விமானப்படை தாக்குதல் எதிரொலி; உ.பி.யில் பா.ஜனதாவுக்கு மேலும் 12 தொகுதிகள் கிடைக்கும்…

Read Time:1 Minute, 54 Second

விமானப்படை தாக்குதலை அடுத்து உ.பி.யில் பா.ஜனதாவுக்கு கூடுதலாக 12 தொகுதிகள் கிடைக்கும் என கருத்துக்கணிப்பில் தெரிவிக்கப்பட்டுள்ளது.

புல்வாமா தாக்குதலுக்கு பதிலடியாக இந்திய விமானப்படைகள் பாகிஸ்தான் எல்லைக்குள் சென்று பயங்கரவாத முகாம்களை அழித்தது. இதனையடுத்து நாடு முழுவதும் பா.ஜனதாவின் செல்வாக்கு அதிகரித்து உள்ளது என்றே பார்க்கப்படுகிறது.

இந்நிலையில் இந்திய விமானப்படை நடத்திய தாக்குதலை அடுத்து இந்தியா டிவி- சிஎன்எக்ஸ் நிறுவனம் நடத்திய கருத்துக்கணிப்பில் பா.ஜனதா கட்சியின் செல்வாக்கு உ.பி.யில் உயர்ந்து உள்ளது என தெரிவிக்கப்பட்டுள்ளது.

80 தொகுதிகளை கொண்ட உ.பி., மத்தியில் ஆட்சியமைப்பதில் முக்கிய பங்காற்றுகிறது. பா.ஜனதா உத்தரபிரதேசத்தில் 41 தொகுதிகளில் வெற்றிப்பெறும் என புதிய கருத்துக்கணிப்பில் தெரியவந்துள்ளது. புல்வாமா தாக்குதலுக்கு முன்னதாக 29 தொகுதிகளில் வெற்றிப்பெறும் என தெரிவிக்கப்பட்டது. இப்போது 12 தொகுதிகள் உயர்ந்துள்ளது. இதற்கிடையே காங்கிரஸ் கட்சியின் செல்வாக்கும் மாநிலத்தில் உயர்ந்து உள்ளது, அக்கட்சி தனித்து போட்யிட்டு 4 தொகுதிகளில் வெற்றிப்பெறும். மகா கூட்டணி வைத்திருக்கும் சமாஜ்வாடி, பகுஜன் சமாஜ், ராஷ்டீரிய லோக் தளம் மொத்தம் 35 தொகுதிகளில் வெற்றிப்பெறும் என தெரிவிக்கப்பட்டுள்ளது.