#IndianNavy இந்திய தயாரிப்பு தேஜஸ் விமானம் ஐஎன்எஸ் விக்ரமாதித்யாவில் வெற்றிகரமாக தரையிறங்கியது

Read Time:3 Minute, 58 Second
15 Views
#IndianNavy இந்திய தயாரிப்பு தேஜஸ் விமானம் ஐஎன்எஸ் விக்ரமாதித்யாவில் வெற்றிகரமாக தரையிறங்கியது

கடற்படைக்காக இந்தியாவில் தயாரிக்கப்பட்ட தேஜஸ் விமானம் ஐ.என்.எஸ். விக்ரமாதித்யாவில் முதல்முறையாக வெற்றிகரமாக தரையிறக்கப்பட்டது.

உள்நாட்டிலேயே வடிவமைக்கப்பட்ட எல்சிஏ தேஜாஸ் விமானத்தை மத்திய பாதுகாப்பு ஆராய்ச்சி மற்றும் மேம்பாட்டு நிறுவனம் (டிஆர்டிஓ) உருவாக்கியது. இந்தியாவின் மிக்-21 விமானத்துக்கு மாற்றாக கொண்டுவரப்பட்ட தேஜஸ் விமானம் விமானப்படையிலும், கப்பற்படையிலும் சேர்க்கப்பட்டுள்ளது. சூப்பர்சோனிக் விமானமான தேஜஸ், ஒலியின் வேகத்தில் மேக் 1.8 வீதத்தில் அதாவது, மணிக்கு 1,381 கி.மீ வேகத்தில் பறக்கக்கூடியது.

தேஜஸ் விமானத்தில் இருந்து, வானில் இருந்து வான் இலக்குகளை குறிவைத்து தாக்குதல், ராக்கெட் வீச்சு, ஏவுகணை தாக்குதல், பிரம்மோஸ், அஸ்த்ரா, லேசர் வெடிகுண்டுகள், கொத்து வெடிகுண்டுகள் போன்ற குண்டுகளை வீச முடியும். இந்திய விமானப் படைக்கு 83 தேஜஸ் போர் விமானங்களை வாங்க ஹெச்ஏஎல் நிறுவனத்துடன் விமானப் படை ஒப்பந்தம் செய்திருந்தது. ஆனால், அதற்கான விலையை முடிவு செய்வதில் இழுபறி நீடித்து வந்தநிலையில் அது சமரசமாக முடிக்கப்பட்டது. இதன் மூலம் விரைவில் 83 தேஜஸ் விமானங்கள் இந்திய விமானப்படைக்கு வர உள்ளன.

கடந்த செப்டம்பரில் கோவா மாநிலத்தில் நடந்த பயிற்சியில் தேஜஸ் விமானம், தரையிறங்கும் போது சரியான இடத்தில் நிற்கும் சோதனை மேற்கொள்ளப்பட்டது. அதில் தேஜஸ் விமானம் சிறப்பாக செயல்பட்டது. செப்டம்பரில் போர்விமானங்களை தாங்கி செல்லும் கப்பலில் தரையிறங்கும் வகையில் கடற்படை தேஜாஸ் விமானம் தரையிறக்கப்பட்டு சோதனை நடந்தது. வழக்கமாக விமானங்கள் தரையில் இறங்கிய பின்னர் சில நூறு மீட்டர்கள் ஓடிய பின்னர் நிற்கும். ஆனால் கப்பலில் குறைந்த அளவு தூர முள்ள ஓடுதளமே இருக்கும். எனவே அதற்கேற்றவாறு தேஜாஸ் வடிவமைக்கப்பட்டு சோதிக்கப்பட்டது.

அந்த வகையில் தேஜாஸ் விமானம் ‘அரெஸ்டட் லேண்டிங்’ எனப்படும் வகையில் தரையில் இறங்கியவுடன் நிறுத்தப்பட்டு வெற்றிகரமாக பரிசோதிக்கப்பட்டது. இதனையடுத்து கடற்படை கப்பலில் விமானத்தில் தரையிறக்க திட்டமிடப்பட்டது. இந்த சோதனை முயற்சியும் வெற்றிக்கரமாக முடிந்தது. அரபிக்கடல் பகுதியில் நிற்கும் ஐஎன்எஸ் விக்ரமாதித்யா போர் கப்பலில், ‘அரெஸ்டட் லேண்டிங்’முறையில் தேஜாஸ் விமானம் வெற்றிகரமாக தரையிறங்கியது. இந்தியா சொந்த தயாரிப்பில் மற்றொரு மையில் கல்லை எட்டியுள்ளது. இனி இரட்டை எஞ்ஜின் அடிப்படையிலான சோதனைக்கு இந்த வெற்றி வழிவகுக்கும் என தெரிவிக்கப்படுகிறது. கடற்படையின் இந்த சாதனையை பலரும் பாராட்டி வருகிறார்கள்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %