#IndiaFightsCorona கொரோனா தொற்று அதிகரித்து வருகிறது… ஊரடங்கை நீட்டிப்பது தொடர்பாக மத்திய அரசு தீவிர பரிசீலனை

Read Time:3 Minute, 31 Second
Page Visited: 30
#IndiaFightsCorona  கொரோனா தொற்று அதிகரித்து வருகிறது… ஊரடங்கை நீட்டிப்பது தொடர்பாக மத்திய அரசு  தீவிர பரிசீலனை

சீனாவில் காணப்பட்ட உயிர்க்கொல்லி நோயான கொரோனா வைரஸ் தொற்று உலக நாடுகளை ஆட்டிப்படைத்து வருகிறது.

கொரோனாவுக்கு இன்னும் மருந்து கண்டுபிடிக்கப்படாததால், வைரஸ் பரவுவதை கட்டுப்படுத்த பல்வேறு நாடுகளும் போராடிக்கொண்டு இருக்கின்றன. இந்தியாவில் கொரோனா காட்டுத்தீ போல் வேகமாக பரவ தொடங்கியதால், அதை கட்டுப்படுத்தும் வகையில் நாடு முழுவதும் 21 நாள் ஊரடங்கு அமல்படுத்தப்படுவதாக பிரதமர் மோடி கடந்த 24-ம் தேதி இரவு அறிவித்தார். அப்போது இந்தியாவில் கொரோனா வைரசால் பாதிக்கப்பட்டவர்கள் எண்ணிக்கை 519 ஆக இருந்தது. ஊரடங்கை தொடர்ந்து மாநில, மாவட்ட எல்லைகள் சீல் வைக்கப்பட்டு ஏராளமான கட்டுப்பாடுகள் அமலில் வந்தது.

ஊரடங்கு நடவடிக்கையால் நாடு முழுவதும் சில மாவட்டங்களில் கொரோனாவின் தாக்கம் இல்லை என்ற போதிலும், கொரோனா பரவிய மாவட்டங்களில் அதன் தாக்கம் அதிகரித்து காணப்படுகிறது. ஊரடங்கு அமல்படுத்தப்பட்டு 14 நாட்கள் ஆகிவிட்டது. இந்நிலையில், நிலையில், நாடு முழுவதும் கொரோனாவுக்கு பலியானவர்களின் எண்ணிக்கை 124 ஆக உயர்ந்து இருக்கிறது. பாதிக்கப்பட்டவர்களின் எண்ணிக்கை 5000-த்தை நெருங்கிக்கொண்டிருக்கிறது. இதனால் கொரோனா பரவுவதை கட்டுப்படுத்துவது எப்படி? என்று தெரியாமல் அதிகாரிகள் தவிக்கும் நிலையே உள்ளது.

பிரதமர் மோடி அறிவித்த 21 நாள் ஊரடங்கு வருகிற 14-ம் தேதியுடன் முடிவடைகிறது. இன்னும் ஒருவாரம் மட்டுமே உள்ள நிலையில் வைரஸ் பரவுவது கட்டுக்குள் வந்துவிடுமா? என்று தெரியவில்லை. இதனால், 14-ம் தேதிக்கு பின்னரும் ஊரடங்கை நீட்டிக்க வேண்டும் என்று பல மாநிலங்களும், நிபுணர்களும் மத்திய அரசை கேட்டுக்கொண்டு இருப்பதாக தகவல் வெளியாகியுள்ளது. இந்த கோரிக்கைகளை பற்றி மத்திய அரசு யோசித்து வருவதாகவும் செய்திகள் வெளியாகியுள்ளது.

தற்போது அமலில் உள்ள ஊரடங்கை நீட்டித்தால் தான் உயிரிழப்புகளை தடுக்க முடியும் என்று பல மாநிலங்கள் கருதுகின்றன. ஊரடங்கால் பொருளாதாரம் பாதிக்கப்பட்டு, வேலை, வருமானம் இல்லாமலும் மக்கள் தவிக்கிறார்கள். ஆனால், மக்களின் உயிரை காப்பாற்ற வேண்டிய மிகவும் முக்கியமானது. இந்நிலையில் ஊரடங்கை 14ம் தேதிக்கு பிறகும் நீட்டிப்பதில் உள்ள சாதக-பாதகங்கள் பற்றி மத்திய அரசு தீவிரமாக பரிசீலித்து வருவதாக தகவல்கள் வெளியாகியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %