#IndiaFightsCorona “அற்புதமானது” பிரதமர் மோடியின் வீடியோவுக்கு இவான்கா டிரம்ப் பாராட்டு!

Read Time:3 Minute, 30 Second
Page Visited: 66
#IndiaFightsCorona “அற்புதமானது” பிரதமர் மோடியின் வீடியோவுக்கு இவான்கா டிரம்ப் பாராட்டு!

இந்தியாவில் கொரோனா வைரசை கட்டுப்படுத்தும் வகையில் ஊரடங்கு உத்தரவு அமல் படுத்தப்பட்டுள்ளது.

பிரதமர் மோடி நாட்டு மக்களிடம் கடந்த ஞாயிற்றுக்கிழமையன்று மன்கிபாத் நிகழ்ச்சியில் அகில இந்திய வானொலி மூலம் பேசினார். அப்போது அவரிடம், இந்த 21 நாள் ஊரடங்கு காலத்திலும் எப்படி உடலை நல்ல தகுதியுடன் வைத்திருக்கிறீர்கள்? என கேள்வி எழுப்பப்பட்டது.

அவர் பதில் அளிக்கையில், நினைவில் கொள்ளுங்கள். நான் உடற்பயிற்சி வல்லுனர் கிடையாது. நான் யோகா ஆசிரியரும் கிடையாது. வெறுமனே யோகா பயிற்சி செய்து கொண்டு வருபவன். சில யோகாசனங்கள் எனக்கு பெரிதும் பலன் அளித்து இருக்கிறது. இந்த ஊரடங்கு காலத்தில் சில குறிப்புகள் உங்களுக்கும் பலன் தரக்கூடும்” என்றார். இது தொடர்பான வீடியோ பகிரப்படும் எனவும் தெரிவித்தார்.

சொன்னபடியே பிரதமர் மோடி நேற்றுமுன்தினம் டுவிட்டரில் ஒரு வீடியோவை பகிர்ந்து கொண்டார்.

அதில், எனக்கு நேரம் கிடைக்கிற போதெல்லாம் வாரத்துக்கு ஒன்று அல்லது இரண்டு முறை யோகா நித்ரா பயிற்சி செய்கிறேன். இது ஒட்டுமொத்த ஆரோக்கியத்தை மேம்படுத்துகிறது. மன அழுத்தத்தையும், பதற்றத்தையும் இது குறைக்கிறது. இணையதளத்தில் நிறைய யோகா நித்ரா பயிற்சி வீடியோக்களை நீங்கள் பார்க்க முடியும். நான் ஆங்கிலத்திலும், இந்தியிலும் ஒரு வீடியோவை பகிர்கிறேன் என தெரிவித்து இருந்தார். இதனை பலரும் பராட்டி, பகிர்ந்தனர்.

அமெரிக்க அதிபர் டிரம்பின் மூத்த ஆலோசகரும், அவரது மகளுமான இவான்கா டிரம்ப் பார்த்து உள்ளார். பிரதமர் மோடியின் டுவிட்டை ரீடுவிட் செய்த இவான்கா டிரம்ப், பிரதமர் மோடியின் வீடியோவுக்கு பாராட்டு தெரிவித்து கருத்தும் வெளியிட்டு உள்ளார். அதில் “இது அற்புதமானது. நரேந்திரமோடி அவர்களே நன்றி. பிரிவிலும் இணைந்திருப்போம்” என குறிப்பிட்டுள்ளார்.

அமெரிக்காவுக்கான இந்திய தூதர் தரண்ஜித்சிங் சந்துவும் பாராட்டு தெரிவித்து உள்ளார். அவர் வெளியிட்டுள்ள டுவிட் செய்தியில், உடலையும், உள்ளத்தையும் ஒத்திசைவாக வைத்திருக்க யோகா உதவுகிறது. நமது பிரிவில் கூட, பிரதமர் நரேந்திர மோடி, நாம் ஒன்றாக இருக்கவும், யோகா மூலம் விழிப்புணர்வுடன் இருக்கவும் வழி நடத்துகிறார் என தெரிவித்து உள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %