#IndiaFightsCorona தனிமைப்படுத்தல் இல்லையென்றால் ஒரு கொரோனா நோயாளியால் 400 பேருக்கு பாதிப்பு ஏற்படும் – சுகாதார அமைச்சகம்

Read Time:2 Minute, 36 Second
Page Visited: 48
#IndiaFightsCorona  தனிமைப்படுத்தல் இல்லையென்றால் ஒரு கொரோனா நோயாளியால் 400 பேருக்கு பாதிப்பு ஏற்படும்  – சுகாதார அமைச்சகம்

ஊரடங்கு உத்தரவுகளை பின்பற்றாமல் அல்லது சமூக விலகலை கடைப்பிடிக்காத ஒரு கொரோனா வைரஸ் நோயாளியால் 30 நாட்களில் 406 பேருக்கு பாதிப்பை ஏற்படுத்த முடியும் என்று மத்திய சுகாதார அமைச்சகம் தெரிவித்துள்ளது.

இந்தியாவில் கொரோனா வைரசை கட்டுப்படுத்த மத்திய மாநில அரசுக்கள் கடுமையான நடவடிக்கைகளை மேற்கொண்டு வருகின்றன. மத்திய அரசு 21 நாள் ஊரடங்கை அமல்படுத்தியது. ஆனால், கொரோனாவால் பாதிக்கப்படுபவர்கள் எண்ணிக்கை நாளுக்கு நாள் அதிகரித்து வருகிறது. ஊரடங்கு உத்தரவு முடிய இன்னும் 7 நாட்களே உள்ள நிலையில் கொரோனா வைரஸ் தாக்கத்தின் போக்கு குறைந்ததாக தென்படவில்லை.

இதற்கிடையே பொதுமக்கள் ஊரடங்கு உத்தரவை முறையாக கடைபிடிக்காத நிலையும் காணப்படுகிறது.

இந்நிலையில் இந்திய சுகாதாரத்துறை அமைச்சகத்தின் மூத்த அமைச்சக அதிகாரி லாவ் அகர்வால், ஐ.சி.எம்.ஆரின் சமீபத்திய ஆய்வில் கொரோனா வைரசுக்கு எதிரான போரில் முக்கியமான ஊரடங்கு உத்தரவை பின்பற்றாத அல்லது சமூக தூரத்தை கடைபிடிக்காத ஒரு நோயாளியால் 30 நாட்களில் 406 பேருக்கு தொற்று ஏற்படக்கூடும் என்று காட்டுகிறது என தெரிவித்து உள்ளார்.

ஊரங்கு உத்தரவு முடிவதற்கு ஒரு வாரத்திற்கு முன்னர் அரசாங்கத்திடம் இருந்து இக்கருத்து வந்துள்ளது அதிர்ச்சியை ஏற்படுத்தியுள்ளது. கொரோனா வைரஸ் பாதிப்பு படிப்படியாக உயர்ந்து வருவதால் பல மாநிலங்கள் ஊரடங்கை நீட்டிக்க வேண்டும் என மத்திய அரசை கேட்டுக்கொண்டுள்ளன. நிலைமையை கவனித்து வருவதாக மத்திய அரசு கூறியுள்ளது. ஊரடங்கு அல்லது தனிமைப்படுத்தலை மீறும் நபர்கள் மீது கடுமையான சட்ட நடவடிக்கை எடுக்கவும் மாநிலங்களுக்கு மத்திய அரசு உத்தரவிட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %