#IndiaFightsCorona யாரெல்லாம் கொரோனா பரிசோதனை செய்துக்கொள்ள வேண்டும்? மத்திய அரசு விளக்கம்

Read Time:1 Minute, 56 Second

இந்தியாவில் யாரெல்லாம் கொரோனா பரிசோதனையை செய்துக்கொள்ள வேண்டும் என்பது தொடர்பான விளக்கத்தை மத்திய சுகாதாரத்துறை அமைச்சகம் டுவிட்டரில் தெரிவித்து உள்ளது.

அது போக, எங்கெல்லாம் கொரோனா வைரஸ் பரிசோதனை மையம் உள்ளது என்ற தகவலையும் தெரிவித்து உள்ளது.

வெளிநாட்டிற்கு சென்றவர்கள் மற்றும் அவர்களுடன் இருந்தவர்களுக்கு கொரோனா வைரஸ் பாதிப்பு இருப்பது தெரியவந்து உள்ளது. இதனால்..

  • கடந்த 14 நாட்களில் வெளிநாடு சென்றவர்கள்.
  • கொரோனா நோயினால் பாதிக்கப்பட்டவர்களுடன் உடன் இருந்தவர்கள்.
  • சுகாதாரத்துறை பணியாளர்கள்.
  • மூச்சுவிட சிரமப்படுபவர்கள், நிமோனியா போன்ற உடல்நலக்குறைவு காணப்படுபவார்கள்.
  • பாதிக்கப்பட்டவர்களுடன் நெருங்கிய தொடர்பில் இருந்தவர்கள், அறிகுறியில்லையென்றாலும் 5 முதல் 14-ம் நாட்களுக்குள் பரிசோதனையை செய்துக்கொள்ள வேண்டும்.
  • கொரோனாவினால் பாதிக்கப்பட்டவர் இருந்த வீட்டில் இருப்பவர்கள்.
  • உலக சுகாதார அமைப்பு வெளியிட்ட பரிந்துரை செய்துள்ள அடிப்படை முன்னெச்சரிக்கை ஏற்பாடுகள் இல்லாமல் கொரோனா வைரஸ் பாதிப்பை கையாண்ட சுகாதாரத்துறை பணியாளர்கள் பரிசோதனையை செய்துக்கொள்ள வேண்டும் என தெரிவிக்கப்பட்டுள்ளது.

இந்தியாவில் உங்களுக்கு அருகே எங்கெல்லாம் கொரோனா பரிசோதனை மையம் உள்ளது என்பதை http://icmr.nic.in என்ற இணையதளத்தில் சென்று பார்த்துக்கொள்ளலாம்.