#JNU தாக்குதலுக்கு பிரபலங்கள் கண்டனம், நேரில் சென்ற தீபிகா படுகோன், கடும் கோபம்…

Read Time:3 Minute, 38 Second
Page Visited: 23
#JNU தாக்குதலுக்கு பிரபலங்கள் கண்டனம், நேரில் சென்ற தீபிகா படுகோன், கடும் கோபம்…

#JNU தாக்குதலுக்கு பிரபலங்கள் கண்டனம் தெரிவித்துவரும் நிலையில், பிரபல இந்தி நடிகை தீபிகா படுகோன் நேரில் சென்று போராட்டக்காரர்களுக்கு ஆதரவை தெரிவித்தார்.

ஜேஎன்யு பல்கலைக்கழக மாணவர்கள் கடந்த ஞாயிற்றுக்கிழமை விடுதிக் கட்டணம், தேர்வுக்கட்டணம் ஆகியவற்றை எதிர்த்து பேரணி நடத்தியபோது, முகமூடி அணிந்த ஒரு கும்பல் அவர்கள் மீது காட்டுமிராண்டித்தனமாக தாக்குதல் நடத்தியது. இதில் பேராசிரியர்கள், மாணவர்கள் உள்பட 32 பேர் படுகாயமடைந்தனர். இந்த தாக்குதலுக்கு எதிராக நாடுமுழுவதும் மாணவர்கள் போராட்டம் நடத்தி வருகின்றனர். பல்வேறு முக்கிய பிரபலங்களும் தாக்குதலைக் கண்டித்து வருகின்றனர்.

ஜேஎன்யு பல்கலைக்கழக மாணவர்கள் மீதான தாக்குதல் கிரிமினல் குற்றம், ஜனநாயக மதிப்புகளை கொலை செய்யும் செயல் என்று திரையுலகத்தை சேர்ந்த பிரபலங்கள் கண்டனங்களை தெரிவித்து வருகின்றனர்.

இந்நிலையில் பிரபல இந்தி நடிகை தீபிகா படுகோன் நேரில் சென்று மாணவர்களுக்கு ஆதரவை தெரிவித்தார். ஜேஎன்யுவிற்கு வெளியே போராட்டம் நடத்திய மாணவர்களை நேரில் செவ்வாய் கிழமை சந்தித்து தன்னுடைய ஆதரவை தெரிவித்துக்கொண்டார். அவருடைய நடவடிக்கை ஒருதரப்பில் பாராட்டப்பட்டு வருகிறது. ஒருதரப்பு அவருடைய படங்களை புறக்கணிக்க வேண்டும் என டுவிட்டரில் கோரிக்கை விடுத்து வருகிறது. தீபிகா படுகோன் விரைவில் வரவுள்ள சபாக் திரைப்படத்திற்கான விளம்பரப்பணிக்காக டெல்லியில் முகாமிட்டுள்ளார்.

மிகவும் பயமாக இருப்பதாகவும், நாட்டில் நடக்கும் சம்பவங்கள் மிகவும் அப்-செட் ஆக செய்கிறது எனவும் தீபிகா படுகோன் கூறியுள்ளார். இப்போது நடக்கும் சம்பவங்களால் கோபம் அடைந்துள்ளதாக இந்தியா டுடேவிற்கு அளித்துள்ள பேட்டியில் தீபிகா படுகோன் கூறியுள்ளார்.

“நான் சொல்ல விரும்புவதை இரண்டு ஆண்டுகளுக்கு முன்பு ‘பத்மாவத்’வெளியீட்டின் போது கூறியிருந்தேன். இன்று என்ன நடக்கிறது என்பதை பார்ப்பது வேதனையாக இருக்கிறது. எவரும் எதையும் செய்யாமலும், பேசாமலும் விலகி இருப்பதால் இயல்புநிலைக்கு மாறாது என நம்புகிறேன். நான் பயப்படுகிறேன், அதேபோல் வருத்தப்படுகிறேன். இது, நம்நாடு கட்டமைக்கப்பட்டதன் அடித்தளம் அப்படியல்ல. இன்று நடக்கும் சம்பவங்களால் கோபம் அடைகிறேன். இவ்விவகாரத்தில் நடவடிக்கை எடுக்கப்படவில்லை என்பதே நாம் சிந்திக்க வேண்டியது.”

என்று தீபிகா படுகோன் கூறியுள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %