#CAA மற்றும் #NRC ஐ எதிர்க்கும் கட்சிகள் ஓரணியில் திரள வேண்டும்: ப. சிதம்பரம்..!

Read Time:2 Minute, 5 Second

கொல்கத்தாவில் நடைபெற்ற போராட்டத்தில் கலந்து கொண்டு பேசிய காங்கிரஸ் மூத்த தலைவரும், முன்னாள் மத்திய அமைச்சருமான ப.சிதம்பரம், CAA, NPR, NRC ஐ எதிர்க்கும் அனைத்து தரப்பினரும், அரசியல் கட்சிகளும் ஒரே மேடையில் சேருமாறு வேண்டுகோள் விடுத்தார்.

மேலும், மோடி அரசு தற்போது தேசிய மக்கள்தொகை பதிவேடு என்.பி.ஆர்.(NPR) குறித்து பேசிவருகிறது. என்.பி.ஆர்.(NPR) என்பது வேறொன்றுமில்லை, மாறுவேடத்தில் உள்ள என்.ஆர்.சி.(NRC) தான். “இந்திய அரசியலமைப்பைக் காப்பாற்ற நாங்கள் போராடுகிறோம்” என்று சிதம்பரம் கூறினார்.

போராட்டத்தில் ஈடுபட்ட மாணவர்களை பாராட்டியதோடு “அரசியலமைப்பு ஒருமைப்பாடு, அரசியலமைப்பு ஒழுக்கநெறி போன்ற அருவமான விஷயங்களுக்காக மாணவர்கள் போராடுகிறார்கள் என்பதில் நான் பெருமைப்படுகிறேன்” என்றார்.

எதிர்க்கட்சிகளை இணைக்க காங்கிரஸ் தலைவர் சோனியா காந்தி முயற்சி செய்தார். அதில் 20 கட்சிகள் பங்கேற்றன, சிலர் பங்கேற்கவில்லை. மறுபடியும் ஒரு கூட்டம் நடைபெறலாம். அதில் அவர்கள் பங்கேற்கலாம். “நாங்கள் ஒன்றாக போராடுகிறோமா என்பது முக்கியமல்ல. நாங்கள் அனைவரும் போராடுகிறோம்” என்பது தான் முக்கியம்.


#CAA குடியுரிமை சட்டத்தை வைத்து மோசமான அரசியல், எதிர்க்கட்சிகள் மீது மம்தா திடீர் சாடல்


மேற்கு வங்க முதல்வர் மம்தா பானர்ஜி தலைமையிலான திரிணாமுல் காங்கிரஸ் CAA, NRC “அரசியலமைப்பிற்கு முரணானது” என்று கூறி எதிர்ப்பு தெரிவித்து வருகிறது. இதன் மூலம் மம்தாவுக்கு சூசக அழைப்பு விடுத்துள்ளார் சிதம்பரம்.!