#IndiaFightsCorona கொரோனா நோயாளிகளுக்கு மருந்து, உணவு கொடுக்க ரோபோக்கள் கவுகாத்தி ஐ.ஐ.டி. தீவிரம்!

Read Time:3 Minute, 56 Second
Page Visited: 59
#IndiaFightsCorona கொரோனா நோயாளிகளுக்கு மருந்து, உணவு கொடுக்க ரோபோக்கள் கவுகாத்தி ஐ.ஐ.டி. தீவிரம்!

இந்தியாவில் கொரோனாவினால் பாதிக்கப்பட்டு மருத்துவமனையில் தனிமைப்படுத்தப்பட்ட வார்டுகளில் கொரோனா நோயாளிகளுக்கு மருந்து, உணவு கொடுப்பதற்கும், கழிவுகளை அகற்றுவதற்கும் 2 ரோபோக்களை உருவாக்கும் பணியில் கவுகாத்தி ஐ.ஐ.டி. தீவிரமாக ஈடுபட்டுள்ளது.

இந்தியாவில் கொரோனா நோயாளிகள் எண்ணிக்கை 1,800-ஐ தொட்டது.

மருத்துவமனைகளில் அவர்கள் தனிமைப்படுத்தப்பட்ட வார்டுகளில், மருந்து, உணவு கொடுக்க மருத்துவ பணியாளர்கள் உள்ளே செல்ல வேண்டி இருப்பதால், அவர்களுக்கும் நோய் பரவும் அபாயம் எழுந்துள்ளது. இதனை தடுக்கும் வகையில் கொரோனா நோயாளிகளுக்கு உதவும் பணியில் ரோபோக்கள் உலகம் முழுவதும் களமிறக்கப்பட்டுள்ளது. இந்நிலையில் அசாம் மாநிலம் கவுகாத்தியில் உள்ள ஐ.ஐ.டி. (இந்திய தொழில்நுட்ப கல்வி நிறுவனம்) 2 ரோபோக்களை வடிவமைத்து வருகிறது.

மெக்கானிக்கல் என்ஜினீயரிங் துறை, எலெக்ட்ரிக்கல் என்ஜினீயரிங் துறை ஆகியவற்றை சேர்ந்த குழுவினர், இந்த பணியில் ஈடுபட்டு உள்ளனர். ஒரு ரோபோ, தனிமை வார்டுகளில் உணவு, மருந்து ஆகியவற்றை கொடுக்க உதவும். இதை மருத்துவமனையின் தேவைக்கேற்ப பழக்கப்படுத்தி கொள்ள முடியும். மற்றொரு ரோபோ, தனிமை வார்டுகளில் மருந்து மற்றும் இதர கழிவுகளை அகற்ற உதவும் வகையில் வடிவமைக்கப்பட்டுள்ளது.

இதுகுறித்து அந்த ஆராய்ச்சி குழு தரப்பில் கூறுகையில், இந்த ரோபோக்கள் பணியில் ஈடுபடுத்தப்பட்டால் மருத்துவமனைகளில் தனிமை வார்டுகளில் மருத்துவ பணியாளர்கள் நுழைய வேண்டிய அவசியம் குறையும். 2 ரோபோக்களும் இன்னும் 2 வாரத்தில் தயாராகி விடும். அதன்பிறகு, ஐ.ஐ.டி. மருத்துவமனையிலும், நானோ தொழில்நுட்ப மையத்திலும் சோதனை ஓட்டம் நடைபெறும்.

இந்த பணிக்கு பிறகு, ரோபோக்களை கொண்டு நோய் பரிசோதனை நடத்தும் திட்டமும் செயல்படுத்தப்படும். தற்போது, கவுகாத்தியில், கொரோனா நோய்க்கான அதிநவீன ஆராய்ச்சி மையம் மற்றும் பரிசோதனை கூடம் நிறுவும் பணிகள் நடக்கிறது. இது, ஒட்டுமொத்த வடகிழக்கு மாநிலங்களுக்கும் பரிசோதனை கூடமாக செயல்படும். மேலும், எதிர்காலத்தில் கொரோனா மட்டுமின்றி, எல்லாவகையான தொற்றுகளையும் ஆரம்ப நிலையிலேயே கண்டறிந்து தடுக்கவல்ல மனிதசக்தியை உருவாக்க இந்த மையம் பயன்படும்.

கவுகாத்தி மருத்துவ கல்லூரி மருத்துவமனைக்கு சமீபத்தில் 2 அதிநவீன எந்திரங்களை வழங்கியுள்ளோம். அவற்றை 12 மணி நேரம் தொடர்ந்து இயக்கினால், ஆயிரம் ரத்த மாதிரிகளை பரிசோதனை செய்ய முடியும். 24 மணி நேரம் தொடர்ந்து இயங்கினால், 2 ஆயிரம் மாதிரிகளை பரிசோதிக்க முடியும் என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %