சிறுநகரங்களை இணைக்கும் வகையில் மேலும் 100 புதிய விமான நிலையங்கள் – மத்திய அரசு அறிவிப்பு

Read Time:1 Minute, 23 Second

உதான் திட்டத்தில் மேலும் 100 புதிய விமான நிலையங்கள் அமைக்கப்படும் என்று பட்ஜெட்டில் அறிவிக்கப்பட்டுள்ளது.

உதான் திட்டப்படி இந்தியா முழுவதும் சிறு நகரங்களில் விமான நிலையங்கள் அமைக்கப்பட்டு வருகின்றன.
இந்த வரிசையில், மேலும் 100 புதிய விமான நிலையங்கள் அமைக்கப்படும். 2025-ம் ஆண்டுக்குள், இப்பணி முடிக்கப்படும் என தற்போது மத்திய அரசு பட்ஜெட்டில் தெரிவித்து உள்ளது.

போக்குவரத்து உள்கட்டமைப்பு திட்டங்களுக்காக ரூ.1 லட்சத்து 70 ஆயிரம் கோடி ஒதுக்கீடு செய்யப்பட்டுள்ளது. பொது-தனியார் கூட்டு அடிப்படையில், ஆயிரத்து 150 ரெயில்கள் இயக்கப்படும். தனியார் துறையின் உதவியுடன் 4 ரெயில் நிலையங்கள் மறுசீரமைக்கப்படும். சுற்றுலா தலங்களை இணைக்க மேலும் பல ‘தேஜா” ரக ரெயில்கள் அறிமுகப்படுத்தப்படும். ரெயில் பாதையை ஒட்டி பெரிய அளவில் சூரிய சக்தி மின்சார உற்பத்தி நிலையங்களை நிறுவும் திட்டம் பரிசீலனையில் உள்ளது என மத்திய அரசு பட்ஜெட்டில் தெரிவித்து உள்ளது.