கொரோனா வைரஸ் ஒரு பிசாசு, அலரும் சீனா… பலி 170 ஆனது, 8000 பேர் பாதிப்பு

Read Time:4 Minute, 29 Second
Page Visited: 37
கொரோனா வைரஸ் ஒரு பிசாசு, அலரும் சீனா… பலி 170 ஆனது, 8000 பேர் பாதிப்பு

சீனாவின் ஹுபெய் மாகாண தலைநகர் உகான் நகரில் இருந்து கடந்த மாத இறுதியில் கண்டுபிடிக்கப்பட்ட கொரோனா வைரஸ் தற்போது நாடு முழுவதும் தொடர்ந்து பரவி வருகிறது.

சீனாவின் 31 மாகாண மட்டத்திலான பிராந்தியங்கள் இந்த கொடிய வைரசின் பிடியில் சிக்கி உள்ளன.

இந்த வைரஸ் தாக்கியவர்கள் ஒருவித நிமோனியா காயச்சலுக்கு உள்ளாகி மரணத்தை தழுவி வருகின்றனர். இந்த வைரஸ் தொற்றுக்கு இதுவரை மருந்தோ, தடுப்பூசியோ கண்டுபிடிக்கப்படவில்லை.

இதனால் தினந்தோறும் அதிக எண்ணிக்கையில் உயிரிழப்புகள் நிகழ்ந்து அரசையும், மருத்துவத்துறையையும் பெரும் அதிர்ச்சிக்கு உள்ளாக்கி வருகின்றன.

இத்தகைய வீரியம் நிறைந்த இந்த ஆட்கொல்லி வைரசுக்கு பலியானவர்களின் எண்ணிக்கை 170 ஆக உயர்ந்தது. அங்கு 7,700 பேருக்கு அதிகமாக இந்த வைரஸ் தொற்று இருப்பது உறுதியாகி இருக்கிறது. இதைப்போல சீனா முழுவதும் 12 ஆயிரத்திற்கும் அதிகமான பேருக்கு இந்த கொடிய வைரசின் பிடியில் சிக்கிஉள்ளனர். அவர்கள் கண்காணிப்பில் உள்ளனர். தீவிர சிகிச்சையில் இருக்கும் அவர்களில் 1,370 பேரின் நிலைமை கவலைக்கிடமாக உள்ளது. இது ஒருபுறம் இருக்க அங்கு மேலும் 9,239 பேருக்கு இந்த வைரஸ் தாக்குதலின் அறிகுறிகள் தென்படுவதாக தகவல் வெளியாகி இருக்கிறது.

கொரோனா வைரஸ் தாக்குதல் விரைவில் உச்சக்கட்டத்தை எட்டும் எனவும், அப்போது பலி எண்ணிக்கை மேலும் அதிகரிக்கும் எனவும் இந்த நோய் தடுப்பு மற்றும் கட்டுப்பாட்டுக்காக அமைக்கப்பட்டுள்ள மருத்துவ நிபுணர் குழு எச்சரிக்கை விடுத்து உள்ளது. இந்த நோய்க்கு தடுப்பூசி கண்டுபிடிப்பதற்கு 3 அல்லது 4 மாதங்கள் வரை ஆகும் எனவும், வைரசை அழிப்பதற்கான மருந்துகளை உருவாக்கவும் சில காலம் பிடிக்கும் என்றும் தெரிவிக்கப்படுகிறது. சீனாவில் ஜெட் வேகத்தில் பரவி வரும் கொரோனா வைரஸ் பல்வேறு வெளிநாடுகளிலும் தலைகாட்ட தொடங்கி இருக்கிறது.

சீனாவிலிருந்து தங்கள் நாட்டவர்களை திரும்ப பெறும் மீட்பு நடவடிக்கைகளை விரும்பும் நாடுகளுக்கு அனைத்து உதவிகளும் செய்ய தயார் என சீனா அறிவித்து உள்ளது. கொரோனா வைரசின் தாக்கம் குறையும் வரை சீனாவுக்கு விமானங்களை இயக்காமல் நிறுத்தி வைப்பது குறித்து அமெரிக்கா பரிசீலித்து வருகிறது. கொரோனா வைரசால் பாதிக்கப்பட்டு உள்ள சீனாவுக்கு சர்வதேச நிபுணர் குழு ஒன்றை உலக சுகாதார அமைப்பு அனுப்பி வைத்து உள்ளது. சீனாவிலும், உலக அளவிலும் இந்த வைரஸ் பரவுவதை தடுப்பதே தங்களின் உயர்ந்தபட்ச நோக்கம் ஆகும் என அந்த அமைப்பின் தலைவர் கேப்ரியேசஸ் கூறியுள்ளார்.

சீன அதிபர் ஜி ஜின்பிங் உலக சுகாதார அமைப்பின் தலைவர், மூத்த அதிகாரிகளுடன் ஆலோசனை நடத்தினார். ஆலோசனை முடிந்து ஜி ஜின்பிங் கூறும்போது, “கரோனா வைரஸ் ஒரு பிசாசு. அதனை எங்கும் ஒளிந்துகொள்ள அனுமதிக்கக் கூடாது. வைரஸ் பாதிப்பு குறித்த தகவல்களை உலக நாடுகளுக்கு ஒளிவு மறைவின்றி தெரிவிப்போம்” என்றார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %