#IndiaFightsCorona கொரோனாவுக்கு தமிழகத்தில் உயிரிழப்பு எண்ணிக்கை 5 ஆக உயர்வு!

Read Time:6 Minute, 0 Second
Page Visited: 51
#IndiaFightsCorona கொரோனாவுக்கு தமிழகத்தில் உயிரிழப்பு எண்ணிக்கை 5 ஆக உயர்வு!

உலகையே அச்சுறுத்தி வரும் கொரோனா வைரசின் தாக்கம் இந்தியாவிலும் நாளுக்கு நாள் அதிகரித்து வருகிறது.

கொரோனா பரவுவதை கட்டுப்படுத்த மத்திய-மாநில அரசுகள் தீவிர நடவடிக்கைகளை எடுத்து வருகின்றன. தமிழகத்தில் கொரோனாவால் 411 பேர் பாதிக்கப்பட்டு இருந்த நிலையில், நேற்று மேலும் 74 பேருக்கு நோய் தொற்று இருப்பது உறுதி செய்யப்பட்டது. இதனால் தமிழகக்தில் கொரோனாவால் பாதிக்கப்பட்டவர்களின் எண்ணிக்கை 485 ஆக உயர்ந்து உயர்ந்தது.

கொரோனா நோய் தொற்றின் காரணமாக மதுரை ராஜாஜி அரசு மருத்துவமனையில் அனுமதிக்கப்பட்டு இருந்த 54 வயது ஆண் ஒருவர் கடந்த மாதம் 26-ம் தேதி சிகிச்சை பலனின்றி மரணம் அடைந்தார். இதுதான் தமிழகத்தில் நிகழ்ந்த முதல் கொரோனா உயிரிழப்பாகும். தமிழகத்தில் இந்த வைரஸ் தொற்றால் பாதிக்கப்பட்டவர்களில் பெரும்பாலானவர்கள் டெல்லி நிஜாமுதீனில் கடந்த மாதம் நடைபெற்ற தப்லிக் ஜமாத் மாநாட்டில் கலந்து கொண்டு திரும்பியவர்கள் என்பது தெரியவந்தது.

இதையடுத்து கொரோனா வைரஸ் தடுப்பு நடவடிக்கையை தமிழக அரசு தீவிரப்படுத்தி உள்ளது. தமிழகத்தில் இருந்து டெல்லி மாநாட்டுக்கு சென்று வந்தவர்கள் பற்றிய விவரங்கள் சேகரிக்கப்பட்டு அவர்களை கண்டறிந்து அரசு மருத்துவமனைகளில் தனி வார்டுகளில் அனுமதித்து தீவிர சிகிச்சை அளிக்கப்பட்டு வருகிறது. டெல்லி இஸ்லாமிய மாநாட்டுக்கு சென்றுவிட்டு திரும்பிய விழுப்புரம் சிங்காரதோப்பு பகுதியைச் சேர்ந்த 51 வயது நபர் உயிரிழந்தார்.

இவர் டெல்லி மாநாட்டில் பங்கேற்று விட்டு கடந்த 24-ம் தேதியன்று விழுப்புரம் வந்துள்ளதுள்ளார். பின்னர் ஒரு வாரத்தில் இவரை கண்டறிந்து முண்டியம்பாக்கம் அரசு மருத்துவ கல்லூரி மருத்துவமனையில் அனுமதித்து பரிசோதனை செய்யப்பட்டதும், கொரோனா தொற்று உறுதி செய்யப்பட்ட நிலையில் அவர் திடீரென இறந்ததும் தெரியவந்து உள்ளது.

இதேபோல் தேனி மாவட்டம் போடியை சேர்ந்த ஒரு பெண்ணும் மரணம் அடைந்து உள்ளார். டெல்லி மாநாட்டில் பங்கேற்று திரும்பிய தேனி மாவட்டத்தைச் சேர்ந்த 21 பேருக்கு கொரோனா அறிகுறி இருப்பது உறுதி செய்யப்பட்டது. அவர்களில் போடியைச் சேர்ந்த 56 வயது நபரும் அடங்குவார். இதையடுத்து 21 பேரும் தேனி அரசு மருத்துவ கல்லூரி மருத்துவமனையில் தனிமைப்படுத்தப்பட்டு சிகிச்சை பெற்று வருகின்றனர்.

இந்தநிலையில் கொரோனா வைரசால் பாதிக்கப்பட்ட போடியை சேர்ந்தவரின் மனைவி (வயது 53) கடந்த சில தினங்களாக தொடர் காய்ச்சல் மற்றும் மூச்சுத்திணறலால் அவதிப்பட்டுள்ளார். இவர் டெல்லியில் நடந்த மாநாட்டில் கலந்து கொள்ளவில்லை என்றபோதிலும் அவரது கணவர், மகன்கள் டெல்லி சென்று திரும்பியதால் இவருக்கும் அந்த பாதிப்பு இருக்குமோ? என்ற சந்தேகம் வலுத்தது. அவருக்கு மருத்துவ பரிசோதனை செய்யப்பட்டது. அப்போது அவருக்கும் கொரோனா பாதிப்பு இருப்பது உறுதி செய்யப்பட்டது. அவருக்கு மருத்துவர்கள் தீவிர சிகிச்சையை வழங்கின. ஆனால் சிகிச்சை பலனின்றி நேற்று அவர் உயிர் இழந்தார்.

இவர்கள் இருவரையும் சேர்த்து தமிழகத்தில் கொரோனாவுக்கு பலியானவர்களின் எண்ணிக்கை 3 ஆக உயர்ந்துது. இந்நிலையில் இன்று தமிழக பொது சுகாதாரத்துறை தரப்பில் வெளியிடப்பட்டுள்ள அறிவிப்பில் ஸ்டான்லி மருத்துவமனையில் கொரோனா தொற்றுடன் அனுமதிக்கப்பட்ட இரண்டு நபர்கள் சிகிச்சை பலனின்றி உயிரிழந்ததாக தெரிவிக்கப்பட்டுள்ளது.

கொரோனா பாதிக்கப்பட்ட சென்னையை சேர்ந்த 60 வயது ஆண் ஏப்ரல் 1-ம் தேதியன்று ஸ்டான்லி மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பலனின்றி இன்று(ஏப்ரல் -5) அதிகாலை 1.45 மணிக்கு உயிரிழந்தார். ராமநாதபுரத்தை சேர்ந்த 71 வயது ஆண் ஏப்ரல் 2 அன்று காலை 9 மணி அளவில் ஸ்டான்லி மருத்துவக் கல்லூரி மருத்துவமனையில் அனுமதிக்கப்பட்டு சிகிச்சை பலனின்றி அன்று காலை 11 மணிக்கு உயிரிழந்தார். அவருடைய மரணத்துக்கு காரணம் வைரஸ் தொற்று என்பது தற்போது உறுதி செய்யப்பட்டுள்ளது என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %