காஷ்மீர் விவகாரம்… இம்ரான் கானை கழற்றிவிட்ட சவுதி அரேபியா…!

Read Time:4 Minute, 39 Second
Page Visited: 56
காஷ்மீர் விவகாரம்… இம்ரான் கானை கழற்றிவிட்ட சவுதி அரேபியா…!

இஸ்லாமிய கூட்டுறவு அமைப்பில் (OIC) காஷ்மீர் விவகாரத்தை விவாதிக்க வேண்டும் என்ற பாகிஸ்தான் பிரதமர் இம்ரான்கான் கோரிக்கையை சவுதி அரேபியா நிரிகாரித்து உள்ளது.

காஷ்மீர் விவகாரம் குறித்து விவாதிக்க இஸ்லாமிய நாடுகளின் வெளியுறவு அமைச்சர்களின் கூட்டத்தை அவசரமாக கூட்டுமாறு சவூதி அரேபியாவுக்கு பாகிஸ்தான் பிரதமர் இம்ரான் கான் தொடர்ந்து கோரிக்கை விடுத்துவந்தார். இந்த கோரிக்கையை சவுதி அரேபியா நிராகரித்துள்ளது.

இஸ்லாமிய அமைப்புகளின் கூட்டத்தைக் கூட்டி காஷ்மீர் பிரச்சினையை விவாதிக்க வேண்டும் என்ற இம்ரான் கானின் கோரிக்கைக்கு 57 நாடுகள் கொண்ட இஸ்லாமிய நாடுகளின் கூட்டமைப்புகள் செவிசாய்க்கவில்லை. இதனால் பாகிஸ்தானுக்கு சர்வதேச அளவில் ஆதரவு கிடைப்பதில் பெரும் பின்னடைவு ஏற்பட்டுள்ளது. அண்மையில் மலேசியாவிலும் அவருக்கு போதிய அளவுக்கு ஆதரவு கிடைக்காததால் ஏமாற்றம் அதிகரித்துள்ளது.

கடந்த டிசம்பரில் இதற்கு சவுதி அரேபியாவை சம்மதிக்க வைத்து விட்டதாக பாகிஸ்தான் பிரதமர் இம்ரான் கான் தம்பட்டம் அடித்தார், ஆனால் அந்தச் செய்தி நிரூபணமாகவில்லை என்று இந்திய தரப்பில் கூறப்பட்டது. சமீபத்தில் மலேசியா நடத்திய இஸ்லாமிய உச்சிமாநாட்டிற்கு சவுதி அரேபியா அழைக்கப்படாததால் அந்த நாடு பாகிஸ்தான், மலேசியா, துருக்கி மீது கடும் அதிருப்தி கொண்டுள்ளது.
ஏற்கெனவே பொருளாதார நெருக்கடியில் தத்தளிக்கும் பாகிஸ்தானுக்கு தன் உதவியையும் நிறுத்திவிடுவதாக சவுதி எச்சரிக்கையும் விடுத்தது. சவுதி அரேபியாவிலிருந்து எண்ணெய் இறக்குமதி செய்யும் நாடுகளில் இந்தியா முக்கியமான நாடு என்பது குறிப்பிடத்தக்கது.

பாகிஸ்தானிலிருந்து வெளியாகும் ‘டான்’ நாளிதழ் தெரிவித்துள்ளதாவது:- இஸ்லாமிய கூட்டுறவு அமைபை சோ்ந்த முக்கிய அதிகாரிகள் அடங்கிய கூட்டம் சவூதி அரேபியாவின் ஜெட்டா நகரில் பிப்ரவரி 9-இல் நடைபெறுகிறது. இதில், அந்த அமைப்பில் இடம்பெற்றுள்ள வெளியுறவு அமைச்சா்களின் கவுன்சிலுக்கு (சிஎஃப்எம்) தேவையான ஏற்பாடுகளை செய்வது குறித்து அதிகாரிகள் முக்கியமாக ஆலோசிக்க உள்ளனா்.

இந்த சூழ்நிலையில் அதில், காஷ்மீா் விவகாரம் குறித்து விவாதிக்க வேண்டும் என சவூதி அரேபியாவை பாகிஸ்தான் தொடா்ந்து வலியுறுத்தி வருகிறது. ஆனால், இந்த விவகாரத்தை கையில் எடுக்க சவூதி அரேபியா தயக்கம் காட்டி வருகிறது. இதனால், பாகிஸ்தான் கடும் அதிருப்தியில் இருப்பதாக தூதரக அதிகாரிகள் தெரிவிக்கின்றனா் என்று அந்த நாளிதழ் செய்தி வெளியிட்டுள்ளது.

சவூதி தலைமையில் செயல்படும் இஸ்லாமிய ஒத்துழைப்பு அமைப்பு ஐ.நா.வுக்கு பிறகு இஸ்லாமிய அரசுகளுக்கு இடையிலான மிகப்பெரிய அமைப்பாக உள்ளது. பொதுவாகவே பாகிஸ்தானுக்கு ஆதரவாக செயல்படும் அமைப்பாகவே ஐஓசி உள்ளது. இந்தச் சூழ்நிலையில், காஷ்மீா் விவகாரத்தில் பாகிஸ்தான் கோரிக்கையை ஏற்க சவூதி அரேபியா தயக்கம் காட்டி வருவது பாகிஸ்தானை அதிருப்திக்குள்ளாக்கி உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %