#Coronavirus அமெரிக்காவில் ஒரே நாளில் 1500 பேர் சாவு… பலி எண்ணிக்கை 7,402 ஆக உயர்வு

Read Time:2 Minute, 53 Second
Page Visited: 99
#Coronavirus அமெரிக்காவில் ஒரே நாளில் 1500 பேர் சாவு… பலி எண்ணிக்கை 7,402 ஆக உயர்வு

அமெரிக்காவில் நேற்று கொரோனாவால் பாதிக்கப்பட்டவர்களின் எண்ணிக்கை 277,475 ஆகவும், உயிர் இழந்தவர்களின் எண்ணிக்கை 7,402 ஆகவும் உயர்ந்துள்ளது.

கடந்த 24 மணி நேரங்களில் மட்டும் 1,500 பேர் வரையில் அங்கு கொரோனா வைரசுக்கு உயிரிழந்து உள்ளனர்.

கொரோனாவை வைரசை கட்டுக்குள் கொண்டு வருவதற்குள் அமெரிக்காவில் 1 லட்சம் முதல் 2 லட்சத்து 40 ஆயிரம் பேர் வரை பலியாக வாய்ப்பு இருப்பதாக வெள்ளை மாளிகை நிபுணர்கள் அச்சம் தெரிவித்து உள்ளனர்.

இதனால் பேரழிவு மேலாண்மை அமைப்பு, உடல்களை கொண்டு செல்ல உதவும் 1 லட்சம் பைகளை தயாராக வைத்திருக்குமாறு அமெரிக்க ராணுவத்தை கேட்டுக்கொண்டு உள்ளது.

அமெரிக்காவில் மக்கள் தொகை மிகுந்த நியூயார்க் நகரில் கொரோனாவின் பாதிப்பு அதிகமாக காணப்படுகிறது. அங்குதான் மக்கள் அதிகமாக உயிரிழந்து வருகிறார்கள். இதனால் மக்கள் யாரும் முக கவசம் அணியாமல் வெளியே வரவேண்டாம் என்று நகர மேயர் பில் டி பிளாசியோ கேட்டுக் கொண்டு உள்ளார். அமெரிக்காவில் மார்ச் மாதத்தின் கடைசி இரு வாரங்களில் மட்டும் 1 கோடி பேர் வேலை இழந்து இருக்கிறார்கள் என தெரியவந்துள்ளது.

வேலையில்லாதவர்களுக்கான உதவித்தொகை பெறுவதற்கான ஆவணங்களில் கடந்த வாரத்தில் மட்டும் 66 லட்சத்து 50 ஆயிரம் பேர் கையெழுத்திட்டு இருப்பதாக தகவல்கள் வெளியாகியுள்ளது.

இது அமெரிக்க பொருளாதாரத்தில் பெரும் பாதிப்பை ஏற்படுத்தும் என்று பொருளாதார நிபுணர்கள் கூறுகிறார்கள். அமெரிக்காவிலும் ஐரோப்பிய நாடுகளிலும் வேலைவாய்ப்பு, முதலீடு, பணப்புழக்கம் குறைந்து பொருளாதாரம் 30 சதவீதம் அளவுக்கு வீழ்ச்சி அடையும் என்பது அவர்களுடைய பார்வையாக உ ள்ளது. கொரோனா வைரஸ் பாதிப்பு காரணமாக உலக பொருளாதாரத்தில் 308 லட்சம் கோடி இழப்பு ஏற்படும் என்றும், இது உலக அளவிலான உற்பத்தி மதிப்பில் 4 சதவீதம் என்றும் ஆசிய வளர்ச்சி வங்கி கூறியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %