#CAA குடியுரிமை சட்டம் ஒரு இஞ்ச் கூட பின்வாங்கப்போவது இல்லை… அமித்ஷா திட்டவட்டம்…

Read Time:2 Minute, 29 Second
12 Views
#CAA குடியுரிமை சட்டம் ஒரு இஞ்ச் கூட பின்வாங்கப்போவது இல்லை… அமித்ஷா திட்டவட்டம்…

குடியுரிமை திருத்தச் சட்டத்தை நிறைவேற்றுவதில் இருந்து ஒருஇஞ்ச் கூட பின்வாங்கப்போவது கிடையாது என உள்துறை அமைச்சர் அமித்ஷா திட்டவட்டமாக கூறி உள்ளார்.

வங்காளதேசம், பாகிஸ்தான் மற்றும் ஆப்கானிஸ்தானிலிருந்து வந்த இஸ்லாமியர்கள் அல்லாத சிறுபான்மையினருக்கு குடியுரிமை வழங்கும் வகையில் மத்திய பா.ஜனதா அரசு குடியுரிமை திருத்தச் சட்டத்தை கொண்டுவந்துள்ளது. இஸ்லாமியர்களுக்கும் குடியுரிமை வழங்க வேண்டும் என இந்தியா முழுவதும் எதிர்க்கட்சிகள் போராட்டம் நடத்தி வருகின்றன. இந்நிலையில் இச்சட்டத்தை அமல்படுத்தப்போவதில் இருந்து பின்வாங்கபோவது கிடையாது என மத்திய உள்துறை அமைச்சர் அமித்ஷா திட்டவட்டமாக கூறியுள்ளார்.

ராஜஸ்தான் மாநிலம் ஜோத்பூரில் ஜனவரி 3-ம் தேதி அமித்ஷா பேசுகையில், “குடியுரிமை சட்டத்திற்கு எதிராக ஒட்டுமொத்த எதிர்க்கட்சிகளும் ஒரே அணியில் திரண்டாலும் சரி, சட்டத்தை அமல்படுத்துவதிலிருந்து பின்வாங்கப்போது கிடையாது,” என்று கூறியுள்ளார்.

எதிர்க்கட்சிகள் தவறான தகவல்களை பரப்புவதாக குற்றம் சாட்டிய அமித்ஷா, அவர்கள் (எதிர்க்கட்சிகள்) தொடர்ந்து அவ்வாறு செய்யலாம், ஆனால் இந்த சட்டம் ரத்து செய்யப்படாது என்றார்.

காங்கிரஸ் தலைவர் ராகுல் காந்திக்கு பதிலடியை கொடுத்த அமித்ஷா, “நீங்கள் குடியுரிமை திருத்தச் சட்டத்தை படித்திருந்தால், நீங்கள் எந்த இடத்திலும் விவாதத்திற்கு வரலாம். ஆனால் நீங்கள் அதைப் படிக்கவில்லை என்றால், அதை இத்தாலிய மொழியிலும் மொழிபெயர்த்து உங்களுக்கு அனுப்ப முடியும்.” என்று குறிப்பிட்டுள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %