#Coronavirus 2-ம் உலகப்போருக்கு பின்பு இந்த உலகம் சந்திக்கும் மிகப்பெரிய சவால்…!

Read Time:2 Minute, 49 Second
Page Visited: 57
#Coronavirus 2-ம் உலகப்போருக்கு பின்பு இந்த உலகம் சந்திக்கும் மிகப்பெரிய சவால்…!

கொரோனா வைரஸ் பரவல் இரண்டாம் உலகப்போருக்கு பின்பு இந்த உலகம் சந்திக்கும் மிகப்பெரிய சவால் என்று ஐ.நாவின் பொதுச் செயலாளர் ஆன்டோனியோ குட்டரஸ் எச்சரிக்கை விடுத்து உள்ளார்.

சீனாவில் தோன்றிய கொரோனா வைரஸ் உலகம் முழுவதும் பரவி வருகிறது. உலகளவில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கை சுமார் 8,50,000ஆக உயர்ந்து உள்ளது. இதனால் 43000-க்கும் மேற்பட்டோர் உயிரிழந்து உள்ளனர். அமெரிக்காவில் 4000த்திற்கும் மேற்பட்டோர் இறந்துள்ளனர். இது சீனாவில் ஏற்பட்ட உயிரிழப்புகளைவிட அதிகமாகும். அமெரிக்காவில் 2 லட்சம் பேர் வரையில் கொரோனா வைரஸ் தொற்றால் பாதிக்கப்பட்டு உள்ளனர்.

இத்தாலி, ஸ்பெயின், இங்கிலாந்து, ஜெர்மனி உள்ளிட்ட பிற ஐரோப்பிய நாடுகளிலும் வைரஸ் தொற்றினால் உயிரிழப்பு அதிகரித்து வருகிறது.

இந்நிலையில் நியூயார்க் நகரில் ஐ.நா தலைமை அலுவலகத்தில் பேசிய பொதுச் செயலாளர் ஆன்டோனியோ குட்டரஸ், சமூகத்தை மோசமாக தாக்கிவரும் கொரோனா வைரஸ் தொற்று, மக்களின் வாழ்க்கையையும் வாழ்வாதாரங்களையும் காவு வாங்கி வருகிறது. ஐ.நா தொடங்கப்பட்டதில் இருந்து, நாம் சந்திக்கும் மிகப்பெரிய சவாலாக கொரோனா வைரஸ் தொற்று உள்ளது. இத்தொற்றை கட்டுப்படுத்த ஒன்றிணைந்த சுகாதார நடவடிக்கைகளை உடனடியாக எடுக்கப்பட வேண்டும்.

இந்த நோய்த்தொற்று பரவலுக்கு ஒரு முற்றுப்புள்ளி வைக்க வேண்டும். வளர்ந்த நாடுகள், மற்ற நாடுகளுக்கு உதவ வேண்டும். அப்படி இல்லையென்றால், இந்த வைரஸ் தொற்று காட்டுத்தீ போலப் பரவும் என்று எச்சரிக்கை விடுத்துள்ளார். உலகளவில் கொரொனா வைரஸ் தொற்றால் சுமார் 25 மில்லியன் பேர் வேலையிழப்பார்கள் என ஐ.நா அறிக்கை கூறுகிறது. உலகளாவிய அந்நிய நேரடி முதலீடுகள் 40 சதவீதம் வரை கீழ்நோக்கி செல்லும் வாய்ப்பு இருப்பதாகவும் கணக்கிடப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %