். 

மின்சாரம் தாக்குதல் இந்தியாவில் யானைகள் உயிரிழப்பிற்கு முக்கிய காரணியாக உள்ளது. மின்சாரம் தாக்குவதால் ஏற்படும் இறப்புக்கள் 226 ஆக உள்ளது. மின்சாரம் தாக்குதல் 2015-ம் ஆண்டிலிருந்து 60.6% வரையிலான இறப்பு விகிதங்களில் பங்களிப்பை கொண்டுள்ளது. இதனுடன ஒப்பிடுகையில், ரெயில் விபத்துக்கள், வேட்டையாடுதல் மற்றும் விஷம் உட்பட அனைத்து பிற காரணிகளிலும் யானை இறப்புக்கள் 147 ஆக உள்ளது. யானை இறப்பு எண்ணிக்கை 56.6 ஆக இருக்கிறது என புள்ளிவிவரங்கள் காட்டுகின்றன.

மேற்கு வங்கத்தில் உள்ள பிளவுபட்ட நிலப்பரப்பு யானை அல்லது மனிதர்கள் இடையிலான மோதலை தடுப்பதை கடினமானதாக்குகிறது என்கிறார் விலங்குகள் நல மருத்துவர் மற்றும் யானை நிபுணர் கலைவாணன்.

மேற்கு வங்கத்தில் மனித-யானை மோதல்கள் மூன்று தசாப்தங்களுக்கு முற்பட்டதாக உலக வனவிலங்கு நிதியம்-இந்தியா (WWF) ஆலோசகர் அஜய் தேசாய் கூறுகிறார். “1980-களில் டால்மா வனவிலங்கு சரணாலயத்தில்  டால்மா மலைகள் யானைகளுக்கு உகந்த பகுதியாக பார்க்கப்பட்டது. அவைகளுக்கு உணவு மற்றும் நீர் கிடைத்தது. மலைகளின் அருகே நெல் பயிரிட்டபோது, யானைகள் பயிர்களைத் தாக்கத் தொடங்கியது. கிராமவாசிகள் அவர்களை துரத்தினர், எனவே அவைகள் மேற்கு வங்கத்தில் தெற்குப் பகுதியை நோக்கி செல்ல நேரிட்டது,” என்கிறார்.  யானைகள் கட்டுப்படுத்தப்பட்ட சுற்றுச்சூழலுக்கு அடங்க மறுக்கவே, மனிதர்களுக்கும் அவைகளுக்குமான மோதல்கள் அதிகரித்தது என்கிறார். 
 
ஒடிசாவில் உள்ள பிரச்சனை குறித்து அவர் விரிவாகப் பேசுகையில், இம்மாநிலத்தில் பெருகி வரும் சுரங்கங்கள் தொடர்ந்து யானைகளுக்கு ஒரு பிரச்சினையாக இருக்கிறது. “யானைகள் ஒடிஷா மற்றும் ஜார்கண்டிலிருந்து சத்தீஷ்கார் வரை நகர்கின்றன. இருப்பினும், சத்தீஷ்கார் மத்தியில் அவைகளுக்கு போதிய பழக்கமில்லை. இது பல விபத்துகளுக்கு வழிவகுக்கிறது,” 

மின்சாரம் தாக்குதலால் உயிரிழந்த யானைகளின் சடலங்களை பிரேத பரிசோதனை செய்யும் போது அவை சிதைந்து போகும், எனவே அது மிகவும் கடினமானதாகும். “சில மரணங்கள் கீழ்நோக்கி தொங்கும் மின்கம்பிகளால் நேரிடுகிறது. மற்றவை இயற்கையாக நேரிடுகிறது. யானைகளின் ஒவ்வொரு மரணம் பற்றிய சூழ்நிலை பகுப்பாய்வு வனத்துறையால் செய்யப்பட வேண்டும் அவசியம் உள்ளது,” என்று குறிப்பிடுகிறார். யானை சம்பந்தப்பட்ட பிரச்சனைகளுக்கு உள்ளூர் அளவிலான தீர்வுகளை டாக்டர் கலைவாணன் பரிந்துரை செய்கிறார்.

“குறிப்பிட்ட புவியியலுக்கு பொருத்தமான தீர்வை வழங்குவதற்கு கொள்கை உருவாக்கப்பட வேண்டும். யானைகளன் வாழ்வாதார அழிவுகள் இறப்புகளுக்கு ஒரு முக்கிய காரணமாகும். தமிழ்நாட்டில் தேனி மாவட்டத்தில் தேவாரம் போன்ற பகுதிகளில் காடுகள் சிறிதாக இருப்பதால், பயிர்கள் சேதத்திற்கும், மனிதர்கள் உயிரிழப்புக்கும் வழி நேரிடுகிறது.  நாட்டில் சில பகுதிகளில் யானைகளின் வாழ்வாதாரமும் சீரழிந்து வருவதும் விரிவாக விவாதிக்கப்படவில்லை, காடு வளர்ப்பு போன்ற பிரச்சினைகளை புரிந்துகொள்வது ஒரு தீர்வை உருவாக்குவதற்கு விந்தையானது என்று தேசாய் குறிப்பிடுகிறார். 

யானைகளை விவசாய நிலத்திற்குள் நுழைவதைத் தடுக்க முட்கம்பி வேலிகள், சூரிய மின்சக்தி மின்சார வேலிகள்,  எல்லை சுவர்களை எழுப்புதல் போன்ற தடைகளை அமைப்பதற்கு அமைச்சகம் ஒப்புதல் அளித்துள்ளது. பயிர் நிலங்கள் மற்றும் யானைகளை பாதுகாப்பதில் சமூக பங்கேற்பு அவசியமானது என்று கலைவாணன் அறிவுறுத்துகிறார்.