மத்திய பிரதேசத்தில் காங்கிரஸ் அரசு பெரும்பான்மை இழந்தது…! பா.ஜனதா ஆட்சியமைக்க வாய்ப்பு…!

Read Time:4 Minute, 16 Second
Page Visited: 51
மத்திய பிரதேசத்தில் காங்கிரஸ் அரசு பெரும்பான்மை இழந்தது…! பா.ஜனதா ஆட்சியமைக்க வாய்ப்பு…!

மத்திய பிரதேச அரசியலில் அடுத்த அடுத்த திருப்பங்கள் அரங்கேறி வரும் சூழலில் காங்கிரஸ் எம்.எல்.ஏக்கள் 20 பேர் ராஜினாமா செய்ததால் காங்கிரஸ் அரசு பெரும்பான்மையை இழந்து உள்ளது.

கமல்நாத் தலைமையிலான காங்கிரஸ் அரசுக்கு 120 எம்எல்ஏக்களின் ஆதரவு இருந்தது.

காங்கிரஸ் முக்கிய தலைவர் ஜோதிராதித்ய சிந்தியாவும், அவரது ஆதரவு எம்எல்ஏக்களும் கமல்நாத் தலைமையிலான அரசில் அதிருப்தியில் இருந்தனர். இந்த சூழலை பயன்படுத்தி 107 எம்எல்ஏக்களை கொண்டுள்ள பாஜக ஆட்சியை கைப்பற்ற முயற்சித்தது. இதற்கிடையே ஜோதிராதித்ய சிந்தியாவும், அவரது ஆதரவு எம்எல்ஏக்கள் 19 பேர் நேற்று பெங்களூரு சென்றனர். அவர்கள் பண்ணை வீட்டில் ரகசியமாக தங்க வைக்கப்பட்டு உள்ளதாக தகவல் வெளியாகியது.

இதற்கிடையே மத்திய பிரதேசத்தில் சில அமைச்சர்களை பதவி விலக செய்து ஜோதிராதித்ய சிந்தியாவின் ஆதரவாளர்களுக்கு பதவி வழங்க காங்கிரஸ் தலைமை முன்வந்தது. இதற்கு ஏதுவாக அம்மாநிலத்தில் 19 அமைச்சர்கள் பதவி விலகினர். இதைதொடர்ந்து அதிருப்தியில் உள்ள ஜோதிராதித்ய சிந்தியா காங்கிரஸ் தலைவர் சோனியா காந்தியை நேரில் சந்தித்து பேசியதாக காங்கிரஸ் எம்.பி. ராவத் தெரிவித்தார். இதனால், மத்திய பிரதேச காங்கிரஸ் கட்சியில் சமரசம் ஏற்படும் என தகவல் வெளியாகியது.

ஆனால், பரபரப்பான சூழலில் ஜோதிராதித்ய சந்தியா மத்திய உள்துறை அமைச்சர் அமித் ஷாவை சந்தித்து பேசினார். பின்னர் ஜோதிராதித்ய சிந்தியா ராஜினாமா கடிதத்தை சோனியா காந்திக்கு அனுப்பி வைத்தார். பின்னர் ஜோதிராதித்ய சந்தியா பிரதமர் மோடியை சந்தித்து பேசினார். உள்துறை அமைச்சர் அமித் ஷாவும் அப்போது உடன் இருந்துள்ளார். இதனால் அவர் பா. ஜனதாவில் இணைய உள்ளதாக தெரிகிறது. இதனால் மத்திய பிரதேச காங்கிரஸ் அரசு ஆட்டம் காண வழி ஏற்பட்டுள்ளது.

ஜோதிராதித்ய சிந்தியா தனது ராஜினாமா கடிதத்தை கட்சி தலைவர் சோனியா காந்திக்கு இன்று அனுப்பி வைத்தார். இதனை தொடர்ந்து மத்திய பிரதேச மாநிலத்தை சேரந்த ஜோதிராதித்ய சிந்தியா ஆதரவு எம்எல்ஏக்கள் 20 பேர் ராஜினாமா செய்துள்ளனர். அவர்கள் தங்கள் ராஜினாமா கடிதத்தை மத்திய பிரதேச ஆளுநருக்கு அனுப்பி வைத்து உள்ளனர். இதனால் மத்திய பிரதேசத்தில் காங்கிரஸ் அரசு பெரும்பான்மையை இழந்துவிட்டது. 20 பேர் ராஜினாமா செய்ததால் காங்கிரஸ் எம்எல்ஏக்கள் எண்ணிக்கை 99 ஆக குறைந்துள்ளது. அதேசமயம், பா.ஜனதா எம்எல்ஏக்கள் எண்ணிக்கை 107 ஆக இருக்கும்.

பெரும்பான்மைக்கு 105 எம்எல்ஏக்களின் ஆதரவு போதும் என்ற சூழலில் பாஜவுக்கு 107 பேர் ஆதரவு உள்ளதால் அந்தக கட்சி ஆட்சியமைக்க உரிமை கோரும் என்று தெரிகிறது. கர்நாடகம் போன்று பதவி விலகிய எம்எல்ஏக்கள் மீண்டும் தேர்தல் நடக்கும்போது பா.ஜனதா சார்பில் போட்டியிட்டு எம்.எல்.ஏ.க்களாக பதவி ஏற்க வாய்ப்பு இருப்பதாக தெரிகிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %