#IndiaFightsCorona ஊரடங்கை மீறுபவர்கள் மீது வழக்கு பதிவு செய்ய வேண்டும்..! மாநிலங்களுக்கு மத்திய அரசு உத்தரவு!

Read Time:2 Minute, 36 Second
Page Visited: 44
#IndiaFightsCorona ஊரடங்கை மீறுபவர்கள் மீது வழக்கு பதிவு செய்ய வேண்டும்..! மாநிலங்களுக்கு மத்திய அரசு உத்தரவு!

இந்தியாவில் கொரோனா வைரஸ் பரவாமல் இருக்க ஊரடங்கு உத்தரவு அமல்படுத்தப்பட்டுள்ளது.

இருப்பினும் ஊரடங்கு உத்தரவை மீறி பொதுமக்கள் வெளியே கூட்டம் கூட்டமாக செல்லும் சம்பவங்களும் நடக்கிறது. இந்நிலையில் ஊரடங்கு உத்தரவு விதிமுறைகளை மீறுபவர்கள் மீது வழக்கு பதிவு செய்து நடவடிக்கை எடுக்குமாறு மாநிலங்களுக்கு மத்திய அரசு உத்தரவிட்டு உள்ளது.

இதுபற்றி மத்திய உள்துறை செயலாளர் அஜய் பல்லா அனைத்து மாநில மற்றும் யூனியன் பிரதேசங்களின் தலைமை செயலாளர்களுக்கு எழுதியுள்ள கடிதத்தில், கொரோனா வைரஸ் பரவுவதை கட்டுப்படுத்தும் வகையில் நாடு முழுவதும் ஊரடங்கு அமல்படுத்தப்பட்டு உள்ளது.

அதுபற்றிய அறிவிப்பை மத்திய அரசு வெளியிட்ட போதே, ஊரடங்கு உத்தரவை மீறுபவர்கள் பேரழிவு மேலாண்மை சட்டத்தின் 51 மற்றும் 60-வது பிரிவுகளின் கீழும், இந்திய தண்டனை சட்டம் 188-வது பிரிவின் படியும் நடவடிக்கை எடுக்கப்படும் என தெரிவிக்கப்பட்டது. எனவே, ஊரடங்கு நடவடிக்கைக்கு பாதிப்பை ஏற்படுத்தும் வகையில் மேற்கண்ட சட்ட பிரிவுகளை மீறுபவர்கள் மீது சட்டத்தை அமல்படுத்தும் அதிகாரிகள், அந்த பிரிவுகளின் கீழ் வழக்கு பதிவு செய்து நடவடிக்கை எடுக்க வேண்டும். இதுபற்றி மக்களுக்கும் தெரியப்படுத்த வேண்டும்.

இச்சட்ட பிரிவுகளை மீறும் வகையில் செயல்படுவோருக்கு அதிகபட்சமாக 2 ஆண்டுகள் வரை சிறை தண்டனை விதிக்க முடியும். தவறான தகவல்களை பரப்புவோருக்கு 2 ஆண்டுகள் சிறை தண்டனையும், அபராதமும் விதிக்க முடியும். அத்துடன் பேரழிவு போன்ற இத்தகைய சூழ்நிலையை தங்களுக்கு சாதகமாக பயன்படுத்தி பணம் மற்றும் பொருட்களை கையாடல் செய்வோருக்கும் 2 ஆண்டுகள் சிறை தண்டனையும், அபராதமும் விதிக்க முடியும் என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %