#Coronavirus பணம் சம்பாதிக்கவே மலேரியா மாத்திரைகள் கொரோனாவை குணப்படுத்தும் என டொனால்டு டிரம்ப் பிரசாரம்…?

Read Time:4 Minute, 6 Second
Page Visited: 45
#Coronavirus பணம்  சம்பாதிக்கவே மலேரியா மாத்திரைகள் கொரோனாவை குணப்படுத்தும் என டொனால்டு டிரம்ப் பிரசாரம்…?

பணம் சம்பாதிக்கவே மலேரியா மாத்திரிகள் கொரோனாவை குணப்படுத்தும் என அமெரிக்க அதிபர் டொனால்டு டிரம்ப் பிரசாரம் செய்வதாக குற்றச்சாட்டு எழுந்துள்ளது.

உலகம் முழுவதும் கொரோனா வைரஸ் மனிதர்களின் உயிரை பறித்து வருகிறது.

மலேரியாவிற்கு பயன்படுத்தப்படும் ஹைட்ராக்ஸிகுளோரோகுயின் மாத்திரைகள் கொரோனா வைரசுக்கு எதிராக செயல்படுவதாக உறுதியான ஆதாரங்கள் இல்லை என்று உலக சுகாதார அமைப்பு (WHO) கூறினாலும், அவற்றை உலக நாடுகள் பயன்படுத்த தொடங்கியுள்ளன.

கொரோனா வைரஸ் தொற்றுக்கு ஹைட்ராக்சி குளோரோகுயின் மாத்திரைகள் பயனளிக்கும் அறிவியல்பூர்வமாக எந்த ஒரு ஆய்வும் வெளியாகவில்லை. இருப்பினும் வைரஸ் பரவலை தடுக்கிறது என்ற கூற்றுடன் பயன்பாட்டிற்கு எடுத்துக்கொள்ளப்படுகிறது. இந்தியாவும் இக்கட்டான நிலையில் இந்த மாத்திரைகளை பயன்படுத்த அனுமதி வழங்கியுள்ளது. அமெரிக்காவும் அனுமதியை வழங்கியுள்ளது. இந்தியா இந்த மருந்துகளை ஏற்றுமதி செய்ய தடை விதித்தது. ஆனால், அமெரிக்க அதிபர் டொனால்டு டிரம்ப் இந்தியா ஏற்றுமதி செய்ய அனுமதிக்கவில்லை என்றால் விளைவுகளை எதிர்க்கொள்ள நேரிடும் என எச்சரிக்கையை விடுத்தார்.

தொடர்ந்து மலேரியா மாத்திரைகளை பயன்படுத்தலாம் என டொனால்டு டிரம்ப் பிரசாரம் செய்து வருகிறார்கள். இதற்கிடையே அமெரிக்காவில் இந்த மாத்திரையை எடுத்துக்கொண்டவர்கள் உயிரிழந்த சம்பவமும் அரங்கேறியுள்ளது. இம்மாத்திரைகள் பக்க விளைவை ஏற்படுத்தும் எனவும் ஆய்வாளர்கள் எச்சரிக்கிறார்கள். ஆனால், டிரம்போ தொடர்ந்து பிரசாரம் செய்கிறார்.

இது முடக்கு வாத ஆயுள் நோயாளிகளுக்கான மருந்தாகும். இதனை டிரம்ப் சர்வ சாதாரணமாக கொரோனாவுக்கு பரிந்துரைப்பது எந்த வித அறிவியல் ஆதாரமுமற்ற செயலாகும். தவறான நம்பிக்கை அளிப்பது மோசமான நடவடிக்கையாகும் என ஆய்வாளர்கள் எச்சரிக்கிறார்கள். ஸ்வீடனில் கொரோனா நோய்க்கு ஹைட்ராக்சிகுளோரோகுய்ன் அளிப்பதை நிறுத்தி விட்டனர் என்று கூறும் நிபுணர்கள், இந்த மருந்து கடும் பக்க விளைவுகளை ஏற்படுத்த கூடியது என்கின்றனர்.

இந்நிலையில் பிரான்சின் ஹைட்ராக்சிகுளோரோகுயின் தயாரிப்பு நிறுவனமான சனோபி நிறுவனத்தில் டிரம்புக்கு பங்கு உள்ளது. டிரம்பிற்கு நெருக்கமானவர்கள் இம்மாத்திரைகளை தயாரிக்கும் பணியில் இறங்கியுள்ளனர். டிரம்ப் கட்சிக்கு நிதியளப்பவர்களும் இந்த நடவடிக்கையில் இறங்கியுள்ளனர் என நியூயார்க் டைம்ஸ் குற்றம் சாட்டி செய்தி வெளியிட்டுள்ளது. இதனையடுத்து பணம் சம்பாதிக்கவே மலேரியா மாத்திரைகள் கொரோனாவை குணப்படுத்தும் என டொனால்டு டிரம்ப் பிரசாரம்…? செய்கிறார் என்ற கேள்வி வலுத்துள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %