#IndiaFightsCorona கொரோனா தடுப்பு நடவடிக்கைக்கு நடிகர் அஜித்குமார் ரூ.1¼ கோடி நிதி உதவி..!

Read Time:2 Minute, 18 Second
Page Visited: 55
#IndiaFightsCorona கொரோனா தடுப்பு நடவடிக்கைக்கு நடிகர் அஜித்குமார் ரூ.1¼ கோடி நிதி உதவி..!

இந்தியாவில் கொரோனா வைரஸ் தனது கொடிய கோர முகத்தை காட்ட துவங்கி உள்ளது. குறிப்பாக தமிழகத்தில் கொரோனா வைரஸ் பாதிப்பு ஒவ்வொரு நாளும் அதிகமாகி செல்கிறது.

இந்த வைரஸ் பாதிப்பில் இருந்து மீள்வதற்காக மத்திய, மாநில அரசுகள் போர்க்கால அடிப்படையில் நடவடிக்கைகளை மேற்கொண்டு உள்ளன. வைரஸ் தடுப்பு நடவடிக்கைக்காக பிரதமர் நரேந்திர மோடியும், தமிழக முதல்-அமைச்சர் எடப்பாடி பழனிசாமியும் பொதுமக்களிடம் நிதி திரட்டி வருகிறார்கள். பொதுமக்களும் நிதியுதவி அளித்து வருகிறார்கள். அரசியல் தலைவர்கள், நடிகர்-நடிகைகள் மற்றும் முக்கிய பிரமுகர்கள் பலரும் நிதியுதவி அளித்து வருகின்றனர்.

நடிகர் அஜித்குமார்

நடிகர் அஜித்குமாரும் கொரோனா வைரஸ் தடுப்பு நடவடிக்கைக்காக ரூ.1¼ கோடி நிதியுதவி அளித்து உள்ளார். பிரதமர் நிவாரண நிதிக்கு ரூ.50 லட்சமும், முதல்-அமைச்சர் நிவாரண நிதிக்கு ரூ.50 லட்சமும், தென்னிந்திய திரைப்பட தொழிலாளர்கள் சம்மேளனத்துக்கு (பெப்சி) ரூ.25 லட்சமும் வழங்குவதாக அவர் அறிவித்து உள்ளார். கொரோனா பாதிப்பு காரணமாக திரைப்பட தொழிலாளர்கள் வேலை இழந்து, அவர்களின் வாழ்வாதாரம் பாதிக்கப்பட்டு உள்ளது.

இதனையடுத்து அவர்களுக்கு உதவும்படி, பெப்சி தலைவர் ஆர்.கே.செல்வமணி கேட்டுக்கொண்டதன் பேரில் நடிகர்-நடிகைகள் நிதியுதவி வழங்கி வருகின்றனர். ஏற்கனவே, ரஜினிகாந்த் ரூ.50 லட்சம், கமல்ஹாசன், சூர்யா, சிவகார்த்திகேயன், விஜய் சேதுபதி உள்ளிட்டோர் தலா ரூ.10 லட்சமும் வழங்கி உள்ளனர் என்பது குறிப்பிடத்தக்கது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %