#IndiaFightsCorona 21 நாள் ஊரடங்கு மேலும் நீடிக்கப்படுமா? மத்திய அரசு பதில்

கொரோனா வைரஸ் பரவலை கட்டுப்படுத்தும் விதமாக கொண்டுவரப்பட்ட 21 நாள் ஊரடங்கு மேலும் நீட்டிக்கப்படுமா? என்ற கேள்விக்கு மத்திய அரசு பதில் அளித்து உள்ளது.

இந்தியாவில் கொரோனா வைரஸ் பாதிப்பு காணப்பட்டதும் பிரதமர் மோடி 21 நாள் ஊரடங்கை அமல்படுத்தினார். இன்று ஆறாவது நாளாகும். ஊரடங்கினால் இந்தியாவில் கொரோனாவின் தாக்கம் குறைந்துள்ளது. இருப்பினும், உயிரிழப்பு மற்றும் பாதிப்பு எண்ணிக்கை மெல்ல உயர்ந்து செல்கிறது. இந்தியாவில் கொரோனாவினால் பாதிக்கப்பட்டவர்கள் எண்ணிக்கை ஆயிரத்தை தாண்டியது. உயிரிழந்தவர்கள் எண்ணிக்கையும் 27 ஆக உயர்ந்தது.

மத்திய அரசு கொரோனாவை தடுக்க கொண்டு வந்த ஊரடங்கு பல்வேறு இடங்களில் விதிமீறல்களை எதிர்க்கொண்டு வருகிறது. மக்கள் பொறுப்பற்ற வகையில் வெளியே நடமாடும் சம்பவங்கள் நடக்கிறது.

இந்நிலையில் கொரோனாவை தடுக்கும் வகையில் ஊரடங்கு மேலும் நீட்டிக்கப்படுமா? என்ற கேள்வி எழுந்தது.

இதுதொடர்பாக ஏஎன்ஐ செய்தி நிறுவனத்திற்கு பதில் அளித்து உள்ள மத்திய அமைச்சரவை செயலாளர் ராஜீவ் கப்தா, “ஊரடங்கை மேலும் நீட்டிக்கும் திட்டம் மத்திய அரசிடம் கிடையாது. ஊரடங்கு நீட்டிக்கப்படலாம் என்பது போன்ற தகவல்களை பார்த்து நான் ஆச்சரியப்படுகிறேன். ஊரடங்கை நீட்டிக்கும் திட்டம் எதுவும் கிடையாது,” என்று கூறியுள்ளார்.

Next Post

#IndiaFightsCorona வெளிமாநில தொழிலாளர்களை தடுத்து நிறுத்துங்கள் மாநிலங்களுக்கு மத்திய அரசு உத்தரவு

Mon Mar 30 , 2020
இந்தியாவில் கொரோனா பரவுவதை தடுக்க நாடு முழுவதும் வருகிற ஏப்ரல் 14-ம் தேதி வரை ஊரடங்கு உத்தரவு பிறப்பிக்கப்பட்டு உள்ளது. அத்தியாவசிய பொருட்களை ஏற்றிச் செல்லும் சரக்கு வாகனங்களுக்கு மட்டும் அனுமதி வழங்கப்பட்டு உள்ளது. போக்குவரத்தை கட்டுப்படுத்த மாவட்ட, மாநில எல்லைகள் மூடப்பட்டு உள்ளன. இதனால் , மக்களின் இயல்பு வாழ்க்கை பெரிதும் பாதிக்கப்பட்டு இருக்கிறது. ஊரடங்கு உத்தரவையும் மீறி சில மாநிலங்களில் உள்ள வெளிமாநில தொழிலாளர்கள் தங்கள் சொந்த […]

அதிகம் வாசிக்கப்பட்டவை