#IndiaFightsCorona ஆந்திரா பிரதேசம் கொரோனா வைரஸ் சோதனை கருவிகளை தயாரிக்க தொடங்குகியது…

Read Time:2 Minute, 33 Second
Page Visited: 56
#IndiaFightsCorona ஆந்திரா பிரதேசம் கொரோனா வைரஸ் சோதனை கருவிகளை தயாரிக்க தொடங்குகியது…

ஆந்திர பிரதேச மாநிலம் கொரோனா வைரஸ் பாதிப்பை உறுதி செய்யும் சோதனை கருவிகளை தயாரிக்க தொடங்கியுள்ளது.

ஆந்திரா மெடெக் மண்டலம் (Andhra Pradesh MedTech Zone ) என்பது இந்தியாவில் ஒரு பிரத்யேக மருத்துவ உபகரண உற்பத்தி மையமாகும். இங்கு கொரோனா வைரஸ் பாதிப்பை உறுதி செய்யும் வகையில் சோதனை கருவிகளை தயாரிக்க இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) ஒப்புதல் அளித்துள்ளது. தற்போதைய நெருக்கடியை கருத்தில் கொண்டு வென்டிலேட்டர்கள் தயாரிப்புக்கான அனைத்து உற்பத்தி ஒப்புதல்களிலிருந்தும் இந்திய மருந்து கட்டுப்பாட்டு ஜெனரல் விலக்கு அளித்து உள்ளார்.

விசாகப்பட்டினத்தில் உள்ள ஆந்திரா மெடெக் மண்டலத்தில் இன்று புதன்கிழமை ஆந்திரா அரசு கொரோனா வைரஸ் சோதனை கருவிகளை தயாரிக்க தொடங்கியுள்ளது. முதல்வர் ஜெகன் மோகன் ரெட்டி அமராவதியில் உள்ள தனது அலுவலகத்திலிருந்து தயாரிப்பை தொடங்கி வைத்தார். ஆந்திரா மெடெக் மண்டலம் (AMTZ) ஒரு நாளைக்கு 2,000 சோதனைக் கருவிகளை தயாரிக்க தொடங்கியுள்ளதாக அரசு பெருமிதம் தெரிவித்துள்ளது.

இது மாநிலத்தை தன்னிறைவு பெற செய்வது மட்டுமல்லாமல், முழு நாட்டிற்கும் சோதனை கருவிகளை வழங்குவதில் வல்லதாக்கும். சோதனை கருவிகளை தயாரிக்கும் திறன் ஒரு நாளைக்கு 25,000 ஆக உயர்த்தப்படும் ”என்று அம்மாநில கைத்தொழில் மற்றும் வணிகத்துறை சிறப்பு தலைமைச் செயலாளர் டாக்டர் ராஜத் பார்கவா தெரிவித்துள்ளார். மேலும் AMTZ ஏப்ரல் 15 முதல் 3,000 வென்டிலேட்டர்களை உற்பத்தி செய்ய தொடங்குகிறது, இந்துஸ்தான் லைப் கேர் (எச்.எல்.எல்) வென்டிலேட்டர்களை அசம்பிளிங் செய்ய உதவி செய்கிறது என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %