#IndiaFightsCorona இந்தியாவில் பாதிக்கப்பட்டவர்கள் எண்ணிக்கை 979 ஆக உயர்வு; பலி எண்ணிக்கையும் 25 ஆக அதிகரிப்பு

Read Time:1 Minute, 44 Second

இந்தியாவில் கொரோனாவால் பாதிக்கப்பட்டவர்கள் எண்ணிக்கை 979 ஆக உயர்ந்துள்ளது என மத்திய சுகாதாரத்துறை அமைச்சகம் தெரிவித்து உள்ளது. இதற்கிடையே பலியானவர்கள் எண்ணிக்கையும் 25 ஆக அதிகரித்து உள்ளது.

பாதிக்கப்பட்டவர்களில் 87 பேர் சிகிச்சையில் உடல்நலம் பெற்று வீடு திரும்புயுள்ளனர்.

மராட்டிய மாநிலத்தில் கொரோனா வைரசினால் பாதிக்கப்பட்டவர்களின் எண்ணிக்கை 194 ஆக உயர்ந்து உள்ளது. இந்தியாவில் கொரோனா வைரஸ் பரவலை கட்டுப்படுத்த மத்திய மாநில அரசுக்கள் தீவிரமான நடவடிக்கையை மேற்கொண்டு வருகின்றன.

இந்தியா முழுவதும் மக்கள் நடமாட்டத்தை கட்டுப்படுத்த 21 நாள் ஊரடங்கு அமலில் உள்ளது. ஊரடங்கு நாள் அமல்படுத்தப்பட்ட 5-வது நாளில் பாதிக்கப்பு எண்ணிக்கை அதிகரிப்பு என்ற தகவல் வெளியாகியுள்ளது. வைரஸ் பரவலை கட்டுப்படுத்தும் வகையில் பொதுமக்கள் யாரும் வெளியே வரவேண்டாம் என மத்திய-மாநில அரசுக்கள் கேட்டுக்கொண்டுள்ளன. ஆனால், பொதுமக்களின் நடமாட்டம் இருந்துக்கொண்டே இருக்கிறது. பொதுமக்கள் அரசின் உத்தரவுகளை மதித்து, விழிப்புணர்வு தகவல்களை பின்பற்றினால் கொரோனாவை இந்தியாவிலிருந்து விரட்டலாம். அதற்கு நாம் கடமைப்பட்டுள்ளோம். ஒற்றுமையாக செயல்பட்டு கொரோனாவை விரட்டுவோம். வெற்றி பெறுவோம்.