சகதியில் சிக்கியவருக்கு உதவிக்கரம் நீட்டிய மனித குரங்கு…!

Read Time:2 Minute, 20 Second
Page Visited: 48
சகதியில் சிக்கியவருக்கு உதவிக்கரம் நீட்டிய மனித குரங்கு…!

இந்தோனேசியாவின் போர்னியோ தீவில் அழிந்து வரும் மனித குரங்குகளை பாதுகாப்பதற்காக தனியார் அமைப்பு ஒன்று இயங்கி வருகிறது.

அமைப்பை சேர்ந்த ஊழியர் ஒருவர் குரங்குகள் அதிகம் வாழும் வனப்பகுதியில் உலவும் பாம்புகளை பிடித்து வெளியேற்றும் பணியில் ஈடுபட்டிருந்தார்.

அப்போது அவர் எதிர்பாராதவிதமாக ஆற்றில் இடுப்பளவு சகதியில் சிக்கிக்கொண்டார். அப்போது அந்த வழியாக வந்த மனித குரங்கு ஒன்று சகதியில் சிக்கி நின்ற ஊழியருக்கு உதவுவதற்காக கைநீட்டியது.

இந்த உருக்கமான காட்சியை அப்பகுதியில் நண்பர்களுடன் பயணம் மேற்கொண்டிருந்த நபர் ஒருவர் தனது செல்போனில் படம் பிடித்து, சமூக வலைத்தளத்தில் பதிவிட்டார். தற்போது அந்த புகைப்படம் இணையத்தில் வைரலாகி வருகிறது. புகைப்படத்தை பகிரும் பலரும் “விலங்குகளை நாம் அழித்து வருகிறோம், ஆனால் அவை நம்மிடம் கனிவாக நடக்கிறது,” என பதிவிட்டு வருகிறார்கள்.

இந்த புகைப்படம் சமூக வலைதளங்களில் அதிகமாக விருப்பம் தெரிவிக்கப்பட்டு வருகிறது.

புகைப்பட கலைஞர் அனில் பிரபாகர் இந்த புகைப்படத்தை எடுத்து உள்ளார்.

மனிதநேயம் மனிதர்களிடம் மரணித்துவரும் இத்தருணத்தில் விலங்குகள் நமக்கு அதற்கான பாடத்தை கற்பிக்கின்றன என தன்னுடைய புகைப்படத்தை அவர் பதிவு செய்துள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %