#Coronavirus நியூயார்க்கில் கொத்துக் கொத்தாக உயிரிழக்கும் மக்கள்… அமெரிக்காவில் சாவு 15 ஆயிரத்தை எட்டியது…

Read Time:1 Minute, 51 Second

அமெரிக்காவில் கொரோனா வைரசினால் அதிகமான பாதிக்கப்பட்டு உள்ளனர். இன்று உலகிலே அதிகமானோர் கொரோனாவால் பாதிக்கப்பட்டவர்கள் பட்டியலில் அமெரிக்காவே உள்ளது.

அமெரிக்காவில் தொடக்கத்தில் ஊரடங்கு உத்தரவை அமல்படுத்துவதில் தயக்கம் காட்டிய டொனால்டு டிரம்ப், பொருளாதாரம் பற்றி அதிகமான கவலையை கொண்டார்.

இப்போது கொரோனா வைரஸ் ஒட்டுமொத்த நாட்டையே உலுக்கி வருகிறது. அங்கு கொரோனாவினால் பாதிக்கப்படுபவர்களின் எண்ணிக்கை ஜெட்வேகத்தில் செல்கிறது. இப்போது, மற்றவர்களை குறை சொல்லிவருகிறார் டொனால்டு டிரம்ப். அங்கு 2 லட்சம் பேர் கொரோனாவால் உயிரிழக்கலாம் என வெள்ளை மாளிகையே கணித்துள்ளது. இந்நிலையில், நியூயார்க் நகரில் மனித சடலம் அடுக்கிவைக்கப்படும் அவல நிலை ஏற்பட்டுள்ளது.

அமெரிக்காவில் இதுவரையில் கொரோனாவினால் 435,160 பேர் பாதிக்கப்பட்டுள்ளனர். 14,797 பேர் உயிரிழந்து உள்ளனர். இதில் அதிகப்பட்சமாக நியூயார்க் நகரில் அதிகப்பட்சமாக 81,803 பேருக்கு கொரோனா வைரஸ் பாதிப்பு உறுதி செய்யப்பட்டுள்ளது. அங்கு இதுவரையில் 4,755 பேர் உயிரிழந்து உள்ளனர். அமெரிக்காவில் கொரோனாவிடம் இருந்து உயிர்தப்பிக்க பொதுமக்கள் தனிமைப்படுத்தலை கடைபிடிக்கிறார்கள். ஆனால் வேகம் பிடித்த கொரோனா அவர்களை விடுவதாக தெரியவில்லை என்றே சமீபத்திய புள்ளி விபரங்கள் தெரிவிக்கிறது.