#IndiaFightsCorona ஊரடங்கு நீட்டிப்பு குறித்து இறுதி முடிவு: மாநில முதல்வர்களுடன் பிரதமர் மோடி 11-ம் தேதி ஆலோசனை

Read Time:3 Minute, 15 Second
Page Visited: 26
#IndiaFightsCorona ஊரடங்கு நீட்டிப்பு குறித்து இறுதி முடிவு: மாநில முதல்வர்களுடன் பிரதமர் மோடி 11-ம் தேதி ஆலோசனை

ஊரடங்கை நீட்டிப்பது குறித்து இறுதி முடிவை எடுக்க மாநில முதல்வர்களுடன் பிரதமர் மோடி 11-ம் தேதி ஆலோசனையை மேற்கொள்கிறார் என தகவல் வெளியாகியுள்ளது.

இந்தியாவில் கொரோனா காட்டுத்தீ போல் வேகமாக பரவ தொடங்கியதால், அதை கட்டுப்படுத்தும் வகையில் நாடு முழுவதும் 21 நாள் ஊரடங்கு அமல்படுத்தப்படுவதாக பிரதமர் மோடி கடந்த 24-ம் தேதி இரவு அறிவித்தார். அப்போது இந்தியாவில் கொரோனா வைரசால் பாதிக்கப்பட்டவர்கள் எண்ணிக்கை 519 ஆக இருந்தது. ஊரடங்கை தொடர்ந்து மாநில, மாவட்ட எல்லைகள் சீல் வைக்கப்பட்டு ஏராளமான கட்டுப்பாடுகள் அமலில் வந்தது.

கொரோனாவுக்கு இன்னும் மருந்து கண்டுபிடிக்கப்படாததால், வைரஸ் பரவுவதை கட்டுப்படுத்த பல்வேறு நாடுகளும் போராடிக்கொண்டு இருக்கின்றன.

இந்தியாவில் ஊரடங்கு அமலில் இருந்தாலும் கொரோனா வைரஸ் பாதிப்பு அதிகரித்து செல்கிறது. இந்நிலையில் வைரஸ் பரவலை கட்டுப்படுத்தும் வகையில் ஊரடங்கை நீட்டிக்க வேண்டும் என மாநில அரசுக்கள் மத்திய அரசுக்கு கோரிக்கையை விடுக்கின்றன.

கொரோனா வைரஸ் பரவாமல் தடுக்கும் நடவடிக்கை தொடர்பாக மாநில முதல்வர்கள், அரசு அதிகாரிகள், மருத்துவத் துறையினர் என பல தரப்பினருடன் பிரதமர் மோடி காணொலி மூலம் கடந்த 2-ம் தேதி ஆலோசனை நடத்தி நிலையை அறிந்துக்கொண்டார். இன்று நாடாளுமன்ற மக்களவை மற்றும் மாநிலங்களவையில் 5 எம்.பி.க்களுக்கு மேல் உள்ள கட்சியின் குழு தலைவர்கள், அரசியல் கட்சிகளின் நாடாளுமன்ற குழு தலைவர்களுடன் பிரதமர் மோடி காணொலி காட்சி வழியாக ஆலோசனை நடத்தினார்.

இதில் பெரும்பாலான அரசியல் கட்சி தலைவர்கள் லாக் டவுன் நீட்டிக்கப்படவே வாய்ப்புள்ளதாக தெரிவித்துள்ளனர். சில கடினமான முடிவுகளை எடுப்பது அவசியம் என பிரதமர் மோடியும் கூறியதாக செய்திகள் வெளியாகியது. இந்நிலையில் 11-ம் தேதி அனைத்து மாநில முதல்வர்களுடன் பிரதமர் மோடி மீண்டும் காணொலி மூலம் ஆலோசனை நடத்த உள்ளார். அந்த ஆலோசனைக்கு பின்னர் ஊரடங்கை நீட்டிப்பு குறித்தும், எத்தனை நாட்கள் நீட்டிக்கப்படும் என்பது குறித்தும், ஏதேனும் விதிமுறைகள் தளர்வு இருக்கமா என்பது குறித்தும் தகவல் தெரியவரும்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %