கொரோனா வைரசை தடுக்க ஆயுர்வேதம் உதவுமா…? தெரிந்துக்கொள்வோம்…

Read Time:6 Minute, 20 Second
Page Visited: 176
கொரோனா வைரசை தடுக்க ஆயுர்வேதம் உதவுமா…? தெரிந்துக்கொள்வோம்…

ஆயுர்வேதத்தில் ஏராளமான நோய்கள் மற்றும் கோளாறுகளுக்கு மருந்துகள், தீர்வு உள்ளன. ஆனால் இது கொரோனா வைரசுக்கு எதிராக போராடுவதற்கான மருந்து இருக்க முடியுமா? என்பதை பார்க்கலாம்.

கொரோனா வைரஸ் மிகப்பெரிய வைரஸ் பரவலாக மாறி வருகிறது, உலகளவில் இது அனைவரின் ஆரோக்கியத்தையும் மட்டுமல்ல பொருளாதாரத்தையும் பாதிக்கிறது. உலகம் முழுவதும் மக்கள் தங்களை பாதுகாத்து கொள்ள விரைந்து செல்லும்போது, ஆயுர்வேதம் உதவும் என்ற நம்பிக்கையும் இருக்கிறது. நெல்லிக்காய், அமிர்தவல்லி (சிந்தில் கொடி), வேம்பு போன்ற மூலிகைகள் கொரோனாவிற்கு எதிராக போராடும் ஆற்றல் கொண்டுள்ளது என ஆயுர்வேத நிபுணர்கள் தெரிவிக்கிறார்கள்.

எந்தவொரு நோயையும் எதிர்த்து போராட வலுவான நோய் எதிர்ப்பு சக்தி அவசியம் என்பதை நாம் அனைவரும் அறிவோம். நெல்லிக்காய், அமிர்தவல்லி, வேம்பு, கடுகுரோகிணி, துளசி போன்ற சில ஆயுர்வேத மூலிகைகள் சக்தியை வளர்ப்பதற்கும், தொற்றுநோயை தடுப்பதற்கும் உதவும் என்கிறார்கள். தினசரி ஒரு தேக்கரண்டி சைவன்ப்ராஷ் (Chywanprash) சாப்பிடுவதால் நோய் எதிர்ப்பு சக்தி அதிகரிக்கும், மேலும் இது வைரஸ் பரவாமல் தடுக்க உதவும் என்று ஆயுர்வேத நிபுணர்கள் தெரிவிக்கின்றனர்.

ஜீவா ஆயுர்வேதம் நிறுவனத்தின் இயக்குனர் பார்த்தாப் சவுகான் பேசுகையில், ஆயுர்வேதத்தில், நல்ல செரிமானம் அல்லது வலுவான செரிமான நோய்களை எதிர்த்து போராடுவதில் மிக முக்கிய பங்கு வகிக்கிறது. புதிய இஞ்சியின் ஒரு பகுதியை சாப்பிடுங்கள் அல்லது இஞ்சி டீ குடிக்கவும். புதினா தேநீர், இலவங்கப்பட்டை தேநீர், பெருஞ்சீரகம் தேநீர் போன்றவையும் நல்லது என்கிறார்.

சக்திவாய்ந்த ஆயுர்வேத மூலிகைகள் வழக்கமான நுகர்வு மனித உடலின் நோயெதிர்ப்பு சக்தியை உயர்த்துகிறது, இது மிகவும் பயங்கரமான தொற்றுநோய்களை கூட தள்ளிவைத்திருக்க உதவும் என்கிறார்கள் நிபுணர்கள். இப்போதெல்லாம், மக்கள் ஆரோக்கியமான வாழ்க்கை முறைக்கு பல்வேறு முன்னெச்சரிக்கை நடவடிக்கைகளை தேர்வு செய்கிறார்கள், மேலும் ஆயுர்வேதத்தை மிகவும் தீவிரமாக எடுத்து வருகின்றனர். நோய் எதிர்ப்பு சக்தியை அதிகரிக்க துளசி, அமிர்தவல்லி மற்றும் பிற ஆயுர்வேத மூலிகைகளையும் நாங்கள் பரிந்துரைக்கிறோம் எனவும் குறிப்பிடுகிறார்கள்.

ஆபத்தான வைரஸால் தொற்றுநோயை தடுக்க யோகா குரு ராம்தேவ் ஒரு வீடியோவில் சில ஆயுர்வேத உதவிக்குறிப்புகளை பகிர்ந்து உள்ளார். அவரும் கொரோனா வைரசுடன் போராட அமிர்தவல்லி, துளசி உதவியாக இருக்கும் என்கிறார். யாராவது கொரோனா வைரஸின் அறிகுறிகளை கொண்டிருந்தால், அமிர்தவல்லி, துளசி, கருப்பு மிளகு, மஞ்சள் மற்றும் இஞ்சி கலந்த டீயை உட்கொண்டால் நோய் எதிர்ப்பு சக்தியை அதிகரிக்கும் மற்றும் அனைத்து வகையான வைரஸ்களையும் கொல்லும் எனக் குறிப்பிட்டுள்ளார். கொரோனா வைரஸ் வரும்போது தடுப்பு முக்கியமானது. நோய் எதிர்ப்பு சக்தியை அதிகரிக்க தினமும் மூச்சு பயிற்சி, கபாலபதி பயிற்சியையும் மேற்கொள்ள வேண்டும் என்கிறார்.

குழந்தைகளை வைரஸிலிருந்து பாதுகாக்க இது சிறப்பாக செயல்படும் என்றும் யோகா குரு தெரிவித்துள்ளார்.

கொரோனா வைரசிலிருந்து உங்களை பாதுகாத்து கொள்வதற்கான மிக சிறந்த வழி, உங்கள் கைகளை ஆல்கஹால் அடிப்படையிலான கை கழுவும் பொருட்களால் அடிக்கடி சுத்தம் செய்வது அல்லது சோப்பு மற்றும் தண்ணீரில் கழுவுதல் சிறந்தது என்று முன்னெச்சரிக்கை நடவடிக்கைகளை உலக சுகாதார அமைப்பு தெரிவித்து உள்ளது. மக்கள் நன்கு சமைத்த உணவை மட்டுமே சாப்பிட வேண்டும், பொது இடத்தில் துப்புவதை தவிர்க்க வேண்டும், நெருங்கிய தொடர்பை தவிர்க்க வேண்டும். மக்கள் நோய்வாய்ப்பட்டால் விரைவில் மருத்துவ உதவியைப் பெறுவது முக்கியம். கை கழுவுதல் மற்றும் நெரிசலான இடத்திலிருந்து விலகி இருப்பது ஒரு சிறந்த யோசனையாகும். அதுபோக, உங்கள் நோய் எதிர்ப்பு சக்தியை அதிகரிப்பது கொரோனா வைரஸ் அச்சுறுத்தலை கையாள்வதில் உங்களுக்கு பெரிதும் உதவும். எனவே குறிப்பாக நீங்கள் நோய் எதிர்ப்பு சக்தி குறைவாக இருந்தால் ஆயுர்வேதத்தை முயற்சித்து பாருங்கள்…

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %