#IndiaFightsCorona பிரச்சினையை கண்டுபிடிப்பது எளிது, ஆனால் தீர்வு…! பிரதமர் மோடியின் அறிவிப்புக்கு வரலட்சுமி ஆதரவு வீடியோ..!

Read Time:4 Minute, 20 Second
Page Visited: 71
#IndiaFightsCorona பிரச்சினையை கண்டுபிடிப்பது  எளிது, ஆனால் தீர்வு…! பிரதமர் மோடியின் அறிவிப்புக்கு வரலட்சுமி ஆதரவு வீடியோ..!

கொரோனா வைரஸ் என்ற கண்ணுக்கு தெரியாத எதிரியை எதிர்த்து போரிட்டு வீழ்த்துவதற்காக நாடு முழுவதும் 21 நாள் ஊரடங்கு உத்தரவை பிரதமர் மோடி அமல்படுத்தினார்.

ஊரடங்கு காரணமாக இந்தியாவில் கொரோனா வைரஸ் பரவல் கட்டுப்படுத்தப்பட்டு உள்ளது.

ஊரடங்கின் 10-வது நாளன்று பிரதமர் மோடி, ஒரு வீடியோ செய்தியை வெளியிட்டார். அப்போது அவர், கொரோனா வைரசுக்கு எதிராக ஒன்றுபட்டு, ஊரடங்கை கடைப்பிடித்து வருகிற நாட்டு மக்களுக்கு நன்றி தெரிவித்தார். அத்துடன், கொரோனா வைரசுக்கு எதிராக நாம் யாரும் தனியாக இல்லை என்பதை காட்டும் வகையிலும், நாட்டின் 130 கோடி இந்தியர்களும் ஒன்றுபட்டுள்ளோம் என்ற பலத்தை தெரிவிக்கும் வகையிலும் 5-ம் தேதி ஞாயிற்றுக்கிழமை இரவு 9 மணிக்கு 9 நிமிடங்கள் மின் விளக்குகளை அணைத்து விடுங்கள், வீட்டின் 4 மூலைகளிலும் அகல் விளக்கு அல்லது டார்ச் விளக்கு அல்லது செல்போன் விளக்கு அல்லது மெழுகுவர்த்தி ஏற்றுவோம் என அழைப்பு விடுத்தார்.

இந்தியர்களின் ஒற்றுமையை பரைசாற்றும் வகையில் பிரதமர் மோடி விளக்கேற்ற சொன்னார்.

ஆனால், அவருடைய தகவல் போலியாகவும், அவதூறாகவும் சித்தரிக்கப்பட்டு சமூக வலைதளங்களில் பரப்பட்டு வருகிறது. அவருடைய அறிவிப்புக்கு பலர் ஆதரவை தெரிவித்து உள்ளனர். இவ்வரிசையில் இணைந்துள்ள நடிகை வரலட்சுமி இதுதொடர்பான வீடியோ செய்தியை டுவிட்டரில் வெளியிட்டுள்ளார்.

வரலட்சுமி பேசுகையில், அனைவருக்கும் வணக்கம்… ஒரு பிரச்சினையை கண்டுபிடிப்பது என்பது அனைவருக்குமே எளிதானது. அதற்கான தீர்வை கண்டுபிடிப்பது தான் கஷ்டமாகும். இந்தியா மாதிரியான நாட்டில் 134 கோடி மக்களை பாதுகாக்க ஒரே ஒருவர் தான் இருக்கிறார். அவர் நமது பிரதமர் மோடி ஜிதான். கேள்விகளை கேட்கலாம், எதிர்ப்பு தெரிவிக்கலாம். ஆனால், இப்போது அதற்கான நேரம் கிடையாது. அதற்கான நேரம் வரும்.

இந்த தருணத்தில் அனைவரும் ஒன்றாக இணைந்து செயல்படுவோம். ஏனென்றால், அனைவருமே ஒன்றிணைந்து தான் கொரோனா வைரசுக்கு எதிராக போரிடமுடியும். அதுபோல் வைரஸ் ஜாதி, மதம் எல்லாம் பார்த்து வருவது கிடையாது. எல்லாருக்குமே இந்த வைரஸ் தொற்று வரலாம். ஆகையால் அனைவரும் ஒன்றிணைந்து இரவு 9 மணிக்கு 9 நிமிடங்கள் விளக்கை அணைத்து ஒளியேற்றுங்கள். இது ஒட்டுமொத்த இந்தியாவே ஒன்றிணைந்திருக்கிறோம் என்பதை காட்டுவதற்காக மட்டுமே.

எதிர்ப்பு தெரிவிப்பதற்கும் கேள்வி கேட்பதற்கும் நேரம் வரும். ஆனால், இது நேரம் கிடையாது. இந்த தருணத்தில் பிரதமருடன் நாம் கைகோர்ப்போம். நான் அவருடன் கைகோர்த்து உள்ளேன். நீங்கள் எடுக்கும் முயற்சிகள் அனைத்துக்கும் நன்றி சார். உங்களுடைய பணி மிகவும் கடுமையானது என்று தெரியும். நான் இன்று இரவு 9 மணியளவில் எனது கையில் விளக்குடன் பால்கனியில் நிற்பேன். நீங்களும் இருப்பீர்கள் என்று நம்புகிறேன் என கூறியுள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %