#IndiaFightsCorona கொரோனாவை எதிர்த்து போராட நிதி உதவி வழங்குங்கள் – பிரதமர் மோடி வேண்டுகோள்!

Read Time:3 Minute, 18 Second
Page Visited: 37
#IndiaFightsCorona கொரோனாவை எதிர்த்து போராட நிதி உதவி வழங்குங்கள் – பிரதமர் மோடி வேண்டுகோள்!

கொரோனா வைரசுக்கு எதிராக இந்தியா போராடி வருகிறது. இந்நிலையில் அதற்கு அரசுக்கு நிதி உதவி வழங்க வேண்டும் என்று மக்களுக்கு பிரதமர் மோடி வேண்டுகோள் விடுத்து உள்ளார். இதுதொடர்பாக பிரதமர் அலுவலகம் ஒரு அறிவிப்பை தனது அதிகாரப்பூர்வ வலைத்தள பக்கத்தில் வெளியிட்டுள்ளது. அதில், இந்தியாவிலும் பிற உலக நாடுகளைப்போல கொரோனா வைரஸ் தாக்குதல் நாட்டின் பொருளாதாரத்திலும், சுகாதாரத்திலும் பெரிய பாதிப்பை ஏற்படுத்தி உள்ளது.

இந்த அவசர நிலையை கருத்தில் கொண்டு அரசுக்கு ஆதரவாக நன்கொடைகள் வழங்குவதாக பிரதமர் அலுவலகத்துக்கு ஏராளமான அழைப்புகள் வந்துள்ளன. இயற்கையாகவோ அல்லது வேறு பிறவகையிலோ பேரிடர் நிகழும் காலங்களில் பாதிக்கப்பட்டவர்களின் துன்பத்தை தவிர்ப்பதற்கும், உள்கட்டமைப்பு மற்றும் அரசின் சொத்துகளுக்கு ஏற்படும் சேதத்தை தணிக்கவும், கட்டுப்படுத்தவும் ஒரு கூட்டு நடவடிக்கை அவசியமாகிறது.

இதற்காக ‘பிரதமரின் குடிமக்கள் உதவி மற்றும் அவசரகால சூழ்நிலை நிதி’ (சுருக்கமாக ‘பி.எம்.கேர்ஸ்’ நிதி) என்ற புதிய பொதுமக்கள் அறக்கட்டளை உருவாக்கப்பட்டுள்ளது. இதன் தலைவராக பிரதமர் இருப்பார். ராணுவ அமைச்சர், உள்துறை அமைச்சர், நிதி அமைச்சர் ஆகியோர் இதன் உறுப்பினர்களாக இருப்பார்கள். பிரதமர் மோடி எப்போதும் மக்களின் பங்களிப்புடன் கூடிய திட்டங்களில் நம்பிக்கை உடையவர் என்பதற்கு இது மற்றொரு எடுத்துக்காட்டாகும். இதில் மக்கள் சிறிய அளவில் நிதி வழங்கலாம். இதன்மூலம் ஏராளமான மக்கள் தங்கள் பங்களிப்பை செலுத்த முடியும் என தெரிவிக்கப்பட்டுள்ளது.

இதற்கிடையே பிரதமர் மோடி நரேந்திர மோடி டுவிட்டர் மூலம் நிதி உதவி கேட்டு நாட்டு மக்களுக்கு வேண்டுகோள் விடுத்து உள்ளார். அதில், ஆரோக்கியமான இந்தியாவை உருவாக்குவதில் நீண்டதூரம் செல்வதற்காக ‘பி.எம்.-கேர்ஸ்’ (PM Cares) நிதி உருவாக்கப்பட்டு உள்ளது. இந்த நிதிக்கு உங்கள் பங்களிப்பை வழங்குங்கள் என்று எனது இந்திய மக்களுக்கு நான் வேண்டுகோளாக விடுக்கிறேன். இந்த நிதி இது போன்ற வேறுசில இடர்பாடான சூழ்நிலைகளிலும் உதவும் என தெரிவித்து உள்ளார். மக்கள் பலர் நிதியுதவியை வழங்கி வருகிறார்கள்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %