#CAA சட்டத்தை திரும்ப பெற கேரள சட்டசபையில் தீர்மானம்; அதிகாரமில்லை – மத்திய அரசு

Read Time:5 Minute, 57 Second
28 Views
#CAA சட்டத்தை திரும்ப பெற கேரள சட்டசபையில் தீர்மானம்; அதிகாரமில்லை – மத்திய அரசு

மத்திய அரசு கொண்டு வந்துள்ள குடியுரிமை திருத்த சட்டத்துக்கு நாடு முழுவதும் பலத்த எதிர்ப்பு கிளம்பி வரும் நிலையில் அதனை திரும்ப பெறுமாறு கேரள சட்டசபையில் தீர்மானம் நிறைவேற்றப்பட்டுள்ளது.

மத்திய அரசு கொண்டுவந்துள்ள குடியுரிமை திருத்த சட்டத்தை, எங்கள் மாநிலத்தில் அமல்படுத்தமாட்டோம் என்று காங்கிரஸ், கம்யூனிஸ்டு உள்ளிட்ட எதிர்க்கட்சிகள் ஆளும் மாநிலங்களின் முதல்-மந்திரிகள் கூறி வருகின்றனர். மேற்கு வங்காள முதல்வர் மம்தா பானர்ஜி, புதுச்சேரி முதல்வர் நாராயணசாமி ஆகியோரும் குடியுரிமை திருத்த சட்டத்தை அமல்படுத்தமாட்டோம் என்று கூறிவந்தனர்.

இந்நிலையில் கேரள முதல்வர் பினராயி விஜயனும் இந்த சட்டத்தை அமல்படுத்தமாட்டோம் என்றார். அதேசமயம் மத்திய அரசு இந்த சட்டத்தை எந்த மாநிலமும் புறக்கணிக்க முடியாது என்றது. கேரளாவில் மார்க்சிஸ்ட் கம்யூனிஸ்டு கட்சியை சேர்ந்த முதல்வரின் இந்த கருத்துக்கு அங்கு பிரதான எதிர்க்கட்சியாக உள்ள காங்கிரஸ் கூட்டணியும் ஆதரவு தெரிவித்தது.

இதற்கிடையே இதுதொடர்பாக சட்டசபை சிறப்பு கூட்டத்தை நடத்தி குடியுரிமை திருத்த சட்டத்துக்கு எதிராக தீர்மானம் நிறைவேற்ற வேண்டும் என்று அம்மாநில காங்கிரஸ் வலியுறுத்தியது. இதனை பினராயி விஜயனும் ஏற்றுக்கொண்டார். அதன்படி கேரள சட்டசபை சிறப்பு கூட்டம் டிசம்பர் 31-ம் நடைபெற்றது. சட்டசபையில் முதல்வர் பினராயி விஜயன், குடியுரிமை திருத்த சட்டத்தை மத்திய அரசு திரும்பப்பெற வேண்டும் என்ற தீர்மானத்தை கொண்டுவந்தார். அதனை எதிர்க்கட்சி (காங்கிரஸ்) தலைவர் ரமேஷ் சென்னிதலா வழிமொழிந்தார். தீர்மானத்தின் மீது பல்வேறு உறுப்பினர்கள் பேசினார்கள். பின்னர் இந்த தீர்மானம் ஆளுங்கட்சி, எதிர்க்கட்சி என மற்ற இதர உறுப்பினர்கள் அனைவரின் ஆதரவுடன் நிறைவேற்றப்பட்டது. 140 உறுப்பினர்களை கொண்ட கேரள சட்டசபையில் பா.ஜனதா கட்சிக்கு ஒரு எம்.எல்.ஏ. மட்டுமே உள்ளார். அவர் மட்டும் எதிர்ப்பை பதிவு செய்தார்.

மத்திய அரசு

கேரளா சட்டசபையில் குடியுரிமை திருத்த சட்டத்தை மத்திய அரசு திரும்பப்பெற வேண்டும் என்று தீர்மானம் நிறைவேற்றப்பட்டது. இந்நிலையில் திருவனந்தபுரம் வந்திருந்த மத்திய சட்ட அமைச்சர் ரவிசங்கர் பிரசாத் செய்தியாளர்களிடம் பேசுகையில், குடியுரிமை தொடர்பாக எந்த சட்டம் நிறைவேற்றவும் நாடாளுமன்றத்துக்கு மட்டுமே அதிகாரம் உள்ளது. கேரளா உள்பட எந்த மாநில சட்டசபைகளுக்கும் இந்த அதிகாரம் இல்லை என்று கூறியுள்ளார்.

குடியுரிமை திருத்த சட்டம் இந்திய குடிமக்கள் தொடர்பானது கிடையாது. இதன்மூலம் இந்தியர்களுக்கு குடியுரிமை வழங்கவோ, இந்தியர்களின் குடியுரிமையை ரத்துசெய்யவோ முடியாது. இது பாகிஸ்தான், வங்காளதேசம், ஆப்கானிஸ்தான் ஆகிய 3 நாடுகளில் மதரீதியாக துன்புறுத்தப்பட்ட சிறுபான்மையினருக்கு மட்டுமே பொருந்தும். முன்னாள் பிரதமர்கள் இந்திரா காந்தி உகாண்டாவில் இருந்துவந்த அகதிகளுக்கும், ராஜீவ் காந்தி இலங்கை தமிழ் அகதிகளுக்கும் இந்திய குடியுரிமை வழங்கினார்கள்.

காங்கிரஸ் செய்தால் சரி, அதையே பிரதமர் மோடியோ, உள்துறை மந்திரி அமித்ஷாவோ செய்தால் பிரச்சினையா? இது இரட்டை நிலைப்பாடு, மோசமான பாசாங்கு. குடியுரிமை திருத்த சட்டம் முழுமையான அரசியல்சாசனம், சட்டரீதியானதுதான். இதற்கு எதிரான தவறான தகவலை பரப்பும் பிரசாரங்கள் அனைத்தும் சுயநலத்துக்காக செய்யப்படுவவையாகும்.

தேசிய மக்கள்தொகை பதிவேடுக்கும் கேரளா உள்பட பல பகுதிகளிலும் எதிர்ப்பு தெரிவிக்கப்படுகிறது. இந்தியாவில் வசிப்பவர்கள் பற்றிய வழக்கமான ஒரு சுருக்க பதிப்புதான் இது. இந்திய குடிமக்களை இது எந்தவிதத்திலும் பாதிக்காது. மக்கள் தொகை பதிவேட்டில் உள்ள தகவல்கள் மத்திய, மாநில அரசுகளால் வளர்ச்சி திட்டங்களுக்கும், கொள்கைகள் உருவாக்கத்துக்கும் பயன்படுத்தப்படும் என்று கூறியிருந்தார் ரவிசங்கர் பிரசாத்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %