மாநில மொழிக்கு முன்னுரிமை மராட்டியத்தை அடுத்து பஞ்சாப் அதிரடி…

Read Time:2 Minute, 46 Second
Page Visited: 85
மாநில மொழிக்கு முன்னுரிமை மராட்டியத்தை அடுத்து பஞ்சாப் அதிரடி…

பஞ்சாப்பில் அனைத்து பள்ளிகளிலும் 10-ம் வகுப்பு வரை பஞ்சாபி கட்டாயம் கற்பிக்கப்பட வேண்டும் என்று அம்மாநில சட்டப்பேரவையில் தீர்மானம் நிறைவேற்றப்பட்டது.

மராட்டிய அரசு மாநிலத்தில் உள்ள அனைத்து பள்ளிகளிலும் 10-ம் வகுப்பு வரையிலும் மராத்தி மொழியைக கட்டாயமாக்குவதற்கான சட்ட மசோதா சட்டப்பேரவையில் நிறைவேற்றியது.

இதேபோன்ற நகர்வை பஞ்சாப் அரசும் முன்னெடுத்து உள்ளது. அங்கும் சட்டப்பேரவையில் பஞ்சாபி மொழியை கட்டாயமாக்கும் மசோதா நிறைவேற்றப்பட்டது. பட்ஜெட் உரையின்போது அம்மாநில கல்வித்துறை அமைச்சர் சரன்ஜித் சிங் மசோதாவை தாக்கல் செய்து பேசுகையில், யூஎன்ஓ அறிக்கைப்படி, பழமை வாய்ந்த 2 ஆயிரம் மொழிகளில் ஒன்றான பஞ்சாபி, அடுத்த 50 ஆண்டுகளில் அழிந்துவிடலாம் என்று தெரிவிக்கப்பட்டுள்ளது.

பஞ்சாபி மொழி தொடர்ந்து பயன்பாட்டில் இருப்பதற்குத் தேவையான அனைத்து முயற்சிகளும் கட்டாயம் மேற்கொள்ளப்படும். அண்டை மாநிலங்களான அரியாணா, இமாச்சலப் பிரதேசம், ராஜஸ்தான், சண்டிகரிலும் பஞ்சாபி மொழிக்கு உரிய மரியாதை அளிக்க வேண்டும். சண்டிகரில் பஞ்சாபியை முதல் மொழியாக்கவும் முயற்சிகள் மேற்கொள்ளப்பட வேண்டியது அவசியம் உள்ளது. பஞ்சாப் மாநிலம் முழுவதும் பஞ்சாபி முறையாக பயன்படுத்தப்படுகிறதா? என்பதை கண்காணிக்க குழு அமைக்கப்படும்.

மாணவர்கள் தங்களுக்குள்ளே பஞ்சாபியில் பேசினால் சில பள்ளிகள் அபராதம் விதிக்கின்றன. இது தவிர்க்கப்பட வேண்டும் எனக் கூறியுள்ளார். ஆம் ஆத்மி எம்.எல்.ஏ. குல்தார் சிங் சந்த்வான், ”மாநிலத்தில் அனைத்து சட்டப்பேரவை உறுப்பினர்களும் பஞ்சாப் மொழியில் மட்டுமே கையெழுத்திட வேண்டும். ஆளுநர் மற்றும் முதல்-அமைச்சர் உரைகள் பஞ்சாபி மொழியிலும் இருத்தல் வேண்டும்” என்று கோரிக்கை விடுத்தார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %