சீனாவிடம் வாங்கிய கொரோனா வைரஸ் தரமற்ற பரிசோதனை கருவிகளை திருப்பி அனுப்பும் நாடுகள்…!

Read Time:5 Minute, 4 Second
Page Visited: 40
சீனாவிடம் வாங்கிய கொரோனா வைரஸ் தரமற்ற பரிசோதனை கருவிகளை திருப்பி அனுப்பும் நாடுகள்…!

தங்கள் நாட்டில் கொரோனா வைரஸ் வெற்றிகரமாக கட்டுப்படுத்தப்பட்டு விட்டதாக சீனா தெரிவித்து வருகிறது.

சீன அரசும், அந்நாட்டு நிறுவனங்களும் மேற்கத்திய நாடுகளில் கொரோனாவை வீழ்த்திவிட்டோம் என தீவிர பிரசாரம் மேற்கொண்டு வருகின்றன. கொரோனா வைரசை விரைவாக கண்டறியும் கருவிகள் மற்றும் தரமான முகக்கவசங்கள் தங்களிடம் விற்பனைக்கு உள்ளதாகவும் அறிவிப்பு வெளியிட்டு வருகின்றன. கொரோனாவினால் பெரும் நெருக்கடியை சந்திக்கும் நாடுகள் சீனாவிடம் இருந்து இப்பொருட்களை வாங்கும் நிலைக்கு தள்ளப்பட்டுள்ளன.

இந்த சூழ்நிலையை தங்களுக்கு சாதகமாக பயன்படுத்திக்கொள்ள முயற்சி செய்யும் சீனா, மருத்துவ பொருட்களை வேகமாக தயாரிக்கிறது. ஜவுளித்துறை நிறுவனங்கள் கூட முகக்கவச தொழிலில் இறங்கிவிட்டன. கொரோனா வேகம் எடுக்கவும் வைரசை கண்டறியும் பரிசோதனை கருவிகளையும், முகக்கவசங்களையும் பல லட்சக்கணக்கில் இங்கிலாந்து, ஸ்பெயின், செக். குடியரசு, சுலோவாக்கியா உள்ளிட்ட பல்வேறு ஐரோப்பிய நாடுகள் சீனாவிடம் இருந்து வாங்கி குவித்தன.

கொரோனாவினால் அதிகம் பாதிக்கப்ப்பட ஸ்பெயின் அவசர தேவையாக 6.40 லட்சம் கருவிகளை வாங்க ஆர்டர் செய்தது. தற்போது சீனாவிடம் இருந்துவந்த கருவிகள் அனைத்துமே தரமற்றவை என இறக்குமதி செய்த நாடுகள் குற்றச்சாட்டை முன்வைத்துள்ளன. சீனாவின் பிரபல பயோடெக்னாலஜி நிறுவனம் ஒன்றிடம் இருந்து முதல்கட்டமாக பெறப்பட்டுள்ள கொரோனா வைரஸ் பரிசோதனை கருவிகள் 30 சதவீத ஆளவிற்கே முடிவை காட்டியது. ஆனால் 80 சதவீதம் வரை துல்லிய முடிவுகள் கிடைத்தால் மட்டுமே கொரோனா வைரஸ் தொற்று உள்ளதா? என்பதை உறுதிப்படுத்த இயலும் நிலை உல்ளது என ஸ்பெயின் சுகாதாரத்துறை தெரிவித்தது.

ஆனால், ஸ்பெயினில் இருக்கும் சீன தூதரகம், ஸ்பெயின் அங்கீகாரம் வழங்கப்படாத நிறுவனத்திடம் வாங்கியுள்ளது என சம்மாளித்தது. செக்.குடியரசு மருத்துவ அதிகாரிகாளும், தினமும் 10 ஆயிரம் பேருக்கு பரிசோதனை செய்கிறோம். என்றாலும் கொரோனாவால் பாதிக்கப்பட்டு 5 நாட்கள் ஆனவர்களையே இதில் கண்டறிய முடிகிறது என சீன கருவிகளை குற்றம் சாட்டின. நெதர்லாந்து நாடு சீனாவிலிருந்து 12 லட்சம் முகக்கவசங்களை வாங்கியது. ஆனால், அவை தரமற்றவை என்பது தெரியவந்தது. இதனையடுத்து தரமற்ற பொருட்களை சீனாவிற்கு திருப்பி அனுப்ப அந்நாட்டு அதிகாரிகள் முடிவு செய்துள்ளன.

உள்ளூர் இடைத்தரகர் ஒருவர் மூலம் சீனாவில் இருந்து 12 லட்சம் பரிசோதனை கருவிகளை வாங்கினோம். ஒன்றிலுமே உருப்படியான முடிவு கிடைக்கவில்லை. இவற்றையெல்லாம் கொண்டுபோய் தனுபே ஆற்றில்தான் வீச வேண்டும் என சுலோவாக்கியா பிரதமர் ஆவேசமாக கூறியுள்ளார். இங்கிலாந்து பொது சுகாதாரத்துறை உயர் அதிகாரி ராபர்ட் பெஸ்டோன், ‘சீன மருத்துவ கொரோனா வைரஸ் பரிசோதனை கருவிகளின் முடிவுகள் முற்றிலும் தெளிவற்று காணப்படுவதாக’ குறிப்பிட்டுள்ளார்.

ஐரோப்பிய ஒன்றிய நாடுகளின் எளிய இறக்குமதி கொள்கைகளை பயன்படுத்தி, கிடைத்த சந்தர்ப்பத்தை வைத்து மருத்துவ கருவிகள் தயாரிக்கும் சீன நிறுவனங்கள் பெருமளவில் விளையாடி விட்டன என்ற குற்றச்சாட்டும் எழுந்துள்ளது. ஆனால் தங்கள் நாட்டு மருத்துவ கருவிகள் பற்றி ஐரோப்பிய ஒன்றிய நாடுகள் குற்றம்சாட்டுவதை சீனா மறுத்துள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %