#IndiaFightsCorona இந்தியாவில் கொரோனா பாதிப்பு எண்ணிக்கை 2000-த்தை நெருங்கியது, 50 பேர் உயிரிழப்பு மாநிலம் வாரியாக விபரம்:-

Read Time:2 Minute, 52 Second

இந்தியாவில் கொரோனா வைரசினால் பாதிக்கப்பட்டோர் எண்ணிக்கை 1965 ஆக உயர்ந்துள்ளது. இதில் 1764 பேருக்கு மருத்துவமனையில் சிகிச்சை அளிக்கப்பட்டு வருகிறது. புதியதாக 131 பேருக்கு கொரோனா வைரஸ் பாதிப்பு ஏற்பட்டுள்ளது. அதே நேரத்தில் 151 பேர் குணமடைந்து சிகிச்சை பெற்று வீடு திரும்பியுள்ளனர் என மத்திய சுகாதார மற்றும் குடும்ப நல அமைச்சகம் வெளியிட்டுள்ள தகவலில் தெரிவிக்கப்பட்டுள்ளது.

335 பேருக்கு பாதிப்பு மற்றும் 13 பேர் இறப்பு என மராட்டிய மாநிலம் கொரோனாவினால் அதிகம் பாதிக்கப்பட்டுள்ள மாநிலமாகும். 265 பேருக்கு பாதிப்பு மற்றும் இரண்டு இறப்புகளுடன் அதிகம் பாதிக்கப்பட்டுள்ள இரண்டாவது மாநிலமாக கேரளா உள்ளது. 234 பேருக்கு பாதிப்பு, ஒருவர் உயிரிழப்பு என தமிழகம் மூன்றாவது இடத்தில் உள்ளது. உத்தரபிரதேசத்தில் இதுவரை 113 பேருக்கு கொரோனா வைரஸ் பாதிப்பு உள்ளது. அதே நேரத்தில் பாதிப்பு எண்ணிக்கை கர்நாடகாவில் 110 ஆகவும், தெலுங்கானாவில் 96 ஆகவும் அதிகரித்துள்ளன. ராஜஸ்தானில் 108, ஆந்திரா 86, குஜராத் 82, ஜம்மு-காஷ்மீர் 62 கொரோனா வைரஸ் பாதிப்பு உள்ளது.

கேரளாவில் 24 புதிய கொரோனா வைரஸ் பாதிப்பு இன்று பதிவாகியுள்ளன. இது கேரளாவில் கொரோனா வைரஸ் பாதிப்புக்குள்ளான மொத்த நோயாளிகளின் எண்ணிக்கையை 265 ஆக உயரச்செய்துள்ளது. மாநிலத்தில் பாதிக்கப்பட்டவர்களில் 25 பேர் குணம் அடைந்துள்ளனர். 2 பேர் இறந்துள்ளனர். மத்திய பிரதேசத்தில் 33 பேருக்கு புதிய கொரோனா வைரஸ் பாதிப்புக்கள் பதிவாகியுள்ளது. மாநிலத்தில் பாதிக்கப்பட்டவர்கள் எண்ணிக்கை 99 ஆக உயர்ந்துள்ளது.

மாநிலம் வாரியாக விபரம்:-

தமிழகம் 234

ஆந்திர பிரதேசம் 86

அந்தமான் 10

அசாம் 1

பீகார் 23

சண்டிகார்க் 16

சத்தீஷ்கார் 9

டெல்லி 152

கோவா 5

குஜராத் 82

அரியானா 43

இமாச்சல பிரதேசம் 3

ஜம்மு காஷ்மீர் 62

ஜார்க்கண்ட் 1

கர்நாடகா 110

கேரளா 265

லாடக் 13

மத்திய பிரதேசம் 99

மராட்டியம் 335

மணிப்பூர் 1

மிசோரம் 1

ஒடிசா 4

புதுச்சேரி 3

பஞ்சாப் 46

ராஜஸ்தான் 108

தெலுங்கானா 96

உத்தரகாண்ட் 7

உத்தரபிரதேசம் 113

மேற்கு வங்காளம் 37