#IndiaFightsCorona 6-வது மாடியிலிருக்கும் கொரோனா தனிமை வார்டிலிருந்து தப்ப முயன்ற முதியவர் உயிரிழப்பு!

Read Time:2 Minute, 46 Second

இந்தியாவில் கொரோனா வைரஸ் பாதிப்பு சந்தேகத்தின் அடிப்படையில் தனிமைப்படுத்தப்பட்ட வார்டுகளில் தற்கொலை செய்யும் அதிர்ச்சி சம்பவங்கள் நடைபெற்று வருகிறது.

மார்ச் மத்தியில் டெல்லி மருத்துவமனையில் கொரோனா அறிகுறியுடன் அனுமதிக்கப்பட்ட வாலிபர் 7-வது மாடியில் இருந்து குதித்து தற்கொலை செய்துக்கொண்ட சம்பவம் பெரும் அதிர்ச்சியை ஏற்படுத்தியது. ஆனால், அவருடைய ரத்த மாதிரிகளை சோதனை செய்ததில் அவருக்கு கொரோனா வைரஸ் பாதிப்பு இல்லையென்பது உறுதி செய்யப்பட்டது. இருமல், சளி இருந்ததால் கொரோனா எனப் பயந்து சிலர் தற்கொலை செய்துக்கொள்ளும் துரதிஷ்டவசமான சம்பவமும் நடந்துள்ளது.

கொரோனா வந்தால் மரணம் தான் என்ற செய்திக்கு அதிகமாக செவி கொடுக்காதீர்கள். ஆரம்ப கட்டத்திலே மருத்துவமனையில் சிகிச்சை பெற்றால் பலன் கிடைக்கும். இந்த விஷயத்தில் பரிசோதனை செய்துக்கொள்ள மத்திய மாநில அரசுக்கள் விதிமுறைகளை விதித்து உள்ளன. அதன்படி பரிசோதனையை செய்து சிகிச்சையை பெற்றுக்கொள்ளுங்கள். தற்கொலை செய்துக்கொள்ள வேண்டாம் என அறிவுரை வழங்கப்படுகிறது.

இந்நிலையில் அரியானா கர்னாலில் நகரில் 55 வயது முதியவர் கல்பனா சாவ்லா மருத்துவ கல்லூரி மருத்துவமனையில் 6 வது மாடியில் உள்ளா கொரோனா தனிமைப்படுத்தப்பட்ட வார்டில் அனுமதிக்கப்பட்டு உள்ளார். அங்கிருந்து தப்பிக்கும் முயற்சியாக அங்கிருந்த பெட் ஷிட்களை பயன்படுத்தி 6-வது மாடியிலிருந்து ஜன்னல் வழியே இறங்கியுள்ளார். அப்போது பெட்ஷிட்கள் கிழிந்தது கீழே விழுந்து உயிரிழந்துள்ளார்.

இதுதொடர்பாக போலீசார் வழக்குப்பதிவு செய்து விசாரித்து வருகின்றனர். அவருடைய ரத்த பரிசோதனை முடிவுகள் இன்னும் தெரியவரவில்லை என மருத்துவமனை நிர்வாகம் தரப்பில் தெரிவிக்கப்பட்டுள்ளது.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %