TMP Explained: #IndiaFightsCorona கொரோனா வைரஸ் தொற்றின் 4 நிலைகள் என்ன?

Read Time:7 Minute, 16 Second
Page Visited: 47
TMP Explained: #IndiaFightsCorona கொரோனா வைரஸ் தொற்றின் 4 நிலைகள் என்ன?

சீனாவில் காணப்பட்ட கொரோனா வைரஸ் உலகமெங்கும் அதிவேகமாக பரவிக்கொண்டிருக்கிறது. இந்தியாவும் இதில் தப்பவில்லை. பிரான்ஸ், அமெரிக்கா, இங்கிலாந்து, ஜெர்மனி போன்ற வளர்ந்த நாடுகள் கூட கொரோனா வைரசை கட்டுப்படுத்த ஒரு வழியின்றி இன்னும் திணறிக்கொண்டுதான் இருக்கின்றன. அங்கு லட்சக்கணக்கான மக்கள் பாதிக்கப்பட்டு உயிரிழப்பை எதிர்க்கொண்டு வருகின்றனர்.

கட்டுக்குள் இந்தியா

ஆனால் இந்தியாவில் மத்திய அரசு 21 நாள் ஊரடங்கை பிறப்பித்தது தொடங்கி பல்வேறு நடவடிக்கைகளை முடுக்கிவிட்டு இந்த வைரஸ் பரவுவதை சற்றே கட்டுக்குள் வைத்து இருக்கிறது.

நமது நாட்டைப் பொறுத்தமட்டில் இந்த வைரஸ் தாக்குதலுக்கு ஆளானோரின் எண்ணிக்கை மெல்ல மெல்ல உயர்ந்து செல்கிறது. பலி எண்ணிக்கையும் 100 நோக்கி செல்கிறது. 130 கோடிக்கு மேலாக மக்கள் தொகையை கொண்டுள்ள ஒரு நாட்டில் கொரோனா வைரசின் தாக்கம் குறைக்கப்பட்டுள்ளது என்றால் அது அபூர்வம்தானே?. ஆனால், டெல்லி இஸ்லாமிய மாநாட்டில் கலந்துக்கொண்டவர்கள் மூலமாக வைரஸ் பாதிப்பு எண்ணிக்கை கவலையை அதிகரித்து உள்ளது.

கொரோனா பாதிப்பில் எந்த நாடுகள் எல்லாம் மூன்றாம் நிலையை அடைந்திருக்கின்றன என்றால், சீனா, இத்தாலி, பிரான்ஸ், ஸ்பெயின், ஜெர்மனி, இங்கிலாந்து ஆகிய 3 நாடுகள் மூன்றாம் நிலையை அடைந்திருக்கின்றன. இங்குதான் ஆயிரக்கணக்கானோர் இறந்திருக்கிறார்கள். லட்சக்கணக்கானோர் பாதிப்புக்கு ஆளாகி இருக்கிறார்கள். கொரோனா வைரஸ் எத்தனை நிலை, அவற்றின் தன்மை என்ன என்பதை அறிந்து கொள்ளலாம்.

முதல் நிலை

கொரோனா வைரஸ் பாதிக்கப்பட்டுள்ள நாடுகளில் இருந்து பாதிப்பு இல்லாத நாட்டுக்குள் வைரஸ் பாதிப்பு நுழைவது. அதாவது, கொரோனா வைரஸ் பாதித்த நாட்டுக்கு சென்று வந்த ஒருவருக்கு கொரோனா வைரஸ் தொற்று உறுதி செய்யப்படுகிறது. இந்த நிலையில், உள்நாட்டில் கொரோனா வைரஸ் பரவுவது கிடையாது.

இரண்டாம் நிலை

இது உள்நாட்டில் கொரோனா வைரஸ் பரவுகிற நிலையாகும். இதில் எங்கிருந்து, யாரிடமிருந்து பரவியது என்பதை கண்டுபிடித்து விட முடியும். குறிப்பாக இந்த நிலையில் கொரோனா வைரஸ் தொற்று உறுதி செய்யப்பட்ட நபர்கள், ஏற்கனவே வெளிநாடு சென்று திரும்பி வந்து கொரோனா வைரஸ் தொற்றிய நபரிடம் நெருங்கிய தொடர்பில் இருந்தவர்கள். குறிப்பாக குடும்ப உறுப்பினர்கள் அல்லது நெருங்கிய நட்பு வட்டரத்தில் உள்ளவர்கள்.

இன்னும், சொல்லப்போனால் பாதிப்புக்குள்ளான நபரிடம் தொட்டுப்பேசுகிற நெருக்கம் உடையவர்கள். குறைந்த எண்ணிக்கையிலானவர்கள்தான் இந்த நிலையில் பாதிப்புக்கு உள்ளாகுகிறார்கள். அவர்களுக்கு யார் மூலம் கொரோனா வைரஸ் பரவியது என்பதை கண்டுபிடித்துவிட முடியும். அவர்களை சுய தனிமைப்படுத்தலுக்கு உட்படுத்துகிறபோது இந்த வைரஸ் மற்றவர்களுக்கு பரவுவதை தடுக்க முடிகிறது. இந்தியா தற்போது இந்த இரண்டாம் நிலையில்தான் இருக்கிறது.

தமிழக சுகாதாரத்துறை செயலாளர் பீலா ராஜேஷ் இன்று (ஏப்ரல் – 5) செய்தியாளர்களிடம் பேசுகையில், நாம இப்ப இரண்டாவது கட்டத்தில் வந்துள்ளோம். இப்போது கிடைத்துள்ள தரவுகள் அடிப்படையில் தான் சொல்ல முடியும். ஆய்வு சோதனைகள் மற்றும் கட்டுப்பாட்டு நடவடிக்கைகளை கள ஆய்வு செய்து அதன் முடிவு வெளியே வரும்போது தான் எந்த நிலை என்று சொல்ல முடியும். நிலை 2-ல் இருந்து 3-க்கு போகாமல் இருப்பதை தடுக்க வேண்டும் என்று ஒவ்வொரு தமிழனும் நினைத்து செயல்பட வேண்டும். அதற்காகத்தான் ஒவ்வொரு துறையும் ஒவ்வொரு அலுவலர்களும் இரவு பகல் பாராமல் உழைத்து வருகிறார்கள் என்றார். அரசின் நடவடிக்கைக்கு மக்கள் முழு ஒத்துழைப்பை வழங்க வேண்டும் என மத்திய, மாநில அரசுக்கள் கேட்டுகொண்டுள்ளன.

மூன்றாம் நிலை

இந்த மூன்றாம் நிலைதான் சமூக பரவல் விஸ்தரிக்கும் நிலையாகும். அதாவது கொரோனா வைரஸ் பாதிப்புக்கு ஆளானோருடன் தொடர்பில் இல்லாத போதும், பாதிக்கப்பட்ட வெளிநாட்டுக்கு சென்றிராத போதும், அவர்களுக்கும் கொரோனா வைரஸ் பாதிப்பு நேரிடுவது. இந்த மூன்றாம் நிலை தொடங்கி விட்டால் கொத்து, கொத்தாக மனிதர்களுக்கு கொரோனா வைரஸ் தொற்று ஏற்படும். சிங்கப்பூர் உள்ளிட்ட நாடுகளில் இந்த மூன்றாம் நிலை காணப்படுகிறது.

நான்காம் நிலை

கொரோனா வைரஸ் தொற்றின் நான்காம் நிலைதான் மிகவும் உச்ச கட்டம் ஆகும். இதுதான் தொற்றுநோயாக மிகவும் கொடூரமாக கொள்ளை நோயாக மாறுகிற நிலையாகும். மொத்த மொத்தமாக வைரஸ் மக்களை தாக்கும். கட்டுப்படுத்த முடியாத சூழ்நிலை ஏற்படும். இந்த வைரஸ் பரவுவதை கட்டுக்குள் வைப்பது மிகவும் கடினமாகும். சீனா, இத்தாலி, பிரான்ஸ், ஸ்பெயின், அமெரிக்கா உள்ளிட்ட நாடுகள் இந்த நான்காம் நிலையில் சிக்கி தவிக்கிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %