#IndiaFIghtsCorona டெல்லி இஸ்லாமிய மாநாட்டில் கலந்துகொண்டவர்கள் செவிலியர்கள் முன்னதாக ஆபாசமாக நின்ற கொடூரம்… ‘விடமாட்டேன் நடவடிக்கை எடுக்கப்படும் ’ யோகி ஆதித்யநாத்!

Read Time:5 Minute, 12 Second

இந்தியா முழுவதும் கொரோனா வைரஸ் பரவாமல் இருக்க மத்திய, மாநில அரசுக்கள் நடவடிக்கைகளை மேற்கொண்டுள்ளன. இந்நிலையில் இந்தியாவில் கொரோனா வைரஸ் பரவல் அதிகரிக்க டெல்லி நிஜாமுதீன் பகுதியில் கடந்த மாதம் நடைபெற்ற தப்லிக் ஜமாத் மாநாடு காரணமாகியுள்ளது.

இம்மாநாட்டில் கலந்துக்கொண்ட பலருக்கு கொரோனா வைரஸ் பாதிப்பு உறுதி செய்யப்பட்டுள்ளது. இதனையடுத்து இந்தியா முழுவதும் இம்மாநாட்டில் கலந்துக்கொண்டவர்கள் மருத்துவமனையில் தனிமைப்படுத்தப்பட்டுள்ளனர்.

உலகம் முழுவதும் கொரோனா நோயாளிகளை மருத்துவர்களும், செவிலியர்களும் உயிரை பணயம் வைத்து காப்பாற்றி வருகிறார்கள். உலகம் முழுவதும் மருத்துவ ஊழியர்கள் இந்த நெருக்கடியான காலக்கட்டத்தில் தெய்வமாக பார்க்கப்படுகிறார்கள். இந்நிலையில் உத்தரபிரதேசம் மாநிலத்தில் ஒரு அவலமான சம்பவம் அரங்கேறியுள்ளது.

உத்தபிரதேச மாநிலம் காசியாபாத்தில் உள்ள அரசு மருத்துவமனையில் டெல்லி தப்லிக் மாநாட்டில் கலந்துக்கொண்டவர்கள் தனிமைப்படுத்தப்பட்டுள்ளனர். ஆனால், அவர்கள் மருத்துவ பணியாளர்களுக்கு ஒத்துழைப்பு வழங்கவில்லை என்பது தொடர்பாக செய்திகள் வெளியாகியுள்ளது. மருத்துவமனையில் ஒன்றாக இணைந்து தொழுகை செய்வதும், சிகரெட்கள் வேண்டும் என்று அடம் பிடிப்பதும், மருத்துவ பணியாளர்களை நோக்கி ஆபாச சைகைகளை செய்வதுமாக இருந்துள்ளனர். இதுதொடர்பாக மாவட்ட சி.எம்.ஓ. உள்ளூர் போலீசாருக்கு கடிதம் எழுதியுள்ளார்.

மருத்துவமனையில் நடந்த சம்பவங்களை செவிலியர்கள் புகாராக கொடுத்ததை அவர் அதில் தெரிவித்துள்ளார். மருத்துவமனையில் ஆடைகளை அவிழ்த்துவிட்டு நிர்வாணமாக அவர்கள் சுற்றுவதாக தெரிவித்துள்ளனர். இச்சம்பவம் பெரும் அதிர்ச்சியை ஏற்படுத்தியுள்ளது. இதனையடுத்து மருத்துவமனைக்கு காவல்துறை சென்றுள்ளது. மருத்துவ ஊழியர்களிடம் தவறாக நடந்துக்கொண்டவர்கள் மீது கடுமையான நடவடிக்கையை மேற்கொள்ள வேண்டும் என வலியுறுத்தப்பட்டது. மருத்துவமனையில் அவர்கள் மிகவும் ஆபாசமாக பேசுவதாகவும் தெரிவிக்கப்பட்டுள்ளது. டெல்லி இஸ்லாமிய மாநாட்டில் கலந்துக்கொண்ட 136 பேர் காசியாபாத்தில் அடையாளம் காணப்பட்டுள்ளனர்.

மருத்துவமனையின் தலைமை மருத்துவ அதிகாரி ரவிந்திரா சிங் என்.டி.டி.வி.க்கு அளித்துள்ள பேட்டியில், “இந்த நோயாளிகள் ஆபாசமான நடத்தை குறித்து எங்கள் செவிலியர்கள் மற்றும் துணை மருத்துவ ஊழியர்கள் புகார் அளித்துள்ளனர். எனது ஊழியர்கள் பல முறை இதுபோன்ற புகாரை தெரிவித்தனர். நான் நோயாளிகளிடம் பேசினேன், ஆனால் அவர்கள் என்னுடைய பேச்சை கேட்க மறுத்துவிட்டார்கள். இறுதியாக எங்கள் ஊழியர்கள் இதுபோன்ற சூழ்நிலைகளில் வேலை செய்ய முடியாது என்று கூறிவிட்டனர். இதனையடுத்து நாங்கள் காவல்துறைக்கு எழுத்துப்பூர்வ புகாரை அனுப்ப நிர்பந்திக்கப்பட்டோம்,” என்று கூறியுள்ளார். இவ்விவகாரத்தை மிகவும் முக்கியமான பிரச்சினையாக உத்தபிரதேச மாநில யோகி ஆதித்யநாத் அரசு எடுத்துள்ளது.

தப்லீக் உறுப்பினர்கள் பெண்கள் மீது தாக்குதல், ஆபாசமான செயல்கள் மற்றும் “தொற்றுநோயை பரப்பக்கூடிய தீங்கு விளைவிக்கும் செயல்களில் ஈடுபடுதல் போன்ற குற்றச்சாட்டுகளில் போலீசார் வழக்குப்பதிவு செய்துள்ளனர்.

இதுதொடர்பாக யோகி ஆதித்யநாத் பேசுகையில், அவர்கள் சட்டத்தை பின்பற்ற மாட்டார்கள், ஒழுங்கை ஏற்றுக்கொள்ள மாட்டார்கள். அவர்கள் மனிதகுலத்தின் எதிரிகள், பெண் மருத்துவ ஊழியர்களிடம் அவர்கள் செய்திருப்பது ஒரு கொடூரமான குற்ற செயலாகும். நாங்கள் அவர்களுக்கு எதிராக தேசிய பாதுகாப்பு சட்டத்தை செயல்படுத்துகிறோம், நாங்கள் அவர்களை விடமாட்டோம். இந்தூரில் மருத்துவர் தாக்கப்பட்டது போன்ற சம்பவத்தை மாநிலத்தில் எங்கும் காணக்கூடாது. இதற்காக, சட்டப்படி என்ன நடவடிக்கை எடுக்கவேண்டுமோ அதனை எடுப்போம் எனக் கூறியுள்ளார்.