செய்தித்தாள்களை படித்துக்கொண்டிருந்த போது அதிமுக எம்.எல்.ஏ. மாரடைப்பால் மரணம்

Read Time:1 Minute, 28 Second

சூலூர் அதிமுக எம்.எல்.ஏ. கனகராஜ் மாரடைப்பால் காலமானார்.

கோவை சூலூர் தொகுதியின் அதிமுக எம்.எல்.ஏ. கனகராஜ் காலை செய்தித்தாள்களைப் படித்துக்கொண்டிருந்தார். அப்போது அவருக்கு திடீரென நெஞ்சுவலி ஏற்பட்டதாக கூறப்படுகிறது. அப்போது மயங்கிய அவரை மருத்துவமனைக்கு கொண்டுசென்றனர். ஆனால், அவர் முன்னரே இறந்துவிட்டார் என மருத்துவர்கள் தெரிவித்தனர். எம்.ஜி.ஆர் காலத்தில் இருந்தே கட்சியில் செயல்பட்டு வந்த கனகராஜ் சூலூர் தொகுதியில் பலமுறை தேர்தலில் நின்று வெற்றிபெற்றிருக்கிறார்.

அதிமுக இரு அணிகளாக பிரிந்த போது எந்த அணியிலும் சேராமல் இருந்தார். இப்போது அவரின் மரணம் அதிமுக வட்டாரத்தில் அதிர்ச்சியை ஏற்படுத்தி உள்ளது. எம்.எல்.ஏ. கனகராஜின் திடீர் மரணத்தால் மேலும் ஒரு தொகுதி காலியாகியுள்ளது. ஏற்கெனவே 21 தொகுதிகளுக்கு இடைத்தேர்தல் நடத்த வேண்டும். ஆனால் 18 தொகுதிகளுக்கு மட்டும் இடைத்தேர்தல் அறிவிக்கப்பட்டுள்ளது. இப்போது மீதமுள்ள 4 தொகுதிகளுக்கும் இடைத்தேர்தல் அறிவிக்கும் சூழல் ஏற்பட்டுள்ளது.