இத்தாலியில் கொரோனா வைரசுக்கு 4,032 பேர் சாவு… ஒரே நாளில் 627 பேர் உயிரிழப்பு

சீனாவில் உகான் நகரில் கடந்த ஆண்டு டிசம்பரில் தோன்றிய கொரோனா வைரஸ், தொடர்ந்து உலகமெங்கும் உயிர்ப்பலிகளை ஏற்படுத்தி வருகிறது. நேற்றைய நிலவரப்படி, கொரோனா வைரஸ் உயிர்ப்பலி எண்ணிக்கை 10 ஆயிரத்து 30 ஆக இருந்தது. கொரோனா வைரஸ் தோன்றிய சீனாவில் ஏற்பட்ட உயிரிழப்புகளை காட்டிலும், ஐரோப்பிய நாடான இத்தாலியில் அதிகமான உயிரிழப்பு ஏற்பட்டு வௌகிறது. சீனாவில் உயிரிழந்தோரின் எண்ணிக்கை 3,248 ஆகும். ஆனால், இத்தாலியில் பலியானோர் எண்ணிக்கை 4,032 ஆகும்.

வெள்ளிக்கிழமை மட்டும் வைரஸ் பாதிப்புக்கு 627 பேர் உயிரிழந்து உள்ளனர். 5,986 பேருக்கு புதியதாக பாதிப்பு ஏற்பட்டுள்ளது. அங்கு இதுவரையில் 47,021 பேருக்கு வைரஸ் பாதிப்பு ஏற்பட்டுள்ளது என அந்நாட்டு சுகாதாரத்துறை தரப்பில் தெரிவிக்கப்பட்டு உள்ளது.

ஸ்பெயின் நாட்டிலும் 1002 பேர் கொரோனா வைரசுக்கு பலியாகியுள்ளனர். மெரிக்காவில் கொரோனா வைரசும் தன் ஆதிக்கத்தை விஸ்தரித்து வருகிறது. அங்கு இந்த வைரஸ் பாதிப்புக்கு ஆளானவர்களின் எண்ணிக்கை 20 ஆயிரத்தை தொட்டது. 200 பேர் உயிரிழந்துள்ளனர்.

Next Post

ரெயில் நிலையங்களில் அலைமோதிய கூட்டம்... "சொந்த ஊருக்கு திரும்பாதீர்கள்...!” பிரதமர் மோடி வேண்டுகோள்

Sun Mar 22 , 2020
உலகத்தையே அச்சுறுத்திவரும் கொரோனா வைரஸ் இந்தியாவிலும் தாக்கத்தை ஏற்படுத்தியுள்ளது. இந்தியாவில் இதுவரை 310 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளது. வைரஸ் தொற்றுக்கு 4 பேர் உயிரிழந்துள்ளனர். இந்தியாவில் கொரோனா வைரஸ் பரவலை தடுக்க மத்திய, மாநில அரசுக்கள் அதிதீவிரமான நடவடிக்கையை மேற்கொண்டுவருகின்றன. இதற்கு மக்களுடைய முழு ஒத்துழைப்பு அவசியமாக உள்ளது. இந்நிலையில் கொரோனா வைரஸ் பரவலை தடுக்கும் முயற்சிகளின் ஒருபகுதியாக பிரதமா் மோடி இன்று (மாா்ச் […]

அதிகம் வாசிக்கப்பட்டவை