#IndiaFightsCorona உலகளவில் கவனம் ஈர்த்த சென்னை போலீசின் ‘கொரோனா ஹெல்மெட்’…!

Read Time:6 Minute, 13 Second
Page Visited: 46
#IndiaFightsCorona  உலகளவில் கவனம் ஈர்த்த சென்னை  போலீசின் ‘கொரோனா ஹெல்மெட்’…!

கொரோனா வைரஸ் விழிப்புணர்வாக சென்னை போலீஸ் பயன்படுத்திய கொரோனா ஹெல்மெட் உலக அளவில் கவனம் பெற்றுள்ளது. உலகம் முழுவதும் வேகமாக பரவிவரும் கொரோனா வைரஸ் இந்தியாவிலும் கால் பதித்துள்ளது.

அதனை கட்டுப்படுத்தும் நோக்கில் மத்திய மாநில அரசுக்கள் போர்க்கால அடிப்படையில் செயல்படுகின்றன. தமிழக அரசு கொரோனாவை விரட்ட விழிப்புணர்வு, தடுப்பு நடவடிக்கையை மேற்கொண்டு வருகிறது. 21 நாள் ஊரடங்கு உத்தரவு அமலில் இருந்தாலும் பொதுமக்கள் பைக்கில் சாலைகளில் செல்வது கணிசமாக இருந்து வருகிறது. சென்னை டிராபிக் போலீஸ் தரப்பில் பல்வேறு கோரிக்கைகள் பொதுமக்களுக்கு வைக்கப்பட்டு வருகிறது.

இந்நிலையில் சென்னை போலீஸ் மேற்கொண்ட விழிப்புணர்வு நடவடிக்கை உலகம் முழுவதும் கவனம் பெற்று பாராட்டுக்களையும் பெற்றுள்ளது. பெரும்பலான உலக மீடியாக்கள் கொரோனா ஹெல்மெட் தொடர்பான செய்தியை வெளியிட்டுள்ளன.

”நீங்க வீட்டுக்கு போகலைனா, கொரோனாவாகிய நான் உங்க வீட்டுக்கு வந்திடுவேன்”

என சாலையில் செல்லும் இளைஞர்கள் மத்தியில் கொரோனா வடிவிலான ஹெல்மெட் அணிந்து விழிப்புணர்வை ஏற்படுத்தி வருகிறார் சென்னையை சேர்ந்த காவல்துறை அதிகாரி ரஜீஷ் பாபு.

சென்னை வில்லிவாக்கம் போக்குவரத்து காவல் நிலைய ஆய்வாளர் ரஜீஷ் பாபு கொரோனா விழிப்புணர்வு தகவலை சொல்வதை விட ஒருபடி மேலாக வித்தியாசமாக புரியவைக்கும் நடவடிக்கையை மேற்கொண்டுள்ளார். மக்கள் ஊரடங்கு உத்தரவை பின்பற்றுவார்கள் எனக்கருதி கொரோனா வடிவிலான ஹெல்மெட்டை அணிந்து பொது இடங்களில் வலம்வருகிறார்.

வில்லிவாக்கம் பகுதியில், இளைஞர்கள் சாலைகளில் சுற்றித்திரிவது, காய்கறி சந்தையில் சமூக விலகலை பின்பற்றாமல் மக்கள் கூடுவது போன்றவற்றை கண்டபின்னர், விழிப்புணர்வு செய்தியை அளிக்கவேண்டும் என முடிவுசெய்ததாக ரஜீஷ் தெரிவிக்கிறார்.

ஊரடங்கு வேலையில் இரண்டு, மூன்று பேர் சேர்ந்து பைக்கில் தேவையற்ற பயணங்களை மேற்கொள்ளும் இளைஞர்களுக்கு தோப்புக்கரணம் போடுவது, கைதட்டுவது, சாலையில் உருளுவது உள்ளிட்ட தண்டனைகளை காவலர்கள் வழங்குவதாக சமூகவலைத்தளங்களில் வீடியோக்கள் வெளியாகி வருகிறது.

இந்நிலையில் விழிப்புணர்வு நிகழ்வை வித்தியாசமாக நடத்துவதற்காக ஆய்வாளர் ரஜீஷ், கொரோனா ஹெல்மெட் அணிந்து சாலைகளில் சென்று கவனத்தை ஈர்க்கிறார். அவருடைய நடவடிக்கை கண்டிப்பாக கொரோனா மீது மக்களுக்கு பயம் ஏற்பட சாத்தியம் உள்ளது. ஆய்வாளர் ரஜீஷ் இதுதொடர்பாக பிபிசி தமிழுக்கு பேட்டியளித்து பேசியுள்ளார்.

அவர் பேசுகையில்”சாலைகளில் தேவையற்ற பயணங்களை மேற்கொள்ளும் இளைஞர்களை பார்க்கும்போது, அவர்களுக்கு தொற்று ஏற்பட்டால், அவர்களின் குடும்ப உறுப்பினர்களுக்கும் அது பரவும் என்ற விழிப்புணர்வை இதன்மூலம் ஏற்படுத்துகிறோம். கொரோனா குறித்த அச்சம் வேண்டாம். ஆனால் விழிப்புணர்வு தேவை என்பதை புரியவைக்கிறோம். ஹெல்மெட் வடிவத்தை பார்த்ததும், நீங்கள் உங்கள் வீட்டுக்கு போகவில்லை என்றால், நான் உங்கள் வீட்டுக்கு வந்துவிடுவேன் என்றதும் அவர்களுக்கு நோய் பரவல் குறித்து புரிதல் ஏற்படுகிறது என கூறினார் என பிபிசி தமிழ் செய்தி வெளியிட்டுள்ளது.

”நான் என் வீட்டுக்கு செல்லும்போது, குளித்துவிட்டு, தூய்மையான துணிகளை உடுத்திய பின்புதான் வீட்டுக்குள் நுழைகிறேன். இருந்தபோதும் என் குடும்ப உறுப்பினர்களுக்கு பயம் உள்ளது.

இதுபோல பல குடும்பங்களிலும், பெற்றோர்கள், குழந்தைகள் கொரோனா பற்றிய பயத்தோடு இருப்பார்கள். ஊரடங்கு உத்தரவை மீறுபவர்களிடம் இந்தத் தகவலை கூறி வீட்டுக்கு அனுப்புகிறோம். அவர்கள் தங்கள் அனுபவத்தை மற்றவர்களிடம் பேசி விழிப்புணர்வை ஏற்படுத்துவார்கள்,” எனவும் கூறியுள்ளார்.

போலீசார் கடுமையாக தாக்கும் வீடியோக்களும் வெளியாகியுள்ளது. இந்நிலையில், இளைஞர்கள் மற்றும் பொது மக்களை காவலர்கள் தாக்கக்கூடாது என்றும் கனிவுடன் வீடுகளுக்கு திரும்ப அறிவுறுத்தவேண்டும் என்றும் சென்னை காவல்துறை மூத்த அதிகாரிகள் பலரும் காவலர்களுக்கு உத்தரவிட்டுள்ளனர்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %