#Coronavirus -ஐ குணப்படுத்தும் என வதந்தி: ஈரானில் விஷ சாராயம் குடித்த 300 பேர் சாவு

Read Time:1 Minute, 53 Second
Page Visited: 49
#Coronavirus -ஐ குணப்படுத்தும் என வதந்தி: ஈரானில் விஷ சாராயம் குடித்த 300 பேர் சாவு

சீனாவுக்கு வெளியே கொரோனாவால் அதிகம் பாதிக்கப்பட்ட நாடுகளில் ஒன்றான ஈரானில் 35,408 பேர் கொரோனாவால் பாதிக்கப்பட்டு உள்ளனர். 2,517 பேர் உயிரிழந்துள்ளனர். மத்திய கிழக்கு நாடுகளில் கொரோனாவால் பெரும் பாதிப்பை சந்தித்துள்ளன நாடாக ஈரான் இருக்கிறது. கொரோனா வைரஸ் பரவும் அச்சத்தின் காரணமாக, போதுமான விழிப்புணர்வு மக்களிடம் இல்லாததாலும், சமூக வலைதளங்களில் பரவி வரும் வதந்திகளை நம்பியதாலும் அந்த நாடு மிக மோசமான சிக்கலை எதிர்கொண்டுள்ளது.

இதற்கிடையே சமூக வலைத்தளங்களில் மது குடித்தால் கொரோனா நம்மை தாக்காது என்று தகவல்கள் பரவிய நிலையில், அதனை நம்பி ஈரான் மக்கள் ஏராளமானோர் மெத்தனால் கலந்த எரிசாராயத்தை குடிக்கும் நிலை ஏற்பட்டுள்ளது. இதனால் நாடு முழுவதும் விஷ சாராயம் குடித்த 300 பேர் உயிரிழந்ததாக அந்த நாட்டு ஊடகங்கள் செய்தி வெளியிட்டுள்ளன. குறிப்பாக 5 வயது குழந்தைக்கு அதன் பெற்றோர் கட்டாயமாக எரிசாராயம் கொடுத்ததாகவும், அதில் குழந்தை பரிதாபமாக இறந்ததாகவும் செய்தி வெளியாகியுள்ளது. மேலும் ஆயிரத்துக்கும் மேற்பட்டோர் மருத்துவமனையில் அனுமதிக்கப்பட்டு சிகிச்சை பெற்று வருவதாகவும் தகவல்கள் தெரிவிக்கின்றன.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %