#IndiaFightsCorona ‘அகல் ஏற்றி கொரோனாவின் இருளை அகற்றுவோம்…’ பிரதமர் மோடி பேச்சு விபரம்:-

Read Time:4 Minute, 28 Second
Page Visited: 71
#IndiaFightsCorona ‘அகல் ஏற்றி கொரோனாவின் இருளை அகற்றுவோம்…’ பிரதமர் மோடி பேச்சு விபரம்:-

இந்தியாவில் கொரோனா வைரஸ் பரவலை தடுக்கும் விதமாக 21 நாள் ஊரடங்கு உத்தரவு அமல்படுத்தப்பட்டு உள்ளது. வைரஸ் பரவலை தடுக்க மத்திய, மாநில அரசுக்கள் போர்க்கால அடிப்படையில் நடவடிக்கைகளை மேற்கொண்டு வருகின்றன. மக்கள் சுய சமூக விலகலை கடைப்பிடிக்க பிரதமர் மோடி தொடர்ந்து கேட்டுக்கொண்டுவருகிறார். இந்தியாவில் கொரோனாவினால் பாதிக்கப்பட்டவர்களின் எண்ணிக்கை 2000-த்தை தாண்டிவிட்டது.

இந்நிலையில் பிரதமர் மோடி நாட்டு மக்களுக்கு வீடியோ பதிவு மூலம் உரையாற்றினார். பிரதமர் மோடி பேசுகையில், ஞாயிறு இரவு 9 மணியளவில் 9 நிமிடங்கள் அகல் ஏற்றி கொரோனாவின் இருளை அகற்றுவோம் என்றார். பிரதமர் மோடி மக்களுக்கு உரையாற்றுகையில், கொரோனா தடுப்பு நடவடிக்கையில் ஊரடங்கு பிறப்பிக்கப்பட்டு நாம் 9-வது நாளை எட்டியுள்ளோம்.

இந்த ஊரடங்கு உத்தரவு காலத்தில் மக்கள் அனைவரும் எப்போதும் பார்த்திராத அளவுக்கு ஒழுக்கத்தையும், சேவையையும் வெளிப்படுத்தி வருகிறீர்கள். மத்திய அரசு நிர்வாம், மாநில நிர்வாகங்கள், அனைவரும் சேர்ந்து கொரோனா வைரசுக்கு எதிரான போரில் சிறப்பாக பங்காற்றி வருகின்றன. கடந்த மாதம் 22-ம் தேதியிலிருந்து கொரோனா வைரசுக்கு எதிரான போரில் இந்திய மக்கள் செயல்பட்டு வரும் விதம் அனைத்து நாடுகளுக்கும் உதாரணமாக இருந்து வருகிறது. பல நாடுகள் இந்நடவடிக்கையை பின்பற்றி வருகிறார்கள்.

மக்கள் ஊரடங்கு, மணி அடித்தல், கை தட்டுதல் என அனைத்திலும் தேசத்தில் உள்ள மக்கள் சோதனையான நேரத்தில் ஒற்றுமையை வெளிப்படுத்துகிறீர்கள். கொரோனாவுக்கு எதிரான போரில் இந்த தேசம் ஆழ்ந்த ஒற்றுமையுடன் இருப்பதை நம்பமுடிகிறது. கோடிக்கணக்கான மக்கள் ஊரடங்கை மதித்து வீ்ட்டுக்குள் இருக்கிறார்கள். இந்த நாளில் கொரோனா வைரசுக்கு எதிராக எவ்வாறு போரிடப் போகிறோம், வீட்டுக்குள் இருப்பதால் என்ன செய்ய முடியும் என்பது இயல்பாக வரும் கேள்வியாகும்.

இன்னும் எத்தனை நாட்கள் இப்படியே செலவழி்ப்பது என கவலைப்படுவார்கள். நாம் யாரும் தனியாக நாம் சொந்த வீட்டுக்குள் இல்லை. 130 கோடி இந்தியர்கள் ஒவ்வொருவரும் வீ்ட்டுக்குள் இருந்து நமது வலிமையை காட்டுகிறோம். கொரோனாவினால் உருவான இருளை நாம் நம்பிக்கை எனும் ஒளி மூலம் அகற்ற வேண்டும். 5-ம் தேதி வரும் ஞாயிற்றுக்கிழமை இரவு 9 மணிக்கு அனைத்து மக்களும் தங்கள் வீடுகளில் விளக்குகள் அனைத்தையும் 9 நிமிடங்கள் அணைத்து இந்தியர்களின் வலிமையை வெளிப்படுத்த வேண்டும்.

அப்போது வீட்டில் வாசலில் அல்லது பால்கணி பகுதியில் அகல் விளக்கு ஏற்றியோ, மெழுகு வர்த்தி ஏற்றியோ, டார்ச்லைட், செல்போன் லைட்டை ஒளிவர விட்டு, சக மக்கள் குறித்து சிந்திக்க வேண்டும். விளக்கு ஏற்றும் போது மக்கள் அனைவரும் சமூக விலக்கலை கடைபிடிக்க வேண்டும். இதுநாள் வரை சமூக விலக்கலை கடைபிடித்து, ஊரடங்கை மதித்து வீட்டுக்குள் இருந்ததற்கு நன்றி தெரிவிக்கிறேன் என்று கூறினார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %