#IndiaFightsCorona மார்ச் மாதம் நடக்கவிருந்த தப்லிக் ஜமாத் மாநாட்டை மராட்டியம் நிறுத்தியது எப்படி…?

Read Time:2 Minute, 42 Second
Page Visited: 61
#IndiaFightsCorona மார்ச் மாதம் நடக்கவிருந்த தப்லிக் ஜமாத் மாநாட்டை மராட்டியம் நிறுத்தியது எப்படி…?

இந்தியா முழுவதும் கொரோனா வைரஸ் பாதிப்பு எண்ணிக்கை அதிகரிக்க டெல்லியில் மார்ச் மத்தியில் நடைபெற்ற தப்லிக் ஜமாத் நடத்திய மாநாடு முக்கிய காரணமாக அமைந்தது.

இந்நிலையில் மார்ச் முதல் வாரத்தில் மராட்டிய அரசாங்கமும் மாவட்ட நிர்வாகிகளும் எடுத்த ஒரு முடிவு, டெல்லி இஸ்லாமிய மாநாட்டில் காணப்பட்டதை போன்ற ஒரு சூழ்நிலை மாநிலத்தில் ஏற்படாத வகையில் உதவியுள்ளது. மார்ச் 14-15 தேதிகளில் மும்பையின் அண்டை பகுதியான வசாய் பகுதியில் நடைபெற திட்டமிடப்பட்ட தப்லிக் ஜமாத் கூட்டத்தில் சுமார் 50,000 பேர் கலந்து கொள்ளவிருந்தனர்.

இந்நிலையில் மார்ச் 5 ம் தேதி மாவட்ட நிர்வாகிகள் மற்றும் சுகாதார நிபுணர்களுடன் மாநில அரசு வீடியோ கான்பிரன்ஸ் மூலம் கூட்டம் நடத்தியது. இதனையடுத்து இக்கூட்டத்தில் மாநிலத்தில் நடைபெற உள்ள அனைத்து பொதுக்கூட்டங்களும் உடனடியாக ரத்து செய்யப்பட வேண்டும் என்று முடிவு செய்யப்பட்டது. இந்த முடிவு தான் மராட்டியத்தை பெரிய கொரோனா பாதிப்பிலிருந்து காப்பாற்றியுள்ளது என செய்திகள் வெளியாகியுள்ளது.

இந்த முடிவில் உடனடியாக செயல்பட்ட பால்காட் மாவட்ட நிர்வாகம் தப்லிக் ஜமாத் நிகழ்வை ரத்து செய்தது. மார்ச் 5-ம் தேதி, தலைமைச் செயலாளர் அஜோய் மேத்தாவுடனான வீடியோ-மாநாட்டிற்கு பிறகு நாங்கள் எங்கள் பதிவுகளை சரிபார்த்தோம், அப்போது தப்லிக் ஜமாத் நிகழ்வு மார்ச் 14-15 தேதிகளில் திட்டமிடப்பட்டிருப்பதை கண்டறிந்தோம். உடனடியாக ரத்து செய்தோம், திட்டமிடப்பட்ட வேறு சில பொது நிகழ்வுகளும் ரத்து செய்யப்பட்டது என அம்மாவட்ட ஆட்சியர் கைலாஷ் ஷிண்டே தெரிவித்து உள்ளார் என இந்தியன் எக்ஸ்பிரஸ் செய்தி வெளியிட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %