#Coronavirus தொற்றுக்கு 15 லட்சம் பேர் பாதிப்பு… 85 ஆயிரம் பேர் உயிரிழப்பு; எந்த நாடுகளில் உயிரிழப்பு, பாதிப்பு அதிகம்…? விபரம்:-

Read Time:2 Minute, 28 Second

உலகம் முழுவதும் ஒற்றை உயிர்க்கொல்லி நோயான கொரோனாவிற்கு எதிராக நாடுகள் போராடி வருகிறது. கடந்த ஆண்டு டிசம்பரில் சீனாவின் உகான் நகரில் காணப்பட்ட கொரோனா உலகம் எங்கிலும் கால் பதித்து மக்களின் உயிரை வேகமாக குடித்து வருகிறது. வைரசிற்கு எதிராக தடுப்பு நடவடிக்கை மட்டுமே கைவசம் உள்ளது.

இரண்டாம் உலகப்போருக்கு பின்பு இந்த உலகம் சந்திக்கும் மிகப்பெரிய சவாலை எதிர்க்கொண்டுள்ளது.

மருந்து கண்டுபிடிக்கும் பணியில் உலக நாடுகள் தீவிரமாக இறங்கி உள்ளன. மருந்துகள் பலனளிப்பதாக கூறினாலும் பக்க விளைவுகள் தொடர்பான ஆய்வு மிகவும் முக்கியமானதாக பார்க்கப்படுகிறது. அமெரிக்கா, இங்கிலாந்து, இத்தாலி, பிரான்ஸ் ஆகிய நாடுகள் கொரோனாவினால் மிகவும் மோசமாக பாதிக்கப்பட்டு உள்ளன.

உலகம் முழுவதும் 1,519,484 பேர் கொரோனா வைரசுக்கு பாதிக்கப்பட்டுள்ளனர். இவர்களில் 88,549 பேர் உயிரிழந்துவிட்டனர். 330,916 சிகிச்சையில் நலம்பெற்றுள்ளனர். சீனாவை காட்டிலும் அமெரிக்காவிலும், ஐரோப்பிய நாடுகளிலும் கொரோனா வைரசின் தாக்கம் மிகவும் அதிகமாகி வருகிறது. அமெரிக்காவில் அதிகமான பாதிப்பும், இத்தாலியில் அதிகமான உயிரிழப்பும் பதிவாகியுள்ளது. கொரோனாவினால் உயிரிழப்பு மற்றும் பாதிப்பு அதிகமாக உள்ள நாடுகளின் பட்டியல்:-

இத்தாலி

பாதிப்பு – 139,422
உயிரிழப்பு – 17,669


ஸ்பெயின்

பாதிப்பு – 148,220
உயிரிழப்பு – 14,792


அமெரிக்கா

பாதிப்பு – 435,160
உயிரிழப்பு – 14,797


பிரான்ஸ்

பாதிப்பு – 112,950
உயிரிழப்பு – 10,869


இங்கிலாந்து

பாதிப்பு – 60,733
உயிரிழப்பு – 7,097


ஈரான்

பாதிப்பு – 64,586
உயிரிழப்பு – 3,993


சீனா

பாதிப்பு – 81,865
உயிரிழப்பு – 3,335


ஜெர்மனி

பாதிப்பு – 113,296
உயிரிழப்பு – 2,349


நெதர்லாந்து

பாதிப்பு – 20,549
உயிரிழப்பு – 2,248


பெல்ஜியம்

பாதிப்பு – 23,403
உயிரிழப்பு – 2,240