#CoronaVirus கொரோனா வைரஸ் பீதி, இந்தியாவில் N95 முகக்கவசங்கள் விலை உயர்வு.!

Read Time:4 Minute, 15 Second
Page Visited: 65
#CoronaVirus கொரோனா வைரஸ் பீதி, இந்தியாவில் N95 முகக்கவசங்கள் விலை உயர்வு.!

கொரோனா வைரஸ் அச்சுறுத்தல் எதிரொலியாக இந்தியாவில் முகக்கவசங்களின் விலை அதிகமாக உயர்ந்து வருகிறது.

உலகம் முழுவதும் பெரும் அச்சுறுத்தலாக எழுந்துள்ள கொரோனா வைரசுக்கு இந்தியாவில் 30 பேர் பாதிக்கப்பட்டு உள்ளனர். உயிரை குடிக்கும் இந்த வைரசுக்கு இதுவரையில் மருந்து எதுவும் கண்டுபிடிக்கப்படவில்லை. தடுப்பு வழிகள் மட்டுமே கேடயமாக உள்ளது. இதில் முக்கிய பங்கு வகிப்பது என்95 முகக்கவசம் ஆகும். காற்றில் உள்ள நுண் மாசு துகள்கள் நம்முடைய உடலுக்குள் 95 சதவீதம் செல்லவிடாது எனவே இவ்வகையான முகக்கவசங்கள் என் 95 என அழைக்கப்படுகிறது. மேலும், பாக்டீரியாக்கள் சுவாச காற்று மூலமாக உள்ளே செல்வதை தடுக்கிறது.

இந்தியாவில் கொரோனா வைரஸ் என தெரியவந்ததும் இவ்வகையான முகக்கவசங்கள் அதிகமாக விற்பனையாகிறது.

இதுவரையில் ஒரு நாளைக்கு ஒரு மருந்தகத்தில் 10 முகக்கவசங்கள் விற்பனை செய்வதே கடினமான நிலையாக இருந்தது. ஆனால் தற்போது 200க்கும் அதிகமான முகக்கவசங்கள் விற்பனையாகிறது என வடமாநிலங்களில் மருந்தகங்களை நடத்துபவர்கள் தெரிவிக்கிறார்கள். வடமாநிலங்களில் அதிகமான அளவு இவ்வகை முகக்கவசங்கள் விற்பனையாகிறது. தென் மாநிலங்களிலும் மக்கள் அணிய தொடங்கியுள்ளனர். இதற்கிடையே தேவை அதிகரிப்பு காரணமாக இதனுடையை விலை ரூ. 500, ரூ. 600 ஆக உயர்ந்து உள்ளது. சாதாரணமாக 140 ரூபாய்க்கு விற்பனையான முகக்கவசம் வேகமாக விலை உயர்ந்து வருகிறது. ஒருநாளுக்கு ஒரு கவசத்தை தான் பயன்படுத்த வேண்டும் என்ற நிலையும் உள்ளது.

மேலும் இந்த விலை அதிகரிக்கும் அபாயம் ஏற்பட்டு உள்ளது. சூழ்நிலையை கருத்தில் கொண்டு அதிகமான விலைக்கு மருத்துவ உபகரணங்களை அதிக விலைக்கு விற்பனை செய்தால் கடுமையான நடவடிக்கை எடுக்கப்படும் என மத்திய அரசு எச்சரிக்கை விடுத்து உள்ளது.

இதற்கிடையே அமேசான் மற்றும் பிளிப்கார்ட் வணிக இணையதளங்களில் முகக்கவசங்களின் எண்ணிக்கை ரூ. 1000 த்தை தாண்டி விற்பனை செய்யப்பட்டுள்ளது. என் 95 முகக்கவச கட்டமைப்பு கொண்ட எம்3 மாஸ்க்களின் விலை அப்பல்லோ மருத்துவமனையின் இணையதள வர்த்தகத்தில் எம்.ஆர்.பி. ரூ. 145 என தெரிவிக்கப்பட்டு உள்ளது. ஆனால், அமேசான் இணையதளத்தில் இதே முகக்கவசங்கள் இரண்டு எண்ணிக்கை ரூ. 1400க்கு விற்பனை செய்யப்பட்டுள்ளது. இதில் ஒருபடி மேல் சென்று பிளிப்கார்ட் இணையதளத்தில் விலை ரூ. 1983 என தெரிவிக்கப்பட்டு, 42 சதவித தள்ளுபடியில் ரூ. 1150க்கு விற்பனை செய்வதாக தெரிவித்து உள்ளது. ஆனால், இப்போதைக்கு ஸ்டாக் இல்லையெனவும் தெரிவித்து உள்ளது.

வைரஸ் பாதிப்பை தடுக்கும் என்-95 முகக்கவசம் 3 மடங்காகவும், தனிநபர் பாதுகாப்பு உடை 2 மடங்காகவும் அதிகரித்துள்ளதாக உலக சுகாதார நிறுவனம் தெரிவித்துள்ளது. இந்த விலை அதிகரிப்பை கட்டுப்படுத்த மத்திய மாநில அரசுக்கள் நடவடிக்கை எடுக்க வேண்டும் என பொதுமக்கள் அரசுக்கு கோரிக்கை வைத்துள்ளனர்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %