கொரோனா வைரஸ் பாதிப்பு: நாடு முழுவதும் 15 அம்ச கட்டுப்பாடுகள் – மத்திய அரசு நடவடிக்கை

Read Time:3 Minute, 44 Second
Page Visited: 91
கொரோனா வைரஸ் பாதிப்பு: நாடு முழுவதும் 15 அம்ச கட்டுப்பாடுகள் – மத்திய அரசு நடவடிக்கை

கொரோனா தாக்கத்தை கட்டுப்படுத்த நாடு முழுவதும் 15 அம்ச கட்டுப்பாடுகளை மத்திய அரசு அறிவித்து உள்ளது.

* நாடு முழுவதும் பல்கலைக்கழகங்கள் உள்ளிட்ட அனைத்து கல்வி நிறுவனங்களும் மூடப்படுகின்றன. உடற்பயிற்சி கூடங்கள், நீச்சல் குளங்களும் மூடப்படுகிறது. மாணவர்கள், வெளியே எங்கும் செல்லாமல் வீடுகளிலேயே தங்கி இருக்க வேண்டும்.

* கல்வி நிறுவனங்கள் தேர்வுகளை ஒத்திவைக்க வேண்டும். தேவைப்படும்பட்சத்தில் ஆன்-லைன் மூலம் தேர்வு நடத்த நடவடிக்கை எடுக்கலாம்.

* தனியார் நிறுவன ஊழியர்களும் வீடுகளில் இருந்து பணியாற்ற வேண்டும்.

* பெரிய நிறுவனங்கள் ஆலோசனை கூட்டத்தினை காணொலி காட்சி மூலம் நடத்தலாம்.

* திருமண மண்டபங்களில் ஏற்கனவே திட்டமிட்ட நிகழ்ச்சிகளை மட்டுமே நடத்த வேண்டுமே தவிர புதிய நிகழ்ச்சிகளை நடத்த அனுமதி வழங்கக்கூடாது.

* ஓட்டல்கள் மற்றும் விடுதிகளில் சுகாதார நடவடிக்கைகளை உடனுக்குடன் மேற்கொள்ள வேண்டும். மேலும், அங்கு கைகழுவுவதற்கு கூடுதல் வசதிகள் ஏற்படுத்த வேண்டும்.

* விளையாட்டு போட்டிகள் அனைத்தையும் ஒத்திவைக்க வேண்டும்.

* பொதுமக்கள் அதிகம் கூடும் இடங்களில் ஆன்மிக நிகழ்ச்சிகளுக்கு ஏற்பாடுகளை செய்யக்கூடாது.

* பொதுமக்கள் தேவையின்றி பஸ்கள், ரெயில்கள், விமானங்களில் பயணம் செய்வதை தவிர்க்க வேண்டும்.

* அனைத்து வணிக வளாகங்களிலும் ஒருவருக்கொருவர் ஒரு மீட்டர் இடைவெளியில் வரும் வகையில் ஏற்பாடு செய்ய வேண்டும்.

* வியாபாரிகள் சங்கத்தினரும் கூட்டங்கள் நடத்துவதை தவிர்க்க வேண்டும். சந்தைகளில் மக்கள் நெருக்கமாக இருப்பதை கட்டுப்படுத்த வேண்டும்.

* அனைத்து மருத்துவமனைகளிலும் கொரோனா வைரஸ் தொடர்பாக விழிப்புணர்வு ஏற்படுத்த வேண்டியது அவசியமாகும். குடும்ப உறுப்பினர்கள், நண்பர்கள், சிறுவர்களிடம் எப்படி பழக வேண்டும்? என்பதை மருத்துவமனைக்கு வருபவர்களிடம் டாக்டர்கள் அறிவுறுத்த வேண்டும்.

* ஒருவரை ஒருவர் சந்திக்கும்போது கைகுலுக்குவதை தவிர்க்கவும். பாசத்துடன் கைபிடிப்பதையும், கட்டிப்பிடிப்பதையும் முற்றிலும் தவிர்க்க வேண்டும்.

* ஆன்-லைனில் பொருட்கள் வாங்கும்போது மிகவும் கவனமாக இருப்பது அவசியமாகும். எங்கிருந்து, என்ன பொருட்கள் வாங்குகிறோம்? என்பதில் கூடுதல் கவனம் வேண்டும்.

* கொரோனா வைரஸ் தொடர்பாக பரப்பப்படும் வதந்திகளை நம்பாதீர்கள். வாட்ஸ்-அப் உள்ளிட்ட சமூக வலைத்தளங்களில் தேவையற்ற தகவலை பரப்பாமல் அமைதி காப்பது நமது கடமையாகும் என மத்திய அரசு அறிவித்து உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %