#Coronavirus இங்கிலாந்தில் 6,159 பேர் சாவு… பிரதமர் போரிஸ் ஜான்சனுக்கு வென்டிலேட்டர் உதவியுடன் தீவிர சிகிச்சை…

Read Time:3 Minute, 44 Second
Page Visited: 51
#Coronavirus இங்கிலாந்தில் 6,159 பேர் சாவு… பிரதமர் போரிஸ் ஜான்சனுக்கு வென்டிலேட்டர் உதவியுடன் தீவிர சிகிச்சை…

இங்கிலாந்து பிரதமர் போரிஸ் ஜான்சனுக்கும் (வயது 55) மார்ச் 27-ம் தேதி அவருக்கு கொரோனா வைரஸ் பாதித்தது மருத்துவ பரிசோதனைகளில் உறுதி செய்யப்பட்டது. இதனையடுத்து போரிஸ் ஜான்சன் லண்டனில் எண்.10 டவுனிங் வீதியில் உள்ள பிரதமரின் அதிகாரப்பூர்வ இல்லத்தில் தன்னை தனிமைப்படுத்திக்கொண்டார். அந்த நிலையிலேயே அவர் அரசு பணிகளை மேற்கொண்டார்.

இந்நிலையில் கடந்த ஞாயிற்றுக்கிழமை கொரோனா வைரசுக்கான அறிகுறிகள் அவருக்கு தீவிரமாக வெளிப்பட்டன. இதனையடுத்து அவர் டாக்டர்கள் ஆலோசனைப்படி உடனடியாக லண்டனில் உள்ள செயின்ட் தாமஸ் மருத்துவமனையில் சேர்க்கப்பட்டார். அங்கு அவருக்கு சிகிச்சை அளிக்கப்பட்டு வந்தது. ஆனால், அவரது நிலைமை மோசம் அடைந்ததை தொடர்ந்து, திங்கட்கிழமை இரவு 7 மணியளவில் அதே மருத்துவமனையில் தீவிர சிகிச்சை பிரிவில் சேர்க்கப்பட்டார். அவருக்கு டாக்டர்கள் மிகச்சிறப்பான சிகிச்சை அளித்து வருவதாக தெரிவிக்கப்பட்டுள்ளது. அவருக்கு ஆக்சிஜன் வழங்கும் வென்டிலேட்டர் உதவியுடன் சிகிச்சை அளிக்கப்படுகிறது என தகவல் வெளியாகியுள்ளது.

இங்கிலாந்தில் கொரோனாவால் பாதிக்கப்பட்டவர்கள் எண்ணிக்கை 55,242 ஆக உயர்ந்துள்ளது. பலி எண்ணிக்கை 6,159 ஆகவும் உயர்ந்து உள்ளது. அங்கும் கொரோனாவினால் பாதிக்கப்படுபவர்கள் மற்றும் உயிரிழந்தவர்கள் எண்ணிக்கை நாளுக்கு நாள் அதிகரித்து வருகிறது.

அமெரிக்கர்கள் பிரார்த்தனை

இந்த நிலையில் போரிஸ் ஜான்சனுக்கு சிகிச்சையில் உதவுவதற்கு அமெரிக்க ஜனாதிபதி டிரம்ப் முன்வந்து உள்ளார். வெள்ளை மாளிகையில் செய்தியாளர்களிடம் பேசிய டிரம்ப், போரிஸ் ஜான்சன் தீவிர சிகிச்சை பிரிவில் சேர்க்கப்பட்டு உள்ளார் என்பதை அறிந்து நாங்கள் மிகவும் வருத்தப்படுகிறோம். அவர் குணம் அடைவதற்காக அமெரிக்கர்கள் பிரார்த்தனை செய்கிறார்கள்.

இதில் தீர்வு காண்பதற்காக அமெரிக்காவின் முன்னணி மருந்து நிறுவனங்கள் லண்டனை தொடர்பு கொள்ள வேண்டும் என்று கூறி உள்ளேன். நாம் அவருக்கு உதவ முடியுமா? என்று பார்ப்போம். போரிஸ் ஜான்சனுக்கு சிகிச்சை அளிக்கும் டாக்டர்களை நாங்கள் தொடர்பு கொண்டிருக்கிறோம். என்ன நடக்கிறது என்று பார்ப்போம். தீவிர சிகிச்சை பிரிவில் இந்த குறிப்பிட்ட வைரஸ் தொற்றுடன் வருகிறபோது, நிலைமை மோசமாகி விடுகிறது. போரிஸ் ஜான்சன் எனது நல்ல நண்பராக இருந்து வந்திருக்கிறார். அவருக்கான உதவிகள் செய்யப்படும் என தெரிவித்து உள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %