#CAA குடியுரிமை சட்டத்தை வைத்து மோசமான அரசியல், எதிர்க்கட்சிகள் மீது மம்தா திடீர் சாடல்

Read Time:2 Minute, 20 Second
Page Visited: 59
#CAA குடியுரிமை சட்டத்தை வைத்து மோசமான அரசியல், எதிர்க்கட்சிகள் மீது மம்தா திடீர் சாடல்

குடியுரிமை சட்டம் தொடர்பாக விவாதிக்க டெல்லியில் சோனியா காந்தி ஜனவரி 13-ம் தேதி எதிர்க்கட்சிகள் கூட்டத்திற்கு ஏற்பாடு செய்துள்ளார்.

மத்திய அரசு கொண்டுவந்துள்ள குடியுரிமை சட்டத்தை மேற்குவங்க முதல்வர் மம்தா பானர்ஜி கடுமையாக எதிர்க்கிறார். காங்கிரஸ், திமுக மற்றும் பிற எதிர்க்கட்சிகளும் மத்திய அரசின் நடவடிக்கைக்கு எதிர்ப்பு தெரிவிக்கிறது.

இந்நிலையில் இவ்விவகாரத்தில் திடீரென காங்கிரஸ் மற்றும் இடதுசாரி கட்சிகளை மம்தா பானர்ஜி விமர்சனம் செய்துள்ளார்.

மேற்குவங்க மாநில சட்டப்பேரவையில் மம்தா பானர்ஜி பேசுகையில், குடியுரிமை சட்டம், குடிமக்கள் பதிவேடு, தேசிய மக்கள் தொகை பதிவேடு ஆகியவற்றை நாங்கள் கடுமையாக எதிர்க்கிறோம். ஒருபோதும் இவற்றை மேற்குவங்க மாநிலத்தில் அமல்படுத்த நாங்கள் அனுமதிக்க மாட்டோம்.

அதேசமயம், போராட்டத்தில் வன்முறையை தூண்டிவிடுவதை ஒருபோதும் ஏற்க முடியாது. மேற்குவங்க மாநிலத்தில் நேற்று (ஜனவரி 8) நடந்த முழுஅடைப்பு போராட்டத்தின்போது நிகழ்ந்த வன்முறையை ஏற்க முடியாது. இடதுசாரிகளும், காங்கிரசும், குடியுரிமை சட்டத்தை வைத்து மேற்குவங்கத்தில் மிகமோசமான அரசியல் செய்கிறார்கள். இதனை அனுமதிக்க முடியாது. வரும் 13-ம் தேதி குடியுரிமை சட்டம் தொடர்பாக விவாதிக்க டெல்லியில் சோனியா காந்தி கூட்டியுள்ள கூட்டத்தில் திரிணாமுல் காங்கிரஸ் பங்கேற்காது. நாங்கள் தனித்தே போராடுவோம்’’ என பேசினார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %